الاخت ضلع ونصف قلب الام اللهم اختي🥺💚.
................................
رمـس: كعـدت العـصـر صحـت الريـم أجـت تـركض هاا رمس كتلها درستي هزت راسها كتلها يلا سبحي حتى نروح لعيد ميلاد مريم توتـرت كالت أنا ماريد اروح كتلها عادي اني رايحة وحدي ميـلادد وعفتها وطبيـت للمطبخ اكل
ريـم: كعدت رمس وكلتلي حضري نفسج كتلها ماروح كالتلي عادي اروح وحدي و عافتني ومشت للمطبخ رحت لفاطمة
كتلها رمس تكول هيج
فاطمة :رمس راح توكع نفسها بمشكلة يارب ساعدني حتى اضبط هلبنية شلعـت گلبي طبيت لمطبخ صحت بيها انتي شداسوين تريدين تذبين روحج بحلگ السبع باوعتلي ورجعت تاكل مو داحجي وياج رمس جاوبيني
رمس: شجاوبج اني اريد اروح لعيد ميلاد مريم يعني حتى هالشي حرام
ريم: مو تعرفين ابوي اذا دره طالعين من لبيت ينهينا من الوجود
رمس:هزيت راسي وكتلها عادي اذا كدر خلي يسويها عفتهن وكمت البس ورا شوي اجت ريم
ريم: حبابة رمس لتتروحين ترا ابوي اذا عرف يموتج حبابة فاطمة خايفة عليج
رمس:لاتخاف علية ولاشي اني شوي وراجعة قبل مايجي حميد عود ارجع
جنت احاول بكل الطرق اثبت لنفسي اني الصح وهو لغلط جلبت بيدي همس شلتها كالتلي اريد هواااي افاخات هزيتلها راسي وطلعت لبيت مريم جان بيتهم ورانا بفرع دكيت لباب طلعتلي امها لابس گلابية فضية ومخلية مكياج وذابة الشال ع راسها شلونج خالة اني صديقة مريم رحبت بية وطبيت شفت مريم جانت لابسة بدلة وردي والبيت متزين بالنفااخ والشرايط ولكيكة طابقين كعدت اباوع على الناس ولبنات كلمن جاية هي وامها اجتي ام مريم حبيبتي ليش كاعدة هنا وحدج تعاي يم مريم
جاوبتها لاخالة مرتاحة هنا هزت راسها ومشت اخذني خيالي يم امي شفت امي وفاطمة واني وريم لابسات بدلات وكيك كدامنا وهمس اصفگ فجأة جان اطك النفاخة وتفززني من خيالي
فاطمة: راحت رمس للعيد ميلاد واني گلبي نار عليها اخاف لاتصادف جيتها وية جيت ابوي ويذبحها ضليت أغلي من لخوف وكل مااسمع لباب يتحرك اركض اكول بلكت هي فجأة طب أبوي وقفل الباب اني جمدت بمكاني ضليت ارجف صاح بيه تعاااي اخذي هذا لسم تعشي بي انتن واخواتج يلا ولاعبالج جبتة مخصص الجن لاهذا بقـى من الاكل لطلبتة بالمطعم وكتلة خلي سفري بلعت لغصة هسة ماتعرف تكول تعشن اله تسممنا وتحجي حجي يغثنا هزيت راسي واخذتة منه واني كلبي يقرأ الف من الخوف راح راد يفتح لباب مال لغرفة ركضت قبلة كتلة بابا نايمات نايمات لاتكعدهن كال وانتي شكو اكعدهن اخليهن مطمورات ماعليج بلعت لغصة ورجعت حجيت لامو همس نايمة ولبنات باجر وراهن دوام اذا تكعد همس تكعد لبنات باوعلي وتفل عليه وراح
ورا شوي رجع كال اني مو كتلج اغسلي هالقميص كتلة نسيتة بابا
رمس: خلص لعيد ميلاد وصلتني ام مريم ورجعت شفت لباب مقفول ضليت حايرة يربي شلون بية خفت ولشارع بس لبزازين بي شجعت روحي وطفرت من فوك لسياج بلكوة كدرت اصعد واطفر كلت لو أموت لو اتكسر طفرت ورحت ع كيفي لباب لمطبخ لكيتة مقفول افتريت ورا لبيت من يم لشباك مال غرفتنا دكيتة ماكو استجابة حظنت نفسي وكعدت جوة لشباك ولجو بي كرصت برد بجيت لحد ماتعبت وغفت عيني وشفت بلحلم فاطمة واكفة وايدها بيد امي وتأشرلي الي ولريم وتصيح من بعيد بالجن ع همس فزيت من الخوف رجعت لباب لمطبخ بعدة مقفول دكيت لشباك هلمرة اكو استجابة اشرتلي فاطمة بمعنى اوكفي فتحت لباب وطبيت ركض للغرفة كتلها متت خوف درت وجهي وشفت فاطمة عبارة عن عين زركة وخراميش واصابع مطبوعة بركبتها عيوني ضلوو واكفات ولارمشت من الصدمة...
فاطمة: كلت هيج لو كفرت لزمني من شعري ويهززز بيه ملابسي تنسيهن بس ملايس اخواتج ماتنسيهن ترك شعري وكال بعد ماكو مدرسة تخبلت كتلة لابابا هسة اغسلهن عليك الله لاهيج تسوي كال ماكو داعي كلت مدرسة ماكو فاار دمي وعطت كتلة موكااافي حرمتهن من امهن هلمرة تحرمهن دراستهن ورجع عليه ضربني بوكس ع عيني كال عيدي شكلتلي وضرب ع وجهي كال ماكو مدرسة اريد اشوف شسوين رجعت ابوس برجلية بابا فدوة اني قابلة بالسوي بية بس لااخواتي ينحرمن من دراستهن ابوس رجلك لااخواتي خطية اني موتني احركني بس لاتحرمهن من دراستهن شتريد اسوي بس لااخواتي ينحرمن من شي ابوس رجلك
خنكني ع لحايط وكال هلمرة اسامحج لمرة الثانية اذبحج هزيت راسي ودموعي يوكعن مثل لمطر كتلة حاضر بعد مااعيدها وراح لباب لمطبخ قفلة وكال يلا ولي انخمدي يم اخواتج ضلت عيني مشخصة ع لباب بالتسعة ورمس لهسة ماكو رجفة لزمتني من لخوف ولقهر طبيت الغرفة ضليت افكر بيها محسيت اله لشباك يندك باوعت لساعة 11 فزيت برعب مشيت على كيفي فتحت باب الغرفة وباب لمطبخ طبت تركض قفلتهن ورجعت بدون مايحس علينا ابوي كالت متت خوف ودارت وجها نصدمت ماكدرت تنطق غير كلمة ليش هيج
أنت تقرأ
مـذكـرات رمـس
عاطفيةللڪاتبـة أسـتـبرق الـزبـيـدي يَبدوا ٳن الصَدمة كانت أعمَق هذهِ المَرة قضيـة شرف/ طـفولة مسروقة /أب حـاقـد (مڪتملـة)
