صغيرتي 🦩🖇️🩰

حلقة 9

تعدات ايامات و احمد و سمر يزيدو يتقربوا من بعضعم اكثر ختي من سمر بظات تحبو و هو كل نهار يزيد يغرق و لاوا يحكيوا بتاليفون و فيس قربت الدوفوارات باك بلون ولا ديما يهزها و يجيبها و هي عاجبتها الفازة
كمل الباك بلون و اخر نهار كان قدام الليسي يستني كالعادة خرجت
_ سلام
_ اهلا بصغرونتي سافا الدوفوار سافا سافا بقدرة ربي
_ ايا باهي اكاكة نحبك حاشتي باش تحكي معاك
_ اي تفضل
_ موش هوني ايجا نمشوا للقهوة و نحكيو
_ باهي يا سيدي اما ما نبطوش
_ حاضر يا لالا
وصلوا للقهوة و قعدك
_ احمد تكلم اش فما
_ سمر نحب نقولك حاجة اما خايف لا تتغشش و تقول لا
_ اسمع ااا سيدك تي من وقتاش نقولك لا انا و حتي كان قولتها مصحت راسي موش باش تجي في صحت راسك و باش نقولك اي بسيف يعني تكلم منغير مقدمات
_ اما الحاجة اللي باش باش نقولهالك لازمك توافق عليها بريضاك موش بسيف عليك
_ باهي بام تكلم
_ سمر انا ومن اول نهار ريتك فيه عجبتني و حبيتك و اني نوصل اذاك سبب باش نتقرب منك سمر تقبل نتقدملك و تولي مرتي
_شو احمد موش ولينا اصديقاء يعني نحبك فهمتني وموش خاتر هذيت بهواك شوي يعني نحبك
احمد مسكين تصدم كيفاش تحكي معاه و الطفلة تحط تتسكك بضحك
_ هههههههه يا يا شو وجهك يا مسكين فجعتك ههههههه نعرف نمثل موش هاكة ههههع و نقصت من صوتها و طبست راسها و قتلو حتي انا نحبك وجها ولا اخمر ملحشمة
_ عود عود يعني موافقة ياروحي انتي برسمي موافقة عملتلو براسها اي
_ نحبك يا صغرونتي و نعشقك ان شاء الله تاخو الباك و نجي نخطبك
_ باهي
_ ايا نروح بيك ابدا حضر تو و تلها بقرايتك برك تو باش تاخو الباك و بعد تولي ملكي
وجهها حمار و تبسمتلو شدلها ايدها و خرجو وصلها و روح
فترة الريفيزون ما كلمهاش ما حبش يقلقها
جاء الباك برانسيبال و كالعادة اوصلها و يروح بيها
كملت الدوفورات و صلعت و بقات تستني في النتيجة و ديما احمد اهدي فيها
اليوم نتيجة الباك قامت الصباح متوترة و خايفة كلمها احمد
_ صباح النور يا حبي سافا
_ لا لا متوتر متوتر
_ تي لا عاد بقدرة ربي ليوم يجوك زوز اخبار باهين الاول النجاح و الثاني خطبتك
_ امان احمد ما تزيدش توترني اكثر امان
_ ههههه عيشو المتوتر هو هههه باي تو و كي جيك الميساج اطلبني باش نعرف بروڨرامي اوكي نحبك
_ باهي باي
_ شنوا باي شايحة لا بوسة لا نحبك اكاكا
_ احمد باي باي
_ هههههه باي يا روحي
كانت قاعدة في صالة مع امها و بوها و اختها و شادة التليفون بيدها التليفون صونى و هي تنطرت من بقعتها
_يا بابا يا بابا الميساج وصل
_يا بنيتي هدي اعصابك و حلو
_ ما نجمش ما نجمش حلو انتي _باهي باهي هات هوني قام يصيح و يعيك مبروك مبروك يا روحي سلكتها و نجحت
_يايايايايا والله نحجت و الله
قامت عنقتهم و قالوا باش يعملولها حفلة
مشات كلمت احمد و قالها تحضر روحها
جات العشية سمر لبست روب طويلة بلو و طالون و سيبت شعرها و كانت تسلم علي الناس الكل وقت احمد دخل و في ايدو بوكي فلور و باكو شكلاطة و مشى طول متجه لبو سمر
_ عسلامة عمي
_ عسلامة ولدي تفضل مرحبا بيك
_ عيشك مبروك نجاح سمر
_ عيشك
_عمي انا احمد نعرف سمر عندي برشا و تعجبني و نحبو بعضنا لذا اليوم حبيت تطلب ايدها منك
_ ولدي كان تحبو بعضكم معنديش مانع دقيقة نسالها سمر سمر ايجا دقيقة عيش بنتي
_ نعم بابا كانت تقدم و قلبها يدق بالقوي و احمد من غادي يتبسملها
_ نعم بابا
_ تعرفو السيد هذا
_ ا ا ا ا ي
_ و هو اليوم جاء يخطب و قال اللي انتي زادة تحبو اي ولا لا
طبست راسها و عملتلو اي
_ ههههه بنتي صغرونة اليوم كبرت و جاوا يهطبو فيها هههههه دار لاحمد و قالو ولدي تنجم تشرفنا غدوة انتي و عايلتك لدار و نزيدوا نحكيوا
_ عيشك عمي ان شاء الله غدوة 14h
_ ان شاء الله مرحبا بيكم في كل وقت