العاشق المهوس..( الكاتبة أروى عادل)

الفصل الرابع

فى سيارة أميرة
رن جرس التليفون دون ان تنظر إلى الرقم قالت
بداية المكالمة
أروى. الو
المتصل . انتى كنت بتعملى ايه فى مبنى مباحث الإنترنت
أروى . (بصوت غضب ممزوج بالخوف) انت عايز ايه مين كفاية . كفاية بقى
المتصل . اهدى واسمعينى خليكى وثقة ان مافيش حد يقدر يمنعنى من حبك لا يقدر يعملى حاجة لا اخوكى هينفع ولا عمتك إللى انتى قاعده جانبها دلوقتى هتنفعك ولا حتى مباحث الإنترنت كلها ماحدش هينقذك من حبى

هنا أغلقت أروى الهاتف ثم ألقته  من يدها وهى فى حالة ذهول الصدمه و هى تنظر يمين و يسار بذعر
وهنا قالت

أميرة . فى اية مالك
أروى . ده شايفنى دلوقتى
أميرة ٠٠ مين ده
أروى ٠ ده مابيهزرش يا عمتو ده حد واثق من نفسه و  عارف هو بيعمل ايه كويس أوى

أميرة . ماتخفيش قولتلك كلها كام ساعة وهنعرف مين الواد ده ساعتها واللهى هيروح  فى ستين داهيه بس اهدى فهمينى هو قالك ايه خلكى خايفه كده
أروى ٠ قالى ماحدش هيقدر هيعملى حاجه ولا عمتك ولا أدهم ولا مباحث الإنترنت
أميرة . يعنى ده عارف انك كنتى ف المباحث الانترنت كمان عارف كنتى مع مين .. ده بيراقبك بقى

أروى ٠ ده كمان عارف انى معاكى فى العربية دلوقتى
أميرة ٠٠  استنى هاتى الرقم التليفون بتاعة
أروى. ليه
أميرة. هتصل بيه طبعا
أروى . الرقم اهو
رنت أميرة على الرقم سمعت الرسالة بتقول هذا الرقم مغلق أو غير متاح حاليا حاول الاتصال به مره أخرى

أميره . قفل التليفون
أروى ٠ أو عامل خاصية ان أى حد يرن عليها يبقى غير متاح

اميرة . اسمعى يا اروى لو اتصل بيكى تانى ابقى سجلى المكالمة
أروى . حاضر بس ممكن يا عمتو تروحينى على البيت مش هقدر اروح الجامعة النهارده
أميرة .حاضر ويكون احسن بردوا . لازم كمان اتصل بالظابط مجدى و هقولوا على المكالمة دى
-------------
وصلت أروى امام البيت قالت أميرة

أميرة . عايزه حاجه منى ياروى انا رايحه الشغل
أروى . لا شكرآ يا عمتو
أميرة . شكرآ على يا عبيطة  يلا باى

دخلت أروى شقة جدها توفيق
فتحت الباب لانها معاها المفتاح

أروى. مساء الخير يا جدو
جدو توفيق . مساء الخير ايه جاى بدرى النهاردة هو سليم قالك
أروى . بابا قالى على ايه
جدو توفيق . يبقى مش قالك
أروى . ايه هو قالك لا مش قالك هو فى ايه ياجدو
جدو توفيق . هقولك بس طبعا ده سر
أروى . فى بير
جدو توفيق . فى ضيوف جايين عندكم النهاردة
أروى . ضيوف مين دول يا جدو
جدو توفيق . .عريس جاى يتقدملك
أروى . عريس تانى مش وقته خالص
جدو توفيق . هو اية مش وقته هو دا كمان بوقت
أورى . واللهى يا جدو انا مش

هنا قطع جملتها صوت الهاتف لذلك  نظرت أروى على الهاتف بخوف لكنها أطمنت عندما رأت هوية  المتصل )
بداية المكالمة