Maung~ & His Lavendar (Completed)

Part-15

Maung~ & His Lavender

(Unicode)

ကြီးမားပြီး ခန့်ထည်လှသည့်အိမ်ကြီး။
မီးတွေထိန်ထိန်လင်းလို့နေသည်။
ခြံအတွင်းထဲတွင်လည်း မီးရောင်စုံတွေဖြင့်လူစုလူဝေးတို့က ရှိလို့နေသည်။ပါတီပွဲတစ်ခုကို ကျင်းပနေတာပင်။

" ကိုကို..."

" ပြန်လိုက်ပါ ခင်ဗျာ့..."

" ငါ့ကိုမထိနဲ့...ငါကိုကို့ကို တွေ့ဖို့လာတာ..."

Taehyung ကိုအစောင့်တွေက အတင်းပြန်လွှတ်နေခဲ့သည်။ဒါကို လုံးဝမပြန်ဘဲခြံအရှေ့တွင်ရပ်ကာ ကိုကိုလို့ဆက်ခေါ်နေခဲ့သည်။

" ပါတီပွဲကဖိတ်ထားတာမရှိဘဲ ဝင်လို့မရဘူး...
ပြန်လိုက်ပါ ခင်ဗျာ့..."

" မပြန်ဘူး...ငါဘာပါတီပွဲမှ တက်ဖို့လာတာမဟုတ်ဘူး...Kim Namjoon ဆိုတဲ့ငါ့ကိုကို ကိုတွေ့ဖို့လာတာ..."

ခြံတံခါးကို အတင်းတွန်းကာဖွင့်ဖို့လုပ်နေလေသည်။
ရုတ်ရုတ်သဲသဲအခြေအနေတစ်ခုကြောင့်ဒေါက်ဖိနပ်သံလေးနဲ့အတူ အမျိုးသမီးငယ်တစ်ဦးကရောက်လို့လာခဲ့တော့သည်။

" ဖွင့်ပေး...ကိုကိုနဲ့ တွေ့ချင်တယ်..."

Taehyung ရဲ့အသံကိုကြားတော့ ခြံအပြင်ကို လှမ်းကြည့်မိသည်။

ဝတ်စားထားတာလေးက ညအိပ်ဝတ်စုံလေးနဲ့ပင်။ပါတီကို လာတာတော့မဖြစ်နိုင်။

" ကိုကို...ကိုကို...ငယ်ရောက်လာပြီလေ...ကိုကို..."

သူမက အစောင့်တွေကို တံခါးဖွင့်ပေးဖို့အတွက် အချက်ပြလိုက်လေသည်။

Taehyung ခြံတံခါးဖွင့်တာနဲ့ ပြေးကာဝင်တော့သည်။
သို့သော်ခြေလှမ်းတွေက ရပ်တန့်သွားခဲ့သည်။

" ဘယ်သူနဲ့များတွေ့ချင်လို့လဲ..."

လုံခြုံစွာဝတ်ဆင်ထားသည့် သူမ။
အသံတွေက အစတူနေခဲ့သည်။
သူမရဲ့မျက်နှာကို မုန်းသည်။အသံတွေကိုလည်း မုန်းသည်။
နှလုံးသားအစုံက နာကျင်လာခဲ့ရသည်။ ကျနော် မုန်းလှချည်ရဲ့။

" Jung...Jung Yuri..."

တုန်ယင်နေသည့်အသံလေးက သူမနာမည်ကို ခေါ်လိုက်မိသည်။
နောက်တော့ ခွေခနဲ လဲကျသွားခဲ့သည်။