# ضياع
ع نومتي واني صافنة سمعت صوت الفون كعدت واخذت الفون عرفتة هاذة عيسى ماكو غيرة يتصل
قريت اسمة وابتسمت
فتحت خط وحجيت ببتسامة
...هلو حبيبي شلونج
...هلا بنيتي شلونج
...زينة اذا انتة زين
...اني دامني وياج كلش زين
...اوي فدوة اروحلك حبيبي واني دام انتة بحياتي كلش زينة
..سكوني شنو الوضع يمج شنو الاخبار
حجيت واني اكوم من مكاني ..لحضة حبيبي خلي اقفل الباب
وماكو شي الوضع مثل ما هوة بس اجة عمو وخالد
حجة واضح انزعاجة من خالد وعمو....شيردون جايين
...ماعرف حبيبي كاعدين يم بابا يحجون
..ها يعني بعدهم
.. يي بعدهم
...خو ما طلعتي الهم
حجيت بتلعثم ادري بي يضوج....ااا حبيبي انا
قطع كلامي وهوة يكول....ااا اييي شسمة لا تضلين تعلسين جاوبي ع كد السؤال
...ها اي مو رحت اودي الكيك ونادية اخذت العصير بس اني ما دخلت سلمت وهوة خالد طلع وشافني بلباب وسلم
...بس
..اي سلم ورديت السلام وكال انو مبين تعبانة من الدراسة وبس
...امممم اني كم مرة كلت ما توكفين تلغين وياه
...جنت منتظرة نادية تجي تاخذ الصينية مني والله ماتوقعتة يطلع
.. اوف منج المهم حبيبي لا تنعاد تدرين اني كلش اضوج منة
ابتسمت وحجيت...ليش ما دكول اغار مو اضوج
...اي اي اغار واموت منة ماريد يلمح ظفرج حتى ماريد يشوفج ولا يحجي وياج واني اعرفة هوة رايدج
...واني اريدك انتة
...حتى لو هوة تفكيرة بيج يختلف
حجيت واني انهي الموضوع حتى احجي وياه بلموضوع الأساسي
...اي حبيبي هاهية مثل ماتريد بعد ماحجي وياه وابتعد
المهم حياتي خلي احاجيك بموضوعنا
...احجي حبيبي اسمعج
...عيسى بابا ماراح يوافق مستحيل واصلا ماتصير وحرام دياناتنا تختلف وهل شي اكبر غلط لو طائفتك تختلف عني الموضوع كلش سهل بس هاي ديانة تعرف شنو يعني
ولا اني ولا بابا ولا اي احد من عمامي أو أقاربي لو احجيلة يقبل بهل حجي
...افهم منج يعني رافضة
...شبيك بابا شنو رافضة جاي اكلك ماتصير حرام
... والمطلوب هسة حبيبي
أنا ماضل شي ما سويتة جبت شيوخ جبت اهلي جبت عشيرتي جبت ناس كبار وما وافق ابوج شلون يعني شسوي
..كلش سهلة حبيبي اني اكلك شلون
...يا الله احجي شنو الحل
...تغير ديانتك يعني تدخل للإسلام
انتظرت يحجي ماكو عم السكوت بيناتنا
حجيت واني اريد اعرف شنو جوابة
...ها حبيبي شكلت شو ساكت
...واهلي
..شبيهم اهلك
...اذا ما وافقو
...انتة تعرف وين مصلحتك عيسى يعني اذا ما وافقو اهلك القرار راجع الك اني ما اكلك عوف اهلك او اتركهم مجرد تغير ديانة صح يمكن الموضوع صعب عليهم بس ما دخل انتة بس تغير ديانتك حتى بابا بهيج موقف راح يلين شوي ويوافق ع الاقل اتزوج شخص مسلم واهلك اني اقنع بابا واحجي وياه
يعني اكلة ما دخلك لأن احنا اصلا راح نعيش وحدنا مو صح
