صغيرتي 🦩🖇️🩰

حلقة 30

‎طلع النومرو اللي طلباته اسامة و هو هز _ الو صغرونة و ما يسمع كان فيها تصيح و تعيط و تبكي و صوت السبتة علي لحمها _ امان يا احمد لااا و الله فاهمني بالغالط اول ما سمع عمل دوي تور و راجع لبت عمه و اخته اللي تصيح و قاعدة تتضرب احمد كان يضرب و ما فاق بيها كان كيف طاح في القاع و عيناها تغمضت _ سمر سمر فيق فيق سمر بقي يغيق فيها و هي شي لا حياة لمن تنادي حملها و خارج بها و اسامة وصل احمد حل الباب و يلقاها _ اش عملت لطفلة وين هازها _ سكر فمك للكلينيك _ امشي نمشيوا في كرهبتي _ لا تو نهز مرتي وحدي _ سكر و ما تزيد حتي كلمة اركب من تالي انتي وياها مش حللهم الباب و مشاوا عجاجة اول ما وصلوا دخلها الطبيب و هوما بقاوا البرى _ يعطك كسرة هكا حالتها الطفلة يا حيوان كانت تحضرلك في سوربريز _ شنوة اما سوربريز _ اي يا سيد طلبتني قتلي عيد ميلادك بعد نهارين و ماتعرفش شنوة تشري لك و قتلي باش نعاونها و خلات الكادوات عندي باش ما تفيقش و انتي باش كفيتها فسدتلها وجهها نهار كامل و هي تهتري بك احمد يحبني و احمد يعشقني و احمد ياخو بخاتري و احمد و احمد _ يا ربي اش عملت في حب حياتي يا ربي كيفاش باش تسامحني و انتي سامحني ضنيت بيكم الخايب _ لاباس ماو سمر راهي اختي الصغيرة ملي تولدت و هي معايا و ديما كنت ندافع عليها اما يا خسارة اليوم مانجمتش نمنعها منك يا حثالة _ سامحني الشيطان حضر يا ربي تسامحني برك _ سماح اما تهني قلبها طيب و حنينة بطابلات شوكولا تو ترضي _، نعرف نعرف‎

هوما اكاكا و الطبيب يخرج و هوما مشاوا يجريوا له
_، دكتور مرتي لاباس
_ لاباس الحمدالله اما تعرضت لعنف قوي
_نجم نشوفها
_ اي هي فاقت تو اما لازمنا نكلموا الشرطة
_ باهي انا رئيس مركز **** احمد *****
_ اوكي ميسو
مشاوا دخلولها اول مارات احمد ولات تصيح
_ اخررررج اخررررج عليا يا اسامة عيشك خرجه باش يعود يضربني
_ عيش اختي ابقاوا احكيوا مع بعضكم و تصالحوا راهو يحبك
_ لااااا لااا قل له يخرج منحبوش
_ باهي باهي هدي روحك هاني خارج
احمد و اسامة جاوا خارجين
_ اسامة عيش خويا ابقي معايا ما تخلينيش وحدي
_ باهي دقيقة نخرج و نجيك
خرجوا و احمد قعد علي الكرسي
_، يا عطيني كسرة اش عملت و جهها للي نعشقه و نصبح عليه شوهته و بدنها الابيض ولا ازرق من الضرب كيفاش باش تسامحني
_ باهي اكاهو صاحبي تو نكلمها مازالت مصدومة من هزان ايدك عليها تو تبرد و تسامح
_ نشالله
رجع لها اسامة و مشي قعد حذاها و عنقها
_ ظربني يا اسامة ظربني ما حبش يفهمني اول مرة يظربني بسبة بابا و عمره ما ظربني
_ باهي اسكت عيش اختي هو تفجع عليك و غار و الله يحبك من بكري و هو نادم
_ لا لا لا انا معادش نحبه و ما نحبش نرجع له
_ عيش اختي ما يجيش هكا هكا راو موش من اول مشكلة تتخلي عليه و تنسى حبك ليه و ايامتكم الباهية مع بعضكم
_ لا لا ما نحبش ما نحبش
هداها لين رقدت و خرج يلقي احمد قاعد
_ مشي لها اويني رقدت اقعد بحذاها و انا هاني هوني
_ عيشك كان موش انتي راني ما نعرفش اش نعمل معها
_ ما غير مزية خويا و نسيبي راك
مشى دخل يلقاها راقدة و وجهها كل ازرق قعد علي الكرسي و شدلها يدها و ولا يبكي علي اش عمل في روحه الصغرونة رقد طلع الصباح و هي بدات تفيق اول و ما رات يدها في يده ولات تبكي و تصيح
_ ابعدني ابعدني قوم ما تقربنيش
احمد قام مفجوع من صياحها
_ يا حبيبي عيشك افهمني الشيطان حضر
_ لا لا لا ما نفهمكش انتي ظرتني و هنتني و طيحت لي من كرامتي ظربتني كانك تظرب في راجل و انا ما عملت شي غالط
_ نعرف نعرف كسرتي معادش نحطها عليك لين نموت
_ عيش اخرج نحب نبقي وحدي
_ باهي اما مانيش مسلم فيك
هز روحه و خرج اما خلي تاليفونه علي الطاولة هو خرج و هي رات التاليفون هزته و طلبت بوها بعد نص ساعة احمد و اسامة كانوا البرى و بو و ام سمر دخلوا