وبڪـى الساحر عندما قالـت له فـتاة يتيمـه أخـرج أمـي من القبعـة
اني فقدت ماحسيت بس احس وشة براسي ومغمضة عيوني تذب الدمع وحدها صعبة ياناس طفلة اشوف امها هيج صارت لفااتحة ولناس يسألون شنو لسبب كان السبب مجهول ومضموم عن كل الاقارب ولجوارين بس اهل ابوي واهل أمي يعرفون وهم سكتو عن حق امي محد صدك امي جانت بريئة جانت انسانة بشوشة نقيـة ماتقبـل بالغلـط نسمة هادئة نظيفة وام مثـاليـة اختفو الناس واختفو عمـامـي وخـوالـي واني واخواتي ماكدرنا نتخطى مـوتها جنـت اني واخواتـي بحاجـة أم تلمنـا بحـظنها تحمينا من غضب الاب مـن الـدنيا من المصاعب من كلشي الام حياة بأكملها فاطمة: سمعت رمس تصيح لماما رحت اركض كل ظني جنت احلم جنت اتمنى هذا كابوس لكن طلع واقع مرير كامت تعيط وتصيح دمها ولله دمهاا مايطلع وفقدت ومرت الايام ومخيم لحزن ع بيتنا وهمس مانعرفلها كوة مدبريها نشربها حليب وهي تذبة رحت لابوي اركض بابا الله يخليك همس صارلها يومين تذب لحليب وهسة جسمها نار وماتتنفس ركض وياي وصاح لبسي حجاب وتعاي رحت وريم لحكتني بالجنطة مالت همس رحنا الطوارئ اخذها لطبيب من ايدي وكال شنو هاي لطفلة بيها جفاف حاااد وين الام باوعت بحسرة وألم كتلة عمو ماما ماتت صارلها اسبوعين هو هز راسة بأسف وكال بابا شنو حليبها طلعت حليبها وكال جانت على الرضاعة الطبيعية ضليت صافنة بوجهه مافهمت شنو بالاول بعدين كالي على صدر الام كتله اييي عمو ااييي هز راسة وكال خلوها هنا شكم يوم وانتابع وضعها ضليت كاعدة كبالها وحاطة ايدي على خدي وابجي ماما ليش عفتينا ورحتي ماما شتاقيتلج رمس تعبانة وريم تعبانة وهسة همس راح تروح من أيدي ماما هاي امانتج كسرت ظهري وخايفة ماكدر اكمل المشوار ويضيعن مني وتذكرت جانت حاسة بالموت قريب منها بيومها ماما لمن جانت تكطع العجين كالتلي بطة ماما اريد اوصيج وصية كتلها شنو ماما كالت اذا صار شي بية اني كمزت اسم الله ماما شهل لكلام عمرج طويل لاهيج تحجين كالت بنيتي كلنا نموت كتلها ادري بس بعد وكت بلاول شوفيني مهندسة وشوفين ريم ورمس دكاترة وهموسة ضحكت بعدنا مانعرف شنو حلمها كالتلي اسمعيني بطة ماما اخواتج امانة بركبتج لاتفرطين باي وحدة منهم ماما بطة اخواتج ثم اخواتج كتلها ماما شبيج لاهيج تحجين كالت يلا تعاي ساعديني كمت وياها وصار لصار بعدين … ............... الحاضر:لاعمة ولاخالة اجونا وجدتي من ماتت ماما نشلت وجدتي ام ابوي مرة جبيرة مو مال تتمرمط بالمستشفيات ضليت يمها وابوي جرني يلا كومي رفعت راسي وين بابا الاب حميد:عوفيها هنا من تصير زينة نجي ناخذها
فاطمة: فزيت لابابا شلون نعوفها هنا بلكت نباكت لاامااعوف همس باوعلي بعصبية وجرني كومي وياي كلبت لعياط لا بابا الله يخليك همس بعدهي صغيرة مااعوفها كمت ابجي ويسحل بيه طب الدكتور وكال هاي شكو هنا كتلة عمو عفية كله لبابا مايصير نعوف همس هناا الدكتور ضيق عيونة وكال لبابا تعوف طفلة عمرها 4اسابيع وحدها وتطلع شنو من اب انت ابوي صار عصبي كالة ماعليك انت بنتي واني حر بيها الدكتور كالة بنتك خوش بنتك وتريد تعوفها لعد لو مو بنتك شسوي ولناس ضلت تتسولف وابوي باوعلي كالي حسابج بعدين امشي انكبري يمها تنفست شوي وخفت لخوفة كلت بعدين احير بعقابة اجة لطبيب نطاها علاج وهز راسة بأسف وكال الله يساعدجن ع هالاب لجاهل الدموع نجمعو بعيني كتلة عمو اختي راح تعيش هز راسة كال ااي طبعا بس هي تعبانة ....... ريم: رمس عفية هسة شلون نعرف همس شلون صارت خايفة خاف تروح مثل ماما وكمت ابجي بنحيب ذكرت ماما وكمت اعاتبها ليش رحتي ولله تعبننا بابا يضربنا اذا شافنا نبجي عليج فاطمة كامت ماتبجي ماما رمس هم ماتبجي بس اني ابجي ويكتلني هواي التفت افتقدت رمس ماكو بلعت ريكي وطلعت دورت لبيت ماكو ركضت للحديقة لورا لبيـت لكيتها نايمة ع لمكان لماتت بي ماما و تسولف ماما همس مريضة ساعة تكول فاطمة تتعب وماتعرف تطبخ لعدس مثلج ساعة تبجي وتكول ماما ريم اخذت مشطي لوردي بجيت على حالها رحتلها رمس رموس كومي منا كومي نطب رفعت راسها كالت لاماطب هسة ماما تجي ضيقت عيوني كتلها ماما ماتجي راحت الجنـة راحت كومي كالت لا تجي ضلت تردد هلكلمة لحد ماصحت من فقدانها كامت وكفت كالت لمكان لهسة رطب وطبت اني جبانـة ومااعرف اصرف أبد حساسة ورا موت ماما صرت اكثر أخاف وحساسة بزيادة خفت وركضت قفلت باب لبيت وكعدت يم رمس لحد مايجي بابا ومرت الايام بثقل وفاطمة وهمس بالمستشفى واجئ اليوم الطلعت همس ورجعت للبيت رمس: رحت بستها كتلها مكانج خالي هموسة وبست فاطمة كتلها بعد لاتبتعدين عني وعن ريم ترا نخاف طبطبت ع راسي كالت خما بابا ضربجن هزيت راسي بالنفي جنـت أحاول أقوي نفـسي وأبين طبيعية كـدام فاطمـة من بعـد مـوت ماما فاطمة صارت الام والاب النا رغـم عمرها 13 لكـن كـانـت حريصة على كلـشي تعرف تطبخ لان ماما الله يرحمها علمتها شلون تطبخ اشياء خفيفة فاطمة: خليت همس بالغرفة طلعت اسوي أكل الاخواتي جان ماحس اله واحد يجرني من كصيبتي عطت ااخ بابا عليك الله لاا شفتة شايل سجين بيدة عطت اتوسل بية كل ظني يريد يذبحني حماها واني ارافس بيدة خلاها ع زندي وعطت فرفحت روحي من الالم وعافني اجن يركضن اخواتي حظنتهن كتلهن ماابية شي اني زينة بس الالم ذبحني خلصت لاكل غديتهن وخليتهن بالغرفة يمي ونامن اني ضلت عيوني بالسكف ماكدر انام من الالم بجيت ذكرت ماما من نتأذى تضل ويانا لحد مايروح الالم تذكرت لمن وكعت ونجرح حاجبي جان تنفخ وتكلي تكبرين وتنسين زين يمة موتج شلون انسى اني واخواتي نمت وعفت الايام تدوس علينا وتطحن ماتبقى مـن ارواحنا وحياتنا خالية من اي طعـم ومر اربعين يوم ع الفاجعة لبحق طفولتنا وبحق امنا
رمس: امنا لي استقرت طلقة براسها وطلقتين بگلبها جان مصمم تموت وأنعاد لبجي ولنحيب مرة ثانية لكن نحيبي ونحيب اخواتي فقط لاغير من موت أمـي و عمامنا وخوالنا نسيناهم وراها بعد أيام اجة لي يتسمى ابوي للبيت كال حظرن نفسجن بعد يومين ننتقل لغير مكان اني لزمت گلـبـي فاطمة: بابا وين ننتقل حميد: مايخصج نفذن وانتن ساكتات كعدت اخر مرة بمكاني لمعتاد بست تراب لمكان كتلها ماما اوعدج راح اخلي حميد يتندم بكل سااعة على لسووااة راح اشوفة ايام سودة راح اخلي يتندم لان ماكتلني وياج …
____________________للڪاتبـة أسـتـبرق الـزبـيـدي
توقعاتجن يامـاحافظة راح ينـتقلـن البنات وشنو تحليلجن للغلاف واذا امو بنية تصمم غلاف اكون ممنونة منها تسويلي غلاف للقصة
التـصويـت أهـم يبنات همتجن وياي علمـود انزل كـل يوم بارت واختمها خلال شهرر وشكرا ع ال٧٦ مشـاهـدة اتمنـى بالايام الجـايـة تـصـير أكثر المشاهدات 💜
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
