ضياع

بارت ٣

# ضياع

التفتنا وجاوبت عبير... نعم عيسى
جاوبها ببتسامة.. من مساع امشي وراجن اريد الحكجن ماكو شادات محرك
جاوبتة عبير وهبة تضحك بأستهزاء...هه ماتضحك جاي نتمشى ونسولف شرايد
همة يسولفون واني افرك ايدي بتوتر خايفة يجي احد خواني ويفهم غلط او بابا يشوفنة
جاوبها وهوة يوجه كلامة الي .... ع كيفج ايديج راحن
باوعتلة وهوة دار وجهة بسرعة ع عبير وكمل كلامة
ايي عبير نرجع لمكانة يلة لا نتأخر عليهم باوعتلة وهوة يأشرلها براسة بمعنى شنو صار
جاوبتة متنرفزة منة ... صبر صبر خلي نوصل عود
بقيت امشي وراهم واني اباوعلة لابس بنطرون اسود وقميص اسود وحذاء رياضي ابيض جان كلش مرتب وعطرة كلش حلو ولابس ساعة بيدة لون فضي وسوار اسود لا ارادي الواحد يسرح بتفاصيلة وترتيبة بقيت امشي وراهم واركز بي
نفضت راسي من هل افكار واني احجي بداخلي
..استغفر الله ياربي شبية اني هيج افكر بس لا معجبة بي عزة بعيني اي والله لالا اني مو معجبة ولا شي بس هوة مرتب وحلو يعني عادي اي بنية تباوعلة شي طبيعي مو فد شي يعني مو شرط معجبة
التفت علية وحجة ... تردين شي قبل لا نرجع يمهم
جاوبتة ببتسامة مصطنعة...لا شكرا خوية
فتح عيونة متفاجىء وحجة يخفي ضوجتة... أنا مو اخوج اسمي عيسى كوليلي عيسى
جاوبتة بتوتر ... اممم تمام
قلص عيونة والتفت لي بتساؤل... شكلتي
جاوبت واني متخوفة واكول بداخلي شبي هاذة راح يكتلني شنو ... شنو شكلت كتلك تمام
رد كال القبلها
واني متوترة حيل من قربة...شنو شكلت كتلك اممم تمام
جاوب بأمر ... بعد لا دكوليها كولي بس تمام
سكتت عنة ما جاوبتة شنو بكفية وشعلي هوة اصلا بية شنو احجي وشنو لا والله يا الله مال الزمة من كفشتة الحلوة ضحكت بداخلي ع روحي شكد مخبلة وكملت مشي وصلنا يم اهلي واهل عبير جانو كاعدين سوة وبحكم اهلي عندهم ثقة بية ويعرفوني شنو محد سأل ولا كال شعندة وياكم عيسى
خلص مشوارنا وتعبنا كلش طلعنا وودعت عبير وراحو بسيارتهم واحنة صعدنا بسيارتنا واباوع ع عبير تحجي وية عيسى واتأشر ببدها وهية متنرفزة ومتعصبة ياربي يضحكون جنهم توم وجيري مدري ليش ما تحبة وبس يتعاركون هاي مرتين اشوفهم ومن يحجون سوة بس عرك وواحد ما طايق الثاني

........

كعدت ثاني يوم ع صوت ماما وهية دكلي
...سكون ماما كومي هاي عبير ع الخط تريدج

فزيت متفاجئة
...شكو ماما
...مادري شوفي
مدتلي الفون اخذتة منها وجاوبت
..هلا عبير صباح الخير
...صباح النور سكون اسفة كعدت بس ردت جدول الدروس امس من انطتنياه المدرسة ما كتبتة بدفتري
... صدك جذب خرعتيني من الصبح عبالي اكو شي
.. ترة الساعة ١١ دنيا ظهر
... احب اذكرج اليوم عطلة
... يلة هاذة رصيد ترة ماما واكفة ع راسي رديلي الجدول
... اي اي لحضة
كمت من فراشي بسرعة وع جنطتي طلعت دفتري ورديتلها الجدول
... مشكورة سكونة
... عفواً يكلبي
... يلة سلمي ع امج وخواتج
... يوصل وانتي سلمي ع امج
..يوصل
...باي
...باي يروحي