صغيرتي 🦩🖇️🩰

حلقة 34

_ اه لا لا خلي موش تو نمشيوا نسهروا معهم و بعد نروحوا
_ حبيبي ياخي خايفة من انكترجع لدارك
_ اي شوي ملي باش يصير الليلة و شوي من بيت النوم اللي ...
_ نهني ما تخافش بيت النوم الكل بدلتها للبيت الاخرى كان علي اللي باش يصير الليلة ما تخافش باش نقعدوا ازيد شوي وقت باش نجبد روحي منك اكاهو
عنقته زاد كبس عليها و باسها من راسها
_ نحبك معادش تحشم مني باهي و نحبك الليلة اللي تحب عليه اعملو و رد بالك تكون حاشمة مني تفاعل معايا باش ما نوجعكش تتعبش و تعبني باهي
عملت له براسها باهي
_ هانا بديناها من تو الحشمة باش نكسرلك راسك راني تكلم ما تحشمش
_ باهي باهي نوعدك معادش نحشم
_ هههه باهي هيا نروحوا راهم ماكلين رواحهم تو
_ هههه باهي
مشاوا روحوا اول ما وصلوا الجماعة الكل هجموا عليهم بالاسئلة
_ شبيكم هدوا اعصابكم مشيت انا و مرتي تفاهمنا و حكينا مع بعضنا علي راحتنا
_ ايا باهي و تفاهمتوا
_ مالا لا عندي كنز فيسع ما تفهم و تتفهم و ترضي
_ الحمدالله عليكم برك كي رجعتوا
كملوا حضروا رواحهم و العشاء و تعشاوا الناس الكل و بقاوا يضحكوا و ساهرين بقات دقيقة علي نص الليل دار اسامة لجماعة و قالهم
_ يا جماعة مازالت دقيقة و يوفي العام كل واحد يقولنا اش يتمني و نبداوا بالكبار منك انتي عمي ( على بو احمد )
_ بصراحة انا و الكبار الكل نتمناوا حاجة برك اللي ولادنا يجبولنا حفيد صغرون يملأ عليهم الدار
سمر كانت لاباس عليها هو قال اكاكا و هي طبست راسها و وجهها مشي الوان و جاء الوان و شدت ايد احمد و كبست عليها و هو شلق بها ضحك بشوي و شدلها ايدها
_ نشالله بابا نشالله
قربلها و وشوش في وذنها
_ شفت حتي هوما يحبوا علي بنبينو صغرون
_ و انتي احمد اش تتمني
_ انا زادة نتمني يجيني بنبينو صغرون من حب حياتي
هو قال اكاكا و سمر قرصته من ساقوا و هو حب يزيد يربكها
_ احح يا سمر شبيك تقرص
_ اااه انا وقتاش ختيني
الكل قاموا يضحكوا كيفاش تخلوضت
_ و انتي سمر اش تتمني
_ انا انا ما نحب شي كان تبقاوا الكل ديما معايا و انتي اسامة ما قتلناش شنوة تتمني
_ انا و اللهي العام هذا باش نمشي نخطب الطفلة اللي نحب و تو بقاوا 10 ثواني
دخل العام الجديد قاموا سلموا علي بعضهم و كملوا سهروا شوي و يعد كل واحد روح لداره