كلبي يدك بلدقيقة الف خايفة حيل مرتبكة ماعرف شنو احجي وشنو اسوي بقيت احجي بيني وبين نفسي
" ....أنا شلون قبلت شلون كلتلها خلي يجي يربي ورطت روحي بس والله لو ما تهديدها ولا اقبل ابد ابد اااخ ياربي اااخ شلون هسة احس كلبي راح يوكف انوب المصيبة هوة صديق الولد اوف اوف ..."
...
اندك جرس الباب وانا كلبي زادت دكاتة احس راح يطلع من صدري احس روحي اختنكت
سمعت صوت الباب راحت فتحتة ودخل للاستقبال
وانا كاعدة بلهول( موزع ) يم باب الاستقبال من الحهة الثانية لأن الاستقبال بي بابين باب يطل ع البيت وباب برة من الطارمة ويدخلون
طلعت باوعتلي وضحكت وانا لعبت نفسي منها
حجت بضحكة...يلة كومي يريد يسلم عليج
وكفت واني افرك بيدي ومرتبكة وضايجة حيل منها كتلها...اي هسة انطيني مجال
سميت بسم الله وفتحت الباب ودخلت
...السلام عليكم
وكف بسرعة ماعرف لهفة أو ارتباك ... هلا سكون وعليكم السلام شلونج
...الحمدلله انتة شلونك
...زين الحمدلله
كعدت ع القنفة وهوة اجة كعد بصفي وخلة ايدة ع القنفة وراي
جنت اباوع كدامي ابد ما التفتت حجة
...باوعيلي ليش دايرة وجهج
التفتتلة مرتبكة ...لا هيج
حجة ببتسامة خجولة ....شكد حلوة انتي
جاوبتة مرتبكة واطك بأصابعي...شكرا عيونك الحلوة
حجة بطريقة جدية ...تدرين أنا اتابعج بالانستا بحساب بنية ودزيتلج ملابس ع أساس أنا مندوبة
حجيت متفاجاءة...يعني هاذة انتة مو بنية
هز راسة يأكدلي كلامي...اي أنا
تدرين بعد أنا صار ٥ سنوات معجب بيج ورايدج
فتحت عيوني متفاجئة من الصدمات الي اسمعها
...٥ سنوات تحجي صدك
...اي احجي صدك
اني غيرت حسابي تدري
...لا ما ادري انطيني حسابج حتى اراسلج واحجيلج كلشي لأن هاي تدرين بلكوة قبلت اشوفج واحجي وياج توسلت بيها يالة وافقت
جاوبتة واني مرتبكة من قربة مني ...امممم ماشي هسة انطيك حسابي
انطيتة الحساب وكتبة يمة كال أخذي رقمي من اشواق وراسليني ضروري ضروري اكو أمور هواي لازم احجيها الج ضروري تعرفيها وأشواق ما رادتني اوصلج ابد هاي ٥ سنوات الح ويالة قبلت اليوم
...اوك أخذ الرقم واراسلك
طلع من البيت واني الف فكرة اجت أبالي شنو الي لازم اعرفة وشلون صار ٥ سنوات معجب بية
وليش اشواق ما تقبل يوصلي
اففف حيرني بكلامة
.....
مشهد ٢
...................
كاعدة بغرفتي والتفكير محتل عقلي مثل كل يوم مخلية الهتفون بأذني واسمع اغاني حسيت بأيدين تتلمس جسمي عرفتة هوة جريت نفس قوي واني متضايقة ودرت جسمي وكعدت عدل
.. شتريد
.. يعني شريد غير مرتي ومشتاقلج
.. هههه تصدك ضلت تضحكني هل كلمة مررتي اشو اني ضليت اكرهة وماحب اسمعك دكولها
.. شبيج بس كليلي ترة طلعتي روحي
.. ليش ما تسأل روحك ليش ما تراجع نفسك ليش تتصرف وكأنك ما مسوي شي هيج تخليني اكرهك أكثر لؤي كافي كاافي ترة والله نفسيتي ادمرت بسببك اعتقني لوجه الله طلكني أنا لو رحت لاهلي وكتلهم طلكوني ماراح يقبلون وتعرف كلمن يجر بصفحة وينصح ومن هل حجي التعبان الي مليت منة كافي انطيتك من عمري ٩ سنين دمرتني اخذت كلشي حلو مني نفسيتي صفر صارت طلكني وخلصني
.. ما اطلك وتبقين هنا إذا مو لخاطري لخاطر الجهال يضيعون إذا اطلكنا
.. مايصير بيهم شي وانا خاطري مكسور ليش تفكر بنفسك وجهالك واني محد يفكر بية
جهالي اني اربيهم واعيشهم احسن عيشة بس طلكني الله يخليك
حسيتة عصب وعيونة صارت حمر لزمني من ايدي وضل يهز بية
..انتي شنو بس فهميني شايفتلج واحد منا منا وتردين تطلكين
