صغيرتي 🦩🖇️🩰

حلقة 5

تعدات ايامات و سمر من دار لليسي و من اليسي لدار و احمد كل نهار يتعدا من نفس البقعة اللي تقابل فيها هو و سمر على امل انو يقبلها اما يا خيبة المسعى
مرة سمر مروحة الستة ملليسي و الدنيا شتاء هي تمشي و تحس في واحد يمشي وراها قوات في مشيتها ولا السيد ازفر : واا يا قطوس ايجا عندي نخبيك ملمطر و عاد هي ما تسكتش علي شكون يتزعبن عليها دارتلوا : اي اي يا سيد فيبالك بروحك راجل تعمل هكة
جاها يجري و شدها من شعرها : شكون موش راجل تحب نوريك رجوليتي تو ايجا هوني
هو طويل و عريض مسكينة ما نجمتش تقوموا : امان امان عيش خويا سيبني اش عمتلك انا يكركر فيها و يحكي دقيقة و هاني باش نقولك اش عمتلي هما اكاكة و يشوفوا في كرهبة وقفت و هبط منها واحد اما وجهو موش ظاهر ولت تعيط با خويا عوني امان امان جاء الراجل من غادي يجري و وقف قدامهم و كي شافت وجهو تصدمت و قتلو : اما قلو يسيبني امان دارلوا احمد و زاد قرب منو اي نعم احمد قالو و العصب يهز فيه و ب
يحط : ما سمعتش شنوا قتلك سيبيني سيبها توري في رجوليتك علي طفلة صغيرة ايجا التو نوريك الرجولة علي قاعدة دارلو الطفل و عقل صوتوا و قالو : واااا ابو حميد صار انتي ما فيباليش اللي هي متابعتك سمحني و سيب سمر
ا: شنوا انتي *** اش تعمل تتهدد علي الولايا و تحب توسخلهم شرفهم طير من قدامي والله كا مجاش عشرة امي و امك و الا راني مرمتك في الحبس تو طير
مشى الطفل يجري و دار احمد لسمر و هي تبكي و ترعش بكلها