مـذكـرات رمـس

الـبـارت الـثـانـي

أزهاق الارواح بحجة الشرف
______________________
سمعنا عياط بالمنطقة طلعنا نركض شفناا أم بكر جيرانا مفرعة وتلطم وتصيح يمة بكيري يمة بكوري ليش يمة تعوف اميمتك وتروح بهالسهولة ولك يايمة أبني تجايتي راح يمة شكال گليبك لمن ضربوك يمة هم توجعت كون براسي ولابراسك صفنا عليها ودموعنا عشرة عشرة على منظرها راح ابوي يستفسر كلولة مسلبجية ع طريق بغداد كاتلينا ومنااا بدت الطائفية اي شخص اسمة عمر بكر عثمان لو عشيرتة تبين هو من السنة مايرجع غير بجياس لو يرجع مزرف بالطلق لو ذابحينة مرت الايام واجة هاليوم المشؤؤم جـنا كـاعدين أني وريـم  كدام لتلفزيون  وهمس بالكاروك عمرها 3اسابيع وماما تخبز بالطارمة ويمها فاطمة أكبر بنت بعائلة حميد
كاعدين نتفرج كارتون فجأة طب بابا من براا اعصاااب ويصيـح ويـنجج اليـوم أموتج ليوم ماخليج عايشة ولججج ساقطة أني تنزلين راسي بالارض ركضنا اني وريم وشفناا لازم شعرها ويعت بيها يم ونجوت ايدها اثناء الضرب يسب ويشتم ليوم اطم عارج يجر بشعرها وهي منتهية بيدة ركضت لزمت رجلين ابوي واصيح بابا حباب خطية شعرها تشلع خطية بابا وابجي دفعني وكال هذاا مصير لينزل راس حميد بالكاع وجان تصفرر اذاني بس سمعت 3طلقات وحدة ورا الثانية باوعت لدم ترس الارض الخبزز صار احمر اختلط لدم وية الطحين باوعتلها جثة ضلت عيوني مشخصة عليها وعطت لااااااا بابا لاااا مستحيل لااا حضنتني بطة وسدت عيوني وخرت ايدهااا كمت اصيح ماما لااحبابة لااا شبيج اكعدي ماااماا اكعددي همس تبجي باوعت لابوي كال امجن ساقطة ولساقطة لارم ينطم عارها فاطمة طفرت وتعيط وتصيح امي ماسوت شي شنو سوتلك حتى تكتلها امي شريفة لاتكول ساقطة
الاب حميد:  امجن جان مصاحبة لكصااب امجن زنت ونكست راسي بالطين
فاطمة:  لامستحيل امي ماتسويها امي محترمة خلصت عمرها ماتطلع من لبيت اله وهي ملفلفة نفسها وماتطلع بس عيونها من لعباية امي نقيةة كمت اااعيط نقية نقية لكن نقائها ماشفعلها امام ابوي عيونها مشخصة علينا وهي ميتة حظنتها وعطت ولج يمة شلون نعيش بدونج ماما لاتعوفينا منو النا غيرج ماما همس بعدهي صغيرة شلون هيج تعرفيها ريم شلون بيها رمس ماما رمس هاااي طفلتج المدللة شلون تتقبل غيابج لاحبابة ولكم كعدوني من هالكابوس كمت الطم واكرص بنفسي بلكت اكعد من هلرعب لڪـن هذا حقيقة ماتت امنا روحها راحت لحدود الله حسيت الدنيا فترت بية من الصدمة واني اشوف اخواتي شلون عيونهن على امي باوعت الابوي وجهه اسود مابي اي برائة وجهه مليئ بالاحقاد والكراهية رفعت راسي وهمست يارب أحركة احرمة من كلشي يحبة وغمضت عيوني بأسى عليه وعلى حال اخواتي
رمس: ضليت صافنة معقولة هاي ماما ااي هاي ماما لدم مغركها وعيونها مشخصة علينا روحها غادرت هالعالم بذنب مامرتبكته ضليت اغني اغنية ماما لمتعادة لمن وحدة منا تتمرض وماتكدر تنام تكلنا نامي (دللول يمة دللول يمة عدوج عليل وساكن لجول يمة هب لهوى وانصكت لباب ترى حسبالى خشت احباب ) واثغــب على أمي شلون راح نعيش بدونها ركضت وذبيت نفسي عليها ماما بعد كـلبي حبابـة ردي عليـة انـي رمـوس احجـي وياي ماما ورا عدت نص ساعة من النوح والبجي كتلها ماما تعبت ماناويـة جاوبيـني حبابـة تعبـت ريم وكعت فوكاهاا وبطة تعيط وحاظنة امي جرنا ابوي من فوكاها وغطس ايدة بدمها وخله ايدة ع وجوهنا كال هاي بصمة خلنها بالجن اذا فديوم شفتجن سويتن شي ينزل راسي مصيرجن مثل هالـ …ة امجن نرعبنا من الموقف حظـنتنا فاطمة وهو  راح وكف غسل أيدة من الدم

وصاح (باسمة)الخاولـي  صاح 3 مرات عليها كال مو داصيح طرمة (باسمةةة) لخاااااولـي
بجت بنحيب فاطمة جان ترد بخنگة بابا ماما ميتـة انت كتلتها باوعلها جان يتنفس كال الى جهنم وحـدة عار تستاهـل
جان يجر بكلامة جـر تمنيـتة يمـوت بهالحـظة تمنيـت أمـوت ويـة أمي
جرتنا فاطمة سبحت ريم اني رفضت كتلها اني اسبح كعدت اغسل ودم أمي قطعة من قلبي  يروح وية لمي نوب خليت ملابسي واجلف بيهم مايطلع لدم صحت ماما  هذا لدم مايطلع التفتت شفت اخواتي فوك راسي ويبجن عطت وكتلهن دمها دمهاا هذا. والله دمهـا ……

………………للڪاتبـة أسـتـبرق الـزبـيـدي

بنات عفية صوتن ع القصـة كتبت ٦٠٩ كلمـة اذا هيـج تضل القصـة مامسلط عليها الضوء احذفها وهي قصة حقيقية تحكي واقعنا والمجتمع وجرائم بحجة غسل عار بس تصويت 👍🏻ومشاهدات زينة اكوم انزل ڪـل يوم بارت همتجن وياي بنات