مـذكـرات رمـس

الـبـارت الرابـع

فاطمة :وانتقلنا لبغداد المنطقة الميكانيك جان بيت صغير غرفتين وحمام واستقبال صغير ومطبخ وحديقة صغيرة نزلنا بية بدينا أنظفة اني ورمس  وريم شايلة همس تفتر بيها همس عمرها 3اشهر ناعمة وبيضة وشعرها اسود ليل كملنا تنظيف ملابسنا السود تدمرن تراب هوااي جيرانا توسلت نذب الاسود يمة مايصير بعدجن صغار انتن موحمل الاسود جانت حياتنا سودة بغياب أمنا جان الاسود طااغي علينا لكن بكل سواد نلكة لون وهي همس جنت ملبستها اوڤر وردي وطباقية زهريـة على شكـل فراشة
كملت تنظيف وطبخت الاكل مانشتهي لكن لازم ناكل حتى نتحمل حتى نعيش اجسادنا لخالية من ارواحنا لراحت وية أمنا 3 بنات صغار شافو هلمنظر وبيدهن طفلة عمرها 3 مااعتقد اكو أقسى صافنة على حياتنا لنگلبت بيوم وليلة وسمعت عيطة ريمة ركضـت
ريـم:جنت شايلة همس وافتر بيها بين مارمس وفاطمة يكملن تنظيف نامت رمس بحظني واني افتر بيها شفت فارة ضليت حاظنة همس واعيط اجت فاطمة تركض هااا شبيج ريم شبيج كتلها فااارة هي هم خافت بس شجعت نفسها رمس طبت كنالها فارة ولج التفت جان اشوفها شالت الطابوكة وكتلتها اني شهكت ونفسي لعبت من المنظر
فاطمة: رمس شسويتي باوعتلي رمس كتلتها حتى ماتخوفجن لاتخافن كلشي يخوفجن لو يأذيجن أتخلص منه جنت أرجف من لخوف مو من لفار لا  جنت أرجف من كلام رمس رمس صارت طفلة عدوانية تغيرت جذرياً مااتخاف أبد صارت اقواانا لكن هلقوة تعبتها ودمرتها ياريت لو ضالة رمس الاعرفها
رمس: طبيت شفت اخواتي بزاوية كالن فارة وراج شلت لطابوكة وكتلتها عيونهن اشخصت عليه وفاطمة كامت تردد شبيج رمس كتلها كتلتها حتى ماتخوفجن لاتخافن كلشي يخوفجن لو يأذيجن أتخلص منة ماخلي شي يمسجن وعفتهن ورحت مددت بفراشي غمضت عيوني جان أشوف أمي واكفة باب  بيت حلووو وجبير  واني واخواتي بصفها كتلها ماما ليش ماطبين باوعتلي وكالت انتظرجن تطبن وياي فجأة جان يجي شخص مخيف ويسحبنا اني واخواتي من ايد امي عيطنا ونتوسل بي يتركنا نروح الامي وهو ماقبل فزيت من لنوم ساعة 6العصر شفت همس نايمة وريم بصفها كاعدة تكتب كالتلي اي همزين كعدتي تعاي نلعب حيوان جماد باوعتلها كتلها وين فاطمة
ريم:بعد الموقف لشفتة ماتغدينا نمنا شكد ماخفنا ولعبت نفسنا كعدت بالاربعة ضليت ارسم واشخبط لحد ماكعدت رمس كتلها تعاي نلعب سألتني وين فاطمة نزلت راسي اكمل شخبطة كتلها بالمطبخ
راحت رمس ضليت أرسم وخيالي وداني بعيدد كمت ارسم ماحس اله بابا فوك راسي وعاط هاي شنووو كمزت كتلة شنو بابا كال شراسمة باوعت واحد واكف وشايل مسدس وحدة واكعة وكلها دم ضربني راجدي ويجر بشعري وصلني للمطبخ واخواتي يجرن بية وهو مجلب بشعري وابجي بابا اسفة ماتنعاد ولله موقصدي بس سرحت بخيالي ارجوك بابا حباب لاامانة اتركني  طلع خاشوكة وحماها اني اصركعت من البجي ولخوف  وفتح كف أيدي وخلاها وسد ايدي عليها عطت ارحمني كافي حباب بابا بعدهي فقدت من الالم
رمس :طبيت لكيت فاطمة تكصص طماطة وبيتنجان تريد تسوي عشه وكفت يمها اساعدها شوي وسمعنا ريم تعيط وتبجي ولي يتسمى ابوي يجر بيها من شعرها طب للمطبخ وهو يضرب بيها حاولنا نوخرها من ايدة حمالها لخاشوكة وخلاها بيدها فرفحت روحها توسلت رادت ماكدرت كامت اصيح ارحمني ترددت كلماتها بأذني عطت لاا ريم لاتطلبين الرحمة من وحش من شخص عديم الانسانية من مجرم جانت كلماتي اكبر من عمري جنت منهارة ع ريم احس الالم بگلبي موبيدها  تركها وجر شعرييي كال هاي عليه وحش ياسافلة ولو الومج امج الكـ...ة ماعرفت تربيج لزمني ضرب موتني تموت فاطمة اجرجر بينا اني وريم طبت وقفلت لباب وهو يلطخ بلباب ويصيح اطلعن لاااحركجن صرخت همس معلنة عن جوعها زحفت سويتلها ممية وهدئت لمن شربت حليبها ضلت تباوعلنا وتناغي درت وجهي كل ظني راح يضل شكلنا مرسوم بالها خفت عليها ومابجيت أبد كعدت ريم تون من الحرك كالت أيدي راح اموت ولج ماما ايدي بجت لحد مارجعت تعبت ونامت ضلينا ع هالحال 3أيام بس تبجي وتون من الالم لبيدها
فاطمة: بعد الشفتة بااخواتي قررت اساسيس أبوي حتى بعد مايتأذن واحاول ابعدهن عن نظرة حتى مايأذيهن كمت اطبخ اخذلهن الاكل واصب اكل اله اكف لمطبخ  وقبل ماروح اطبخ اقفل لباب اذا ابوي بلبيت خوفاً ع اخواتي منة ومرت الايام واجت المدارس توسلت بابوي يخليهن يدرسن رفض  لامالجن طلعة ضليت احاول وياة كال وهمس منو الها هو ماميت ع همس لكن يطلعها حجة كتلة بابا اني مااكمل دراستي  ابوس رجلك خلي رمس وريم يدرسن وافق وكال يدرسن واذا فديوم اجيتي وكلتي اريد ملابس كتب دفاتر الهن ابطلهن هزيت راسي ورحت للملابس المضمومات طلعت صداريي مالتي ثنين الله يرحمج ماما بوكتها كتلها ماما شدعوة ثنين كالت خاف يوم ماتنشف هاي الصدرية تلبسين هاي طلعتهن وغسلتهن وابوي سوه نقل الهن المدرسة يمنا…
رمس: بعد مافاطمة توسلت لحميد يرجعنا ندرس واحنا نجحنا للخامس  باوعت لفاطمة ولاكانو هاي فاطمة لعمرها 13
عبالك عمرها فوك العشرين كد ماتعبانة وحالها يكسر الگلب
اجـة الـعـيـد وجـان عيـد حـزيـن كـعـدت أبـجي ماما لـيش رحـتـي وعفيتنا نشـفت دموعـي ع غيابها مرت لسنة بفرااغ كلش جبير وهمس صار عمرها سنة ومرت سنة ع وفاة أمنا ونعادد المشهد بذاكرة كل وحدة بينا
ريم: اليوم اول يوم مدرسة كعدتنا فاطمة سوتلنا ريوك مشطت شعرنا ولبستنا اجت همس تمشي هستوها تخطي وتوكع  شلتها وبستها هااي همووس اليوم اكلهاا وهي تضحك اخذتها رمس من ايدي وباستها وخلتها بالمطبخ يم فاطمة وطلعنا للمدرسة وصلنا وطبينا لصف اني ورمس نفس الصف ونفس الرحلة بنية جرتتني من كصيبتها كتلها اخ شبيج  كالت هاي رحتلنا اني وشمس طفرت رمس
رمس: شنو رحلتج المعلمة هنا كعدتنا وبعد اذا ضربتي اختي اكسرلج ايدج جرتني واني دفعتها ونمت فوكاها ودك ضرب لحد مانزفت خشمها اخذونا الادارة
ريم: رمس طفرت وكتلت لبنية واخذوهن الادارة اني ضليت خانسة دائما جنت جبانة وجانت رمس دائما اقوى وحدة بينا وترفض أحـد يـأذينا هالقـوة تعبتها  شوي واجت رمس تمشي بس مبينة متألمة بس مادري من شنو سألتها شبيج رموس باوعتلي مابية شي أكتبي الدرس مخلية ايدها بجيوبها طبت علينا مدرسة الاسلامية عرفت عن نفسها وبدت تشرح  سورة الحمد وتعلمنا الصلاة فانتبهت علينا كومتنا جان تسألنا ليش لابسات قمصان سودد شلون الادارة قبلت تخليكم اول يوم دراسي تخالفون الزي ردت رمس عليها وجانت رمس كلامها حيل بارد وحـاد  وجهت كلامها للمعلمة
