# ضياع...
كضينا اليوم بين الدروس والسوالف بلفرص
بس بالي مشغول بلرسالة
بعد ما كلتلي من عيسى وهية خايفة انو أصيح عليها بس عكس الي توقعتة ما صيحت ولا حجيت ردت اعرف شنو بيها
خلص الدوام وطلعت لكيت نوارس تنتظرني ودعت عبير ورحتلها حجيتلها كلشي لأن ماكدر أضم شي عليها هية تؤام روحي وتفهمني حجيتلها كلشي وكتلها ع الرسالة كالت فتحيها وخلي نشوف شنو بيها
جاوبتها واني ميتة خوف ومرتبكة عبالك هