العاشق المهوس..( الكاتبة أروى عادل)

الفصل التاسع

أدهم ٠ بجد برافو بطل يعنى جريت ورا مجرم و سيبت أروى لوحدها فى المطعم
سيف. انا كل إللى كان شاغل بالى و قاله انى امسك المجرم ده  كمان ان.......
( قطع أدهم عبارته  بحده)
أدهم٠ انا عارف ان اهم حاجه عندك شغلك وانك تمسك المجرم انما امان اختى و الحاله اللى هى فيها مش مهم  بالنسبالك

سيف٠ ( بضيق) يعنى انت  بتفكر انى ممكن اعرض أختك  للخطر عشان خاطر مصلحتى.. دى فكرتك عنى
أدهم ٠ أنا عارف بقى
( هنا ظهرت أروى قالت )
أروى ٠ سيف مش غلطان هو قالى انى افضل قعده مكانى فى المطعم و متحركش حتى هو ماقليش انه رايح فين انا إللى طلعت وراه
يمكن  لو ماكنتش طلعت كان ممكن سيف يمسك المجرم . لو حد غلطان هنا بيكون انا . انا اسفة يا سيف معلش  انا عارفه انى انا السبب فى انا المجرم ده هرب منك النهاردة

(هنا نظره أدهم إلى سيف يخجل من ما قاله له )

أدهم ٠ معلش يا صاحبى فهمت غلط
اسلام ٠ حصل خير يا جماعة بعدين ماهى اروى زى القرده قدامنا  مافهاش حاجه

ليلى. بقى القمر ده تقول عليها قردة امال انت نقول عليك ايه
اسلام ٠ بقى كده يا ماما شوفى مين إللى هيديكى الحقنة بتعتك النهاردة
ليلى . لا ونبى احسن حتى ايدك تقيل اوى انا عارفه انت هتبقى دكتور ازاى

( هنا ضحكه الجميع يبدو أنهم بيحاولوا يخرجوا أروى من  الحاله الحزن التى بها كما يبدو  ايضآ  إنهم نجحوا فى ذلك
)
إسلام٠ يعنى انا ايدى. تقيل ماشى يا ماما
أدهم ٠ خلاص هى قالت ايدك تقيل امال لو قالت ايدك طويل هتعمل ايه
سليم٠ كان زمان سيف بيقبض عليه  دلوقتى
إسلام٠ حتى انت يا بابا
( ضحكة أروى وهى تقول )
أروى ٠ خلاص كفاية عليه كده النهارده
ليلى٠ خلاص طالما اميرتى قالت كده
سليم. سيف بعد إللى حصل النهاردة لسه صعب تجيبوا الواد ده
سيف٠ سدقنى احنا قاربنا اوى هو صحيح ماشوفتش وشه بس انا بأكدلك ان الواد ده أروى تعرفوا كويس اوى
أروى ٠ ازاى انا اعرفوا  . هعرفوا منين يعنى

سيف٠ النهاردة هو جاى عليكى سمعتى قال ايه
أروى ٠ ايوه سمعتوا
سيف٠ طيب شوفتى طريقتو فى الكلام
أدهم٠ ما تفهمنا تقصد ايه
سيف٠ ده كان بيحاول يغير نبرة صوته و ده كان واضح
أروى ٠ انت تقصد انه غير نبرة صوته عشان معرفهوش
سيف ٠ بالظبط كدا عشان عارف انه لو اتكلم بصوته الطبيعى  هتعرفى  هو مين . و دى حاجة تأكد على كلامى إللى قولتو قبل كدا أن المجنون ده حد تعرفي  كويس
سليم ٠ أروى بنت اجتماعيه و ليها معارف كتير
ده غير انها معروفه

سيف ٠ الشخص ده مش واحد غريب ده حد قريب لأروى او يعرف حد قريب لأروى لانه بيعرف اخبارها كلها عارف اسلوب حياتها .
و فعلآ أروى إجتماعية ومعروفه على شبكة التواصل الاجتماعي بس حياتها الخاصة ليها ولأسرته.  غير معروفه لحد ٠ لكن  الشخص ده عارف عن أروى كل حاجه  و عارف أصحاب  بأسم و عارف عايلتها واحد واحد
سليم. فعلا كلامك صح بس ده هنعرفوا ازاى
(نظر سيف الى اروى وقال)
سيف٠ أروى بنت جميلة اكيد اتقدملك شباب عشان يرتبطوا بيكى ممكن يكون واحد من الشباب دول  بيحاول بتنتقم  من رافضك له