العاشق المهوس..( الكاتبة أروى عادل)

الفصل الرابع عشر

أدهم ٠ معنى كدا انك شكك فيهم
سيف ٠ الشخص المجهول قريب من واحده فيهم
(كان الرعب  يمتلك الأصحاب الثلاثة)
أدهم ٠ بس دول صحابها
سيف ٠ هنشوف فى القسم الكلام ده
أدهم ٠ انا جاى معاك لقسم الشرطة
سيف ٠ عشان خاطر ندا صح
أدهم ٠ لاء عشان انا اخو أروى لازم اعرف مين إللى بيعمل فى اختى كده

===================

لقد أشرقت شمس الصباح يوم جديد
فى قسم الشرطة

سيف ٠ أنا عارف انكم اعز اصدقاء لأروى
علا ٠ لما انت عارف كده ليه شكك فينا احنا مستحيل نفكر نأذى أروى

سيف ٠ بس انا متأكد أن إللى خطف أروى على علاقه بواحده فيكم
ندا ٠  أيه إللى مخليك متأكد
سيف ٠  عشان في حاجات ماحدش كان يعرفها غيركم الشخص المجهول كان بيعرفها اكيد كان بيعرفها من واحد فيكم
ياره ٠ لاء مش ممكن مافيش واحده فينا بتتمنى الشر لأروى 
سيف ٠ ده إللى هيبان فى التحقيق. اولآ ندا انتى كانت موجوده إمبارح و عارفه انى اتقدمت لأروى صح
ندا ٠ ايوه كنت موجوده
سيف ٠ مين منكم تانى كانت عارفه
ندا ٠  انا قولت لعلا. بس ياره متعرفش
سيف ٠ طيب ندا انتم اتكلمتو مع حد او قولتو لحد انى خطبت أروى
ندا ٠ انا قولت لماما و بابا عادى يعنى
علا ٠ و انا مش فاكره
سيف.  ( بغضب) يعنى قولتى ولا مقولتيش مافيش حاجه اسمها مش فاكره
علا ٠ قولت لا مش قولت
( لحظ سيف تردد علا)
سيف ٠ ندا انتى عندك اخ صح
ندا. اه عندى
سيف ٠ هو عارف أروى
ندا. اه احنا و أروى صحاب من زمان كانت بتيجى عندنا ٠٠ كمان ماتنساش انى خطيبت اخوها
أدهم ٠ انا فاهم انت عايز تقول ايه اخو ندا فى مصحة للعلاج الإدمان من حوالى شهرين لا بيشوف أهلو ولا أهلو بيشوفو
سيف ٠ طيب يا ندا انتى متعوده تتكلمى عن أروى قدام اى حد
ندا ٠ لا انا متعودة اتكلم مع أروى او علا أو ياره و أدهم بس
سيف ٠ طيب و انتى يا ياره عندك اخوات
ياره. انا عندى أخت واحده عندها ١٤ سنه
سيف ٠ مافيش حد بتتكلمى معاها عن أروى
ياره ٠ لا ابدأ. مافيش حد غير أصحابنا
سيف ٠ ليكى اصحاب غير أروى وندا وعلا
ياره ٠ اه عندى
سيف ٠ يعرفوا أروى او بتتكلمى معاهم عنها
ياره ٠ أروى عشان البرنامج الكل عارفها بس اكيد مش هتكلم معاهم على معلومات شخصية عن اروى
سيف ٠ علا وانتى عندك اخوات
علا ٠ عندى اخ واحد
سيف ٠ طيب هو عارف أروى
علا. اه عارفها
طيب ٠ ايه علاقتو بأروى
علا ٠ ولا حاجة هى مجرد صاحبة اخته
سيف ٠ بتحكى معاه عن أروى
علا ٠ انا و اخويا متعودين نتكلم مع بعض فى كل حاجة (سكتت شويه وهى تفكر )بس انا مش فاكره انى اتكلمت معاه عن اروى
سيف ٠ علا انت مش شايفه ان كلمه مش فاكره بتكرر معكى كتير
علا ٠ أنا بس متوتر لانى مش متعودة على الوضع إللى انا فيه دلوقتى

سيف ٠ طيب اسأل سؤال تانى تعرفوا حد من دائرة معارفكم كان عامل حادثه او مصاب فى رجله من اسبوعين
ياره ٠ معرفش
ندا. لا معرفش
علا ٠ انا كمان معرفش
ندا ٠ استنى يا علا انتى من اسبوعين تقرينا قولتى ان اخوكى عمل حادثة
علا ٠ لا دى حادثه بالعربية عادى زين مالهوش علاقه بالحوار ده
سيف ٠ انتى كنتى معاه لما عمل الحادثة
علا ٠ لا بس اخويا مش بيكدب عليا