رمس: ست اذا ماتت امج شتلبسين رمقتها بنظرة ثاقبة وكلام صااعق بالنسبة للمعلمة طفلة عمرها 11سنة هيج تحاجيها صاحت بية شنو هاي الاخلاق شلون هي تحجين رجعت باوعتلها كتلها ست بس مجابتيني جرتني من اذني واخذتني الادارة وكالت المديرة هيج وهيج تكلي كالتلي المديرة رمس حميد وتالي وياج اليوم مخالفتين سويتي اول يوم دراسي الج شنو هلعين الصلفة ضربتني ع روس أصابيعي وطردتني بلعت لغصة وطلعت رجعت يم ريم كالت ها شكالتلج عاطت المعلمة اششش ولاكلمة خلي نخلص الدرس كمل لدرس جان تقرب بنية هلو رديت عليها هلو كالت اسمج رمس هزيت راسي الها كالت حلو اسمج رديت عليها شكرا وانتي شسمج كالت اسمي مريم كتلها حلو نوب طلعت بطل مي كالتلي  هاج  مي بارد  غسلي ايدج أكيد يوجعنج من العودة اخذت لمي لبارد غسلت أيدي ورجعتة كتلها شكرا كالت اختج هواي بجت لمن اخذوج الادارة باوعت لريم كتلها اي هي دمعتها ع اطراف عينها تعرفت عليها وكالت احنا بالفرع لوراكم بيتنا كذا باب  كالت انتن ليش لابسات قمصان لونهن اسود أمجن ميتة صح هزيت راسي الها كالت الله يرحمها اكيد بجنة لان ماما دائما تكول ليموت يروح لجنة نهضمت من سمعتها تحجي ع امها هزيتلها راسي واخذت ريم وطلعنا الساحة كعدنا ع صفحة طلعت لفات وبطل مي ونطيت ريم لفتها وكعدت تاكل وهي تباوع للبنات يشترن من لحانوت مال المدرسة كالت رمس شوفي عندة بسكت حيوانات  جان هستوة طاب الاسواق وهواي اشياء اجت ورا السقوط كتلها موطيب ترا كالت شمدريج كتلها سمعت بنية تكول لو مامشتريتة موطيب كالت لعد يولي اكيد همس مراح تحبة اذا طعمة مو طيب هزيتلها راسي واني بداخلي قهر وحقد ع حميد خلصت لفتها كالت ياسلام شلون لفة طيبة بطة تسوي لبتيتة بمهارة ابتسمت ع كلامها اعرفها تتمنى تشتري مثل لبنات أذكرت ماما شلون جانـت مداريتنا تنطينا فلـوس وتخلينا أكـل خاف الفلوس ماتكفي وماتسد جوعنا الغصة بداخـلي جبيـرة شـوكـت أكـبر وأكـدر أحقق لبالـي وارتاح من الالـم
اجت مريم جان تمد ايدها كالت هاجن باوعنا بيدها سميري كتلها لا ماريد كالت اخذي شبيج باوعتلي ريم اخذت وريم اخذت اكلت وحدة جان تضم 4 واني اخدت بس ثنين كتلها هاج ماريد بطني توجعني انطيتهن الها اكلت وضمتهن على ل4 عرفتها ضمتهن لهمس وفاطمة دك لجرس طبينا الدرس وخلصو الدروس بقو بس درس وطلعونا لساحة فرصة طلعت لفتي ونطيتها لريم باوعتلي ريم ليش ماتاكلين كتلها ماجوعانة وكتلج بطني توجعني اكليها انتي اجت مريم كالت بنات هذا اخر درس يكولون شااغر كتلها ليش كالت لان معلمة العلوم ماكو لمن تجينا وحدة تكوم تاخذنا علوم شايلة بيدها بطل بيبسي بي نص كالت الريم هاج ريم كالتلها لاماريد عندي مي لحت مريم ولج طيب ولله شوفي  كاتلها ريم ماحبة وعافتها ومشت الصف لحكتها كالت هاي مريم شو تكول طيب وانتي تكولين موطيب بلعت ريكي كتلها ريمة اني كتلج لبسكت مو طيب كالت لاوكلتي حتى لمي الاسود موطيب جانت ماتعرف تلفظ كلمة بيبسي تسمي مي أسود شكـد حاولـت ماما تعلمـها بـس هـي عدها ثقـل بلسانها ماتكـدر تـنطـقـة  خلصنا مدرسـة رجعنا للبيت وتلكتنا فاطمة
