صغيرتي 🦩🖇️🩰

حلقة 31

اسامة اول ما راهم تفجع
_ ياخي انتي طلبتهم
_ لا في بالي انتي
_ و الله لا تاليفوني في الكرهبة و انتي تاليفونك وينو
_ ما نعرفش وين حطيتو تقريب في بيت سمر
_ مالا تقريب سمر طلبتهم من تاليفونك تخربت علي راسك صاحبي
_ يا ولدي لطف علاش
_ مازالت ما تعرفش عمي انتي كل شي الا سمر
امها دخلتلها اول ما راتها ولات تبكي
_ يا بنيتي شكون عمل فيك هكا
سمر كي طلبتهم قالتلهم اللي هي في الكلينيك اما ما قالتش اللي احمد ظربها الوقت اذاكا احمد و اسامة دخلوا
_ الله غالب الشيطان خضر انا ظربتها
بوها جن جنانه كي سمعه مشي له و ظربه بكف
_ شنوة حطت ايدك علي بنتي اللي انا عمري ما مسيتها علاش اش عملتك بدنها هكا عطيتهالك باش تظربها
_ يا عمي عيشك اقعدوا اتفاهموا غلط الشيطان حضر قالك
_ انتي اسكت بنتي ما نخليهاش عنده نهار زيد لا
_ يا راجل خليهم يتفاهموا مع بعضهم
_، شنوة يا منيرة يتفاهموا علاش ما تفاهموش قبل ما يحط ايدوا عليها عمريش مسيتك انا
_ لا لا عيشك عمي مرتي ماتمشيش لحتي بقعة و ما ترجع كان لدارها
_ لا لا لا ما نرجعش معك و ما نحبش نعيش معك و تو نحب نروح مع بابا و ماما
_ سمر عيشك اسمعني
_ ما نحبش نسمعك تتذكر وقت اللي تنحي في السانتور من السروال اش قتلك قتلك يا احمد امان ما تعملش حاجة تندم عليها بعد انتي وقتها ما سمعتنيش وقت اللي نصيح و نبكي دموعي ما اثروش فيك
_ عيشك موش من اول مشكل نتخلاوا علي بعضنا
_ لا لا لا انا ما نحبكش
شدوا اسامة من كتفه و وشوش له
_ ميسالش خالها تبقى نهارين ثلاثة في دار عمي و بعد امشي رضيها
_ ما نجمش نقعد من غيرها
_ خالها تمشي و بعد تو نمشي نفهمها بشوي و تو نشالله ترجع لك
_ماما عيشك نحب نروح
_ باهي
احمد خرج و مشي يخلص و رجع و بوها بعد ما سكتها و خلى امها تلبس فيها مشي باش يخلص ياخي الفرمليا قالت له اللي الميسو متاعها خلص بوها تغشش و مشي له و عطاها فلوس
_ خوذ هذي فلوسك ما نحب حد يصرف علي بنتي
_ عيشك عمي ما تعملش هكا اذيكا مرتي و مسوؤليتي
_ اي ظاهر بنتي و باش نروح بها
و مشى و خلاها

بوها هزها و روح بها و خلي احمد و اسامة و مشى
_ ايا نوصلك لدار
_ ما عينيش باش نروح و ما عينيش باش نخدم
_ مالا اش قولك نمشيوا نعملوا كاس
_ مشات معك
مشاوا شربوا و احمد سكر
_ و الله نحبها و نعشقها
_ باهي هيا نروحوا
_ لا ما نحبش نروح حتي تروح سنفورتي لدار
_ هاي في دار هي تو هيا نمشيوا لها
روح به و رقده و قعد معه سمر ملي روحت و هي تبكي و سكرت الباب و رقدت ما حبتش تاكل تعداوا ايامات و احمد كل يوم يطلب ام سمر يطمان عليها و حكالها اش صار و ام سمر تفهمتو كل ما تقول لسمر راجلك يحب يحكي معك تولي تبكي و تقولها لا برغم من انها توحشته و توحشت حضنه ام سمر فهمت راجلها اللي هو موش عن قصد هز ايده علاها و هو تفهم زادة و مشي له احمد و فهمه و كان يشري لها شوكولا و يبعثها مع اسامة عداتهم الايامات اذوكا تبكي ليل و نهار نهار و اليوم راس العام امها دخلت عليها تلقاها تبكي مشات عنقتها
_شبي بنتي متغششة و تبكي
_ توحشته يا ماما توحشته
_ كي توحشته كلمه
_ لا هو الغالط هو يجيني
_ عيش بنتي هو كل يوم يطلبني يسأل عليك قداش من مرة نقولك خوذ كلمه تولي تصيح و زيد بين المرا و الراجل ما فماش انا نستانه يطلب السماح و هو يسنانني كل يوم يطلب صباح و عشية و ليل سمر فاقت سمر فطرت سمر رقدت سمر شربت دواءها كل يوم نحس في صوته مخنوق و قلبه دم عليك الشوكولا اللي يجيبلك فها اسامة اذيكا هو يشريها و يبعثها مع اسامة
احمد الوقت اذاكا يطلب منيرة باش يسأل علي صغرونته امها تاليفونها و حاطته فيبرور حسته يفبري رات اسم احمد هزت و خلاته يسمع صوتها خاتر هي تاليفونها خلاته في دارها كان يسمع فيها تبكي و قلبه قاعد يتقطع
_ اما هو طيح لي كرامتي و اهان انوثتي و ما احترمش صمتي خاتر كنت نحب نعمل له سوربريز شعري اللي يمسح عليه باش نرقد كركرني منه وجههي اللي يبوسني منه ظربني عليه و شوهولي بدني الابيض اللي يقلي راني نعشقه ظربني عليه بسبة زادا علاش علي خاتر حاجة ما عملتهاش و سوء ضنه
_ باهي نعرف اللي هو غلط اما ربي يغفر و يسامح حتي بوك سامحه انتي علاش ما تسامحوش
_ شخصيته القوية ويني تو كي باش يطلب مني سماح تخبي و يبعث في الناس باش تصلح بيناتنا شخصيته القوية ما تظهر كان معايا كي يبدا يمارس في الرجوليته في الفرش
_ هو شخصيته قوية اما خاف عليك من التنرفيز انتي توحشته و تحبه ما تنكرش
_ اي اي نحبه و توحشته