صغيرتي 🦩🖇️🩰

حلقة 8

دخلت لدار تعشات و طلعت لبيتها ريفزت شوي و رقدت قامت الصباح مشات تقرا و بزهر ليوم خميس جات الستة و هي خارجة تسمع في واحظ يناديلها تلفتت تلقاه احمد
_ اهلا
_ سلام ياخي علاش جيت في بالي تفذلك
_ هههه انا كي نقول كلمة مانيش تفذلك
_ عيشك اما علاش تعب في روخك نجم نروح وحدي
_ نا فماش تعب و زيد خايف عليك شنوا تحب يتعود نفس سيناريو البارح يا ام لسان طويل ههه
خرجتلو لسانها و قتلوا
_ شو موش طويل و زيد يا ولدي صاحبك راجل
شدها من خدودها و قالها
_ هههههع اي لا ظاهر موش طويل و يا ذنوبي صاحبي راجل ايا اركب مانغير ما تكسح راسك و تكسرلي راسي
_ يا ربي يا ربي تي علاش اكة شبي راسك اكسح من راسي معناها لا مجال لنقاش معك
_ هههههع تنجم تقول
_ و تو كان ناقشك تهزني للمركز و تحبسني باش معادش نصحح راسي معك
_هههههه صغرونتي انتي ههه العملة هذه ما نعملهاش و قي قلبو يقول ( انتي بقعتك في قلبي موش في الحبس ) ايا عاد اركب
_ يا ربي صبر باهي باهي هيا مادامك ماكش باش تبدل رايك
_ ههههه صحيت هكا نحبك تسمع الكلام
خرجتلو لسانها و ركبو مشاو و احمد تكلم
_ كعبورة
_ ... ..
_ سمر
_ صحيت اسمي سمر موش كعبورة و صغرونة موش سكتلك مرة نسكتلك نرتين باهي
_ ههههه باهي يا لالا نجم نسالك
_ تفضل
_ عندك شكون في حياتك
_اي عندي الجنون
_ تي نحكي برسمي
_ لا و انتي علاش تسال
هو فرح اما ما خبش اظهر
_ علاش ساعة انتي مزينة و باهية
_عاليمين و اليسار هههه نعرف ماسطة اما مازلت ما لقيتش شكون نحبو و يحبني من قلبو
قال في قلبو ( انا حبيتك من اول مرة ريتك فيه و من قلبي زادة ) كملت تكلمت
_ و انتي عندك شكون
_ لا مازلت تلوج علي بنت الخلال
_ ساعة انتي بوقوس و مزيان و عندك عضلات اي طفلة تتماناك
_ اما انا ما نتماناش اي طفلة
_ تقول انتي اللي باض تحبها باش تكون استثنائية
_ هههههه بضبط و تقريب علي قريب باش نلقاها
_ هههههه ايا باهي
_ ايا هانا و صلنا بونوي يا سنفورة
_بونوي و خارجتلو لسانها