مـذكـرات رمـس

البـارت الاول ولادة طفلـة

راح ندخـل بحياة فتاة كتبت ذكرياتها وألمها في ورق أبيض لكـن تـحـول الى اسـود من ظلـم الـدنيا وفراق الاحـبـة من بطش العادات والتقاليد من تحت الحطام
من محافظة البصرة كانت ولازالت عالقة في ذكريات الماضي عاشـت وراغـت الحياة حتـى توصـل لكـم الحكمـة والـقـوة هناا تضع النقط على الحروف سنترك قلمها يقص لنا حكايتها مع الحياة

_____________________________
اني رمس مواليد 92 من دفتر مـذكرات أقص عليكم قصتي المريرة مع هذة الحياة
عائلـتي متكونة من
ابوي حميد
أمي باسمة
اختي الجبيرة فاطمـة
اختي وتوأمي ريـم
أختي همـس
اصلنا من منطقة محافظة البصرة
ابوي مزوج امي زواج تقليدي بنت عمة واخذها وعمامي وخوالي نسيناهم واحنا صغار. جنا عائلـة هادئة لابأس بيها لكن شأت لاقدار لتنقلب حياتنا راساً ع عقب
....
2003/8/8
فاطمة 13سنة
انا وريم 11سنة
كعـدت الصبح اني واخواتي  ع صياح ماما وهي تطلك راح تجيبلنا اخت حملت وجانت تتمنى ولد حتى يكون سندنا
فاطمـة: بدلت ملابسي وادعي يارب كوم ماما بالسلامة يارب ياحبيبي سمعت بابا يصيح يللا وينجن يلا ورانا نمر على جدتج ناخذها ويانا
ريـم:أكلج بطة هسة يعني راح تجي اختنا لدنيا
فاطمة:ابتسم وكتلها اااي راح تجي اختنا باوعت على رمس مجلبة بايدي أمي وتكلها اني يمج ماما رمس أكثر وحدة متعلقة بماما طلعنا وصلنا المستشفى دخلو ماما لصالة سمعنا صوت طفل طلعت كالت مبروك بنية مثل لگمر
حميد:الحمدلله والشكر هاج يابة هاج هاي أكرامية الج والصديقاتج
فاطمة: طلع عشرة ونطاهن جابو أختي حلوة بيضة وعيونها يلمعن وخشمها صغير تشبة رمس اخذتها بيدي وبستها الله واخيرا اجيتي اخذها بابا من ايدي أذن باذنها باوع لامي كالها هادئة مابجت قررت اسميها همس
ريـم:اكلج هسة ماما جابت اختنا صح صدك شراح يسمونها
رمس:ااي صار هواي من مشو اكيد اجت اختنا الدنيا وماعرف شنو اسمها هسة يجون ونعرف كنت اني وريم على احر من لجمر لليل اجوو شفت بيبي شايلة الطفلة وبطة ساندة ماما رحت بست ماما وكعدت يم بيبي اتوسل بيها تنطيني الطفلة
ريم: بيبي شنو اسمهاا
فاطمة:همس
ريم/رمس: الله اسمها يخبل همسس ضحكنا على حماسنا لكن بيبي جانت حيل ضايجة لان بنية مو ولد
مر اسبوع على ولادة همس ونسوان عمامي وخوالي كلهن اجن وخلن فلوس جوة راس همس
ماما طلعت للسوك ورجعت ترجف
فاطمة:شبيج ماما وجهج اصفر صاير وياج شي ؟
////////////////للڪاتبـة أسـتـبرق الـزبـيـدي
اتمنى اليقراها يصوتلي هذا أول بارت اذا شفـت التصويـت والمشاهدات زينة أكمل لقصة