فاطمة : طلعن رمس وريم المدرسة دمعو عيوني ذكرت من امي جانت موجودة شلون ترتبنا ونطلع من لبيت فرحانات ونرجع نلكة امي تتلكانه وتغنيلة هلا ومية هلا حبيباب گلبي (ياريـت عندي من ثلاثة وحدة تغسلني وتبات وحدة تبجي الكاعدات وحدة تسويلي ثوابات ) حسيت بغصة ماكدرت ابلعها بجيت واني  حاظنة رجليني بايدي ماحس اله ايدين صغار يضربن بية ع راسي رفعت راسي شفت همس مستهضمة شلتها وبستها غسلت وجها وريكتها نظفت لبيت وسويت اكل حسيت بالمسؤولية أكبر من عمري 14
سنة  فكرت ياترى اني كدها يارب ساعدني حتى اكدر اعيش اخواتي واكمل مسيرة امي وياهن حسيت لباب يندك شفت احذية هذن رمس وريم طبت ريم تركض حظنتني بست راسها ورمس وراها تجر بنفسها جر
ريم: طلعنا وصلنا للبيت ركضت بسرعة وحظنت فاطمة باست راسي ورحت لهمس كاعدة تلعب بالجدورة ذبيت جنطتي وطلعت السميري اخذت منهم 3 وانطيتهن لفاطمة بطة هاج هذا سميري ضلت فاطمة صافنة عليه اخذتهن وباوعت لرمس نوب كعدت اوكل همس كتلها هذا سميري طيب صح وهمس تضحك شلتها وكفت اغسل لهمس
فاطمة: طلعت ريم من جنطتها سميري وجان تنطيني ضليت صافنة بوجها نوب وكلت 3لهمس باوعت لرمس كتلها منيلها فلوس حتى تشتري هذا رمس كالت صديقتنا مريم انطتنا وهي ضمت مالاتها  حتى تجيبهن لهمس والج دمعو عيوني عليها جان اطب حظنتني وكالـت  بطة لبتيتة هواي طيبة شكرا لان انتي تعبانة ومانسيتي لفاتنا ومانسيتي اكلنا حظنت راسها كتلها الف عافية حبيبة لمهم شبعتي هزت راسها كالت اي رمس نطتني لفتها لان بطنها تأذيها كتلها ديري بالج ع همس رحت لرمس كتلها شبيها بطنج كالت مبيها شي بس توصوص من الجوع كتلها هيج وهيج كالت اي جانت توجعني وهسة طابت عرفتها ماكلتها لان ريم جانت جوعانة التفتت سوت نفسها تعدل ملابسها حسيت بيها مقهورة كتلها رمس حبيبتي لاتضمين بكلبج ترا لكتم يأذي الانسان كالت مابيه شي بس جوعانة كتلها باوعيلي دمعو عيونها كالت شوكت نرتاح شوكت اشوف الفرح بعيونج شوكت اشوفج مرتاحة وتدرسين حالج حال لبنات حظنتها كتلها اني ماحب المدرسة تولي بس تعب هنا مرتاحة كالت لعد اني هم ماحبها عطت بيها لااا تحبيها وحتى لو متحبيها ماتركينها
رمس: طبيت ابدل اجتني فاطمة تسألني كتلها جوعانة لااكثر ضلت تسولف وتكولي احجي لاضلين تكتمين بداخلج كتلها زين شوكت نرتاح شوكت اشوف الفرح بعيونج شوكت اشوفج مرتاحة وتدرسين حالج حال لبنات حظنتها كالت اني ماحب المدرسة تولي بس تعب هنا مرتاحة كتلها لعد اني هم ماحبها عاطت بيه لااا تحبيها وحتى لو متحبيها ماتركينها يلا كومي غسلي اصبلجن غدة كملت اكل وكعدت ادرس وادرس ريم وريم كوة تجر الكلام كتلها نامي لعصر اكملج قراءة للعصر حسيت لباب انفتح طب حميد وصاح تعاي شيلي لمسواك شبيج صافنة جنج مطي رحت اخذت لمسواك منة فتشت لمسواك بس بتيتة وطماطة وبيتنجان وخيار نعمة الحمدلله بس يستخسر يجيب شي لنا التفت عليه كال لحد تكعدني ع لعشة اني ماشتهي وراح ضحكت بيني وبين نفسي ههه وياهي تكعدك حتى تطفح عزلت المسواك وكعدت أكشر بتيتة لحد ماكعدت فاطمة كالتلي كومي درسي ريم اني اسوي العشه كتلها لا انتي