تعلمتُ ألم الوجود، لقد نُفيت من جنة الطفولة
و لم أجد مكانًا بين الكبار
___________________
بس اريد أكمل لبس طلعت شفـت فاطمـة
واكعة لجدرية بنص المطبخ وفاطمة
ايدها مصلوخة صلخ وريم تحاجيها
وفاطمة مفرفحة من الالم ركضتلها جبت
معجون وانفخ بلكت يخف الحرگ شوي
وماحس اله فاطمة متكومة بحظني
شلتها اني وريم خليت ريم يمها وطلعت
شفت التشريب بالكاع متبدي شلـت
الدجاجة وخليتها بجدرية ورجعت
فتحت الفرن خليت لدجاجة بلفرن
وذبيت وياها بتيتة وطماطة وعفتها لحد
ماستوت رحت شفت فاطمة نايمة
نقهرت حيل ع منظر ايدها يارب كون
ميضل أثر بيها ولاتتضرر أيدها
اجة حميد الله ياخذة يجوز تنتقدن
كلامي لكن هذا مجرم وعيشنا أسوء أيام
كال طبي بغرفتجن طبيت ورا ساعة اجة
كال فاطمة كومي صبي العشه كتله
فاطمة وكع عليها لتشريب هو عاط
وعمى متشوف ماكال شلون صارت
بس كـل همـه لتشريب والعزيمة
طلعت صبيت العشه ورجعـت تسمموو
وكعدو طلعـت أغسـل المواعين سمعت
ريـم تعيط فتت وشفت أبوي نايم ويمة
شرب بس استغـربت صديقة ماكو
معقولة راح عفته وركضـت لريـم شفـت
صديق أبوي يدفع باب الحمام وريم
تصرخ رمس حبابة وخري حبابة راح
أموت رمس بلعت ريكي
واهتز جسمي بخوف واشمئزاز ركضت
عليه ادفع بي اريد ريم تطلع مايوخر
عطت فاطمة ولج عفية فاطمة لحكيلي
لحكي لريم وكمت ابجي وريم تعيط
وتبجي ولجلب ابونا سكران ومطمور دفع
لباب وطب ع ريم اني رجلية رجفن
ركضت للمطبخ جبت سجين ولكيته
مرتجي ع لباب حتى مااطب نجنيت
ريم ولج ريم جاوبيني
ريـم :عفت فاطمة وهمس كابة زيت
لشعر ع نفسها اخذتها
كلـت أكـيد مشـى صـديق أبـوي
وطبيت اسبح هـمـس
أنت تقرأ
مـذكـرات رمـس
Romanceللڪاتبـة أسـتـبرق الـزبـيـدي يَبدوا ٳن الصَدمة كانت أعمَق هذهِ المَرة قضيـة شرف/ طـفولة مسروقة /أب حـاقـد (مڪتملـة)
