سيف ٠ عيب عليك يا أدهم دى اخت صاحبى
أدهم . لولا انى واثق فى أروى انا مش ممكن كنت وافقت على الموضوع ده كله
سيف ٠٠ ده بدل ما تقول انك واثق فى صاحبك
أدهم ٠ انت هتعملهم عليا ما انا عارفك وعارف غرامياتك.
سيف ٠ طالما انت عارفنى يبقى أكيد عارف انى مس بخلط بين الشغل و حياتى الخاصه
أدهم ٠٠ عارف ده إللى مطمنى شويه
سيف ٠٠ بس بردوا ممكن اعمل استثناء لأختك
بصراحه هى حلوه أوى و تستاهل الأستثناء
هنا شعر أدهم بالغضب عندها صاح بسيف
أدهم ٠ سيف انت بتخرف بتقول أيه
هنا ضحكة سيف على غضب أدهم
سيف ٠ خلاص خلاص واللهى بهزر معاك
ماتلحقش تعمل فيها ابو الغضب. .. يلا أمشى انا قبل ما تضربنى
قال جملته ثم انصرف
صباح يوم جديد
------------
ليلى. ايه ده يا اروى صاحيه بدرى وكمان لابسه
أروى ٠ عندى محاضرة الساعة ٩ صباحا
ليلى ٠افطرى الأول
أروى.٠ هعمل سندويتش على الواقف كده
أدهم. يلا يا أروى
إسلام . استنا يا أدهم هاجى معك اترحم شوية من المواصلات
أروى٠ طيب هنادى على بسمله الأول
إسلام ٠ هى مش رايحه النهاردة
أروى ٠ وانت بقى عرفت منين
أسلام ٠ عرفت وخلاص عندك مانع
أروى ٠ وانا هيكون عندى مانع ليه بقى ان شاء الله
أدهم. انا هنزل و هدور العربية و همشى على طول خليكم انتم اتخنقوا براحتكم
هنا ركضت أروى خلف أدهم وهى تقول
أروى. هيمشى و يسيبنا
إسلام ٠ استنا يا ادهم
========
الجامعة٠٠٠
وصلت أروى الجامعة وهناك اتصل بيها سيف و قال
سيف ٠ الو أروى
أروى ٠ ايوه حضرة الرائد سيف
سيف ٠ ياريت بلاش حضرتك الرائد سيف اسمى سيف وبس عشان ماحدتش ياخد باله
أروى ٠ حاضر يا سيف وبس
سيف ٠ وبس ماشى قولى هتخلصى جامعة امتى النهاردة
أروى ٠ بتسأل ليه
سيف ٠ نعم هو انتى نسيتى الإتفاق امبارح
أروى ٠ اه معلش اسف اصلى مش متعوده على الجوه ده
سيف ٠ معلش فترة و تعدى المهم انا هاجى اخدك بعد الجامعة هتخلصى امتى
أروى ٠ على الساعة ٣ ونص تقريبآ
سيف ٠ تمام يبقى الساعة ٣ ونص هكون قدام الجامعة سلام
قال جملته ثم أغلق الخط قبل أن تجيب عليه لذلك قالت
أروى ٠ أيه المجنون ده كمان طيب مش يستنا حتى أرد عليه
---------
عدى اليوم الدراسى كالعادة
اتجمعوا الأصدقاء قالت ياره
ياره ٠ متهيألى يا علا احنا لينا عندك غدوا
علا ٠ متخافيش مش ناسيه لو عايزينها دلوقتى انا جاهزه
ندا ٠ ايه يا بنتى انت على طول جاهزه كده
علا ٠ ألمسى الخشب وصلى على النبى الاول
أروى ٠ عليه افضل الصلاة والسلام.. طيب ممكن تخليها يوم تانى علشان النهاردة عندى مشوار
ندا. مشوار ايه ده
أروى ٠ مشوار عادى يا ندا فى ايه
ندا ٠ فين بقى المشوار العادى ده
أروى ٠ هو استجواب ولا ايه
علا ٠ فى ايه يا اروى هى بتسأل عادى
ندا. هو فى ايه انتى مش عايزه تقولى راحة فين ليه أروى هو احنا امتى بنخبى حاجه على بعض
أروى ٠ طيب هقولكم بس ماحدش يعرف الموضوع ده توعدونى
ياره. مش هنقول يلا بقى قولى
أروى ٠ رايحه أقابل سيف
ندا ٠ سيف مين
أروى. الشاب إللى انتم شوفتوا امبارح بيسأل على أدهم
علا. (قالت علا بصوت عالى) الواد المز بتهزرى
أروى ٠ واطى صوتك ولمى نفسك
علا ٠ عشان كده مارفعش عينه من عليكى امبارح
ياره. (قالت ياره بحماس) ازاى وحصل امتى فين احكيلى يلا
أروى ٠ هو صاحب أدهم واحنا بتكلم من مده كدا اخيرآ قررنا نتقابل
ندا. أروى انتى بتهزرى مش كده او اتجننتى
ياره ٠ ليه بس ما تسبيها تفرح
ندا ٠ انت مش مستوعبه لو أدهم عرف ممكن يعمل ايه فيها فى صاحبه
علا ٠ يعنى انتى همك على ادهم و بس
طيب صاحبتك وبعدين الواد مايتسبش بصراحة
ندا ٠ انا خايفه. عليها خصوصا فى الظروف إللى هى فيها
أروى ٠ ماتخفيش عليا ممكن امشى بقى هتأخر عليه
أنت تقرأ
العاشق المهوس..( الكاتبة أروى عادل)
Mystery / Thrillerحب رومانسية غيرة غموض اثاره خيانه هوس أروى سليم بنت جميلة جدا مرحه اجتماعية من اسرة مثقافة متوسطة الحال طالبه فى كلية اعلام ناشطه على مواقع التواصل الاجتماعي حياتها كانت مستقره الى إن جاء اتصال من مجهول قلب حياتها رأس على عقب و تتوالا الأحداث و ا...