درسيها هي تفهم عليج اني مالي خلكها راحت وبديت اسوي عشه ردتها ترتاح شوي 24ساعة تركض منا ومنا خليت العشة كدامهن باوعتلي فاطمة عمي نادرة موبيدج ضحكت ع كلامها وكتلها اعجبج وريم كعدت تاكل كالت فاطمة حبابة باجر اريد الغدة مركة بيتنجان كالتها فاطمة من عيوني ومشة لحال ومرت الايام ومثل كل يوم مدرسة ونرجع للبيت ناكل وندرس وانام نفس لروتين فديوم كاعدين جان يطب ابوي علينا مامتوازن يروح منا ويرجع منا دفر فاطمة كومي جيبلي عشة هزت راسها فاطمة وكامت تحظرله لعشة سوتلة طماطة هو دفع الصينية وعاط ومرض شنو هذا هم حاسبتة اكل كالتة بابا ماعدنا غيرة ضربها راجدي بنت الك...ة لاترادديني سكتت فاطمة اني متحملت كتلة مافاتحين مطعم اكل هذا الموجود مو قبل شكم يوم كالتلك فاطمة بابا جيبلنا دجاجة سويتلها حفلة واكلن هذا الموجود كام جان يجر شعري انتي لسانج طويلل عليمن خرب بروح امج اني هيج كال وفرفحت روحي كتلة تروح فدوة لترابها عاد امي مافديوم مدت ايدها علينا ولاخلتنا بيوم نباوع ع احد ذبني ع لباب وايدي نشكت بلباب حقدت علية ازيد وازيد اجت فاطمة طببتنا جوة وقفلت لباب من برا بس سمعت غلط حميد وشي نكسر خفت ع فاطمة ورا شوي هدوء طبت فاطمة لعيون حمر والوجه محتقن كالت راجعن دروسجن ونامن نامت ريم وهمس نايمة سويت نفسي نايمة باوعت لفاطمة نزلت لثوب من يم جتفها قطعة زركة جرت نفس والتفتت غطيت راسي كالت اتحمل لخاطرجن لو أعرف أموت ماخلي أي أذة يصبجن اني ايدي اسبوع يلا طابت وضل اثرر بيدي خفيف يعني لي يركز وقريب يشوفة وتستمر الحياة اسبوع هدوء اسبوع ضرب وذل من حميد وبكل مرة يضرب فاطمة تضمنا بالغرفة خوفاً من غضبة لكن تجي للغرفة كل يوم نفس لحالة لعيون حمر ومجهدة نفسياً طبينا سنة ثانية خالية من أمنا رحنا للمدرسة اجت مريم تركض بنات بنات باجر  عيد ميلادي عود تعالن ماما راح اسويلي عيد ميلاد ريم باوعت بحزن كالتها مانكدر ابوي مايقبل نطلع ورا لمدرسة كالت حبابات كتلها الله كريم عود نجي هنا عمرنا 13 وفاطمة 15
باوعتلي ريم كالت شلون تكليلها هيج موتعرفين ابوي مايقبل كتلها ماعليج اليوم تروحين لعيد ميلاد مريم ضلت متوترة ريم رجعنا جان اسولف لفاطمة اجتني فاطمة عصبية

فاطمة:رمس شنو هالكلام شبيج انتي اذا عرف بيج ابوي يذبحج بطلي هلطيش كالت ليش خايفات هيج هو شمدري كتلها شنو شمدري باوعتلي وكالت اني راح انام وكالت لريم حظري نفسج اقري دروسج حتى تروحين للعيد ميلاد مريم عفتها وطلعت تعبتني رمس كل سنة تزيد ويزيد حقدها وطيشها خايفة لاتروح تأذي نفسها بهالشي بجيت لمن اذكرت امي توصيني بيهن شلون راح اكمل هلمهمة يارب ساعدني بهالاثناء شفت همس كالت ماما التفت شلتها كتلها عيون ماما كالت ليومة  لاح اجيبج تيتة مثل تفزيون (ريومة راح اجيبلي كيكة مثل لبالتلفزيون ) هزيتلها راسي وتشتت افكاري يارب عدي هاليوم ع خيرر گلبي لاعـب مـن هلـروحـة يارب ماتروح لان صـدك كلبي بعـد مايتـحـمـل ألـم وأذيـه……

___________للڪاتبـة أسـتـبرق الـزبـيـدي

إظهار عكس ماتشعر به أمر مُرهق جداً 

ياترى شراح يصـيـر ويـة رمـس وأخواتها المشوار طويـل
تصويت اذا ماصير زحمة 🤗