صغيرتي 🦩🖇️🩰

36 الاخيرة

بعد 2 اشهر قامت سمر تجري لسال دو بان ترد
_ حبيبي مرضت ياخي
_ لا
_ مالا شبيك
_ عندها جمعتين روتار
_ زعمة تطلعش حبلة
_ مانعرفش
_ تو نمشي فيسع نجيبلك تاست
_ باهي
مشى جابلها التاست مدهولها دخلت لسال دو بان و خرجت قالبة وجهها
_ شبيك حبيبي متغششة
ضحكت و طلعت تراتش صوابعها و قربت لوذنه
_ باش تولي بو باش نوليوا ثلاثة
_ برسمي تحكي
هبطت راسها و قاتلوا اي حملها و قعد يدور بها
_ يا احمد هبطني
_ فرحان فرحان نحبك و نعشقك
هبطها و باسها من جبينها و حطها فوق الفرش
_ تو تقعد ترتاح و ما تعمل شي اللي تحب عليه نجيبهولك غدوة نمشيوا لطبيبة باهي
_ ههههه باهي اما نحب نطلب منك حاجة
_ اطلب عيني نعطيهملك
_ بالك تشوف فيا زومبي باش ناكل عينك انا
_ هههههه باهي شنوة تحب
_ نحب برشا شوكولا شاهيتها
_ هههه موش بكري شريتلك و كليتها
_ ياخي تحسبلي انا تو شتهيت ناكلها
_ باهي ما تبكيش برك هاني ماشي
_عيش حبيبي
مشى و رجع في ايدو ساشيات الكلها شوكولا انواع و اشكال
_ تفضل لالا انواع الشوكولا الكل
_ ههههه عيش حبيبي
_ شايحة اكاكا
قربلها باش يبوسها و هي بعدت راسها
_ احشم معادش وحدنا راو
_ علاش شكون تشوف فيه معنا
_ فيسع ما نسيت ولدنا
_ هههههه علاش منين يشوف فينا هو
_ حاسب رايك ناو من كرشي
_ ههههه ما تخافش ما يشوفناش حتي كان شافنا موش باش يفهم
_ ههههه باهي
_ مالا اعطيني متاعي
باستو زاد لصقها و بقي يتبنن في شفايفها
قاموا من غدوة هزها لطبيبة و قالتلهم اللي سمر عندها شهر ملي حبلة روح بها احمد و كل حاجة تشتهها يجبهالها و هي كل مرة تشتها حاجة ما تخترش علي البال تعداوا الاشهر فيسع و عرفوا اللي هوما باش يجيبوا بنوتة و نهار و هوما راقدين
_ احمد قوم
_ ارقد و اسكت حبيبي
_ قققووووومممممم باش نولد
_ مازالت جمعة ما تخافش شاد الحساب
_ يا بهيمممم مالااا نقولو زيد شوي قوووووم لا نقتلك كررررشي
_ تحكي برسمي
_ لااااااا نفذلك قوم يا متخلف
قام يجري
_ دقيقة نبدلك حوايجك
_ باااااش نموت و انتي تحكي علي حوايجي امشي تحررررك
_ باهي باهي ما تصيحش
هزها حملها و هي تبكي ركبها في الكرهبة
_ اش حاسة عزيزتي
_ اسكككت كلو جرتك انتي خاليتني نحبل يا بهيم يا حمار ما تكلمنيش
وصل بها للكلينيك دخلوها و دخل معها و هي مرة تسب و مرة تعضو حتي سمعوا صوت البنوتة تبكي باسها من جبينها
_ ربي يخليك ليا يا نور عيني
هزوها و حطوها في بيت اخرى دارلها احمد يدكك عليها
_ كان تشوف بكري اش قتلي
_ انا اش قلت
_ سبيتني و قتلي كلام خايب ما يتقالش شو حتي من ايدي كيفاش من العضان و تخبيش متاعك
_ ياااا سامحني حبيبي موش بقصدي
_ ههههه يا روحي انتي نفذلك معك قتلي يا بهيم و حمار و صحت عليا باش نسكت و متخلف اما نورمال يا روحي علي خاتر البنوتة اللي ولات معنا
_ هههه عندك الحق اش باش نسميوها
_ انتي اختار
_ نحب اسم عشق و نعشقها قد حبنا و عشقنا لبعضنا
باسها من جبينها
و عاشوا في حب و هناء
نهاية 😘😘😘