"បានហើយៗឈប់យំទៅ.. តោះពួកយើងចូលទៅក្នុងវិញ" ថេហ្យុង ងក់ក្បាលយល់ព្រមទើបដើរចូលទៅខាងក្នុងបន្ទប់វិញជាមួយ ជុងហ្គុក សម្រាកយកកម្លាំងត្រៀមសម្រាប់ស្អែកពេលថ្ងៃ ត្រូវធ្វើដំណើរទៅសហរដ្ឋអាមេរិកវិញ ។
រាត្រីពោរពេញទៅដោយសន្សើមបានកន្លងផុតទៅ ជំនួសដោយថ្ងៃថ្មីព្រះអាទិត្យរះភ្លឺថ្លា ប៉ុន្តែវាមិនបានជួយជំរុញអោយទឹកចិត្តរបស់ ថេវ៉ុន ក្លាយមកជាដូចដើមវិញនោះឡើយ ។ ពេលនេះផងដែរ អាល្អិតកំពុងតែត្រូវលោកប៉ាចោទសួរនៅចំពោះមុខគ្រួសារទាំងមូល អំពីរឿងដែលគេបាននិយាយជាមួយ ថេហ្យុង កាលពីព្រឹកម្សិលមិញ ។
"ថេវ៉ុន កូនប្រាកដចិត្តហើយឬថាចង់នៅទីនេះ?" ជាលើកចុងក្រោយ ជុងហ្គុក សួរបញ្ជាក់ម្តងហើយម្តងទៀត ហើយចម្លើយក៏នៅតែដដែល ថេវ៉ុន នៅតែសម្រេចចិត្តថានឹងរស់នៅប្រទេសនេះមិនព្រមប្តូរ ។
"កូនប្រាកដហើយ!"
"បងប្រុស.. ហ្ហឹកក" នាងច្រម៉ក់ ខាមីឡា អង្គុយចន្លោះកណ្តាលរវាងអាប៉ានិងបងស្រី រលីងរលោងទឹកភ្នែកដង្ហើយហៅ ថេវ៉ុន ។ បើគេពិតជារស់នៅទីនេះមែន នាងច្បាស់ជាឯកាប្រាកដណាស់ ថ្វីបើនៅមានបងស្រីនិងបងប្រុសម្នាក់ទៀតក៏ពិត ប៉ុន្តែនាងមិនសូវស្និតស្នាលជាមួយពួកគេទាំងពីរនាក់ឡើយ ។
"តើចៅមិនចង់គិតមើលម្តងទៀតទេហ្ហេស ថេវ៉ុន?" លោកដេចន ក្រោយឃើញទឹកភ្នែករបស់ចៅស្រីសំណព្វចិត្ត ក៏ដាច់ចិត្តលូកមាត់ចូលនិយាយបន្ទាប់ពីនៅអង្គុយរង់ចាំស្តាប់នៅក្នុងបន្ទប់ទទួលភ្ញៀវនេះអស់ពេលជាយូរ ។
"ទេ.. ចៅបានសម្រេចចិត្តហើយថានឹងនៅទីនេះជាមួយលោកតាធំនិងលោកតាតូច" ថេវ៉ុន បែរមុខរកលោកតានិយាយទាំងម៉ឺងម៉ាត់ អ្វីក៏ដោយបើគេសម្រេចចិត្តហើយវាគ្មានអ្វីអាចធ្វើអោយគេ ផ្លាស់ប្តូរវាដោយងាយៗនោះឡើយ ។ លោកដេចន កាលបើឮបែបនេះហើយក៏មិនដឹងថាត្រូវនិយាយលួងលោមបែបណាដើម្បីអោយ ថេវ៉ុន កែប្រែចិត្តគំនិត ចុងក្រោយបានត្រឹមតែដកដង្ហើមធំស្ងាត់មាត់ទៅវិញ រង់ចាំការសម្រេចចិត្តរបស់ ជុងហ្គុក ។
"បើកូនចង់បានអ៊ីចឹងទៅហើយ.. ល្អមិនអីទេប៉ានិងអោយ កៃជី រៀបចំទិន្នន័យសំខាន់ៗអោយកូន! ប្រពន្ធសម្លាញ់ អូននាំកូនៗឡើងទៅបន្ទប់រៀបចំខ្លួនទៅ មួយម៉ោងទៀតពួកយើងដល់ពេលឡើងយន្តហោះហើយ!!"
YOU ARE READING
ថ្នមស្នេហ៍ 𝐎 𝐌 𝐄 𝐆 𝐀 ➹2
Acciónគេមានសំណាងដែលបានអាល់ហ្វាាកំណាចថ្នមស្នេហ៍ ថែថួនដូចជាកែវភ្នែក ។ ជុងហ្គុក ព្រីនស៊ីសគ្រីសស្តាល់/គីម ថេហ្យុង ជុងវ៉ូ ព្រីនស៊ីសគ្រីសស្តាល់Xមីនជូ ដាហ្វារីXថេវ៉ុន ព្រីនស៊ីសគ្រីសស្តាល់ (អាល់ប៊ូមទីពីរចាប់ពីភាគ84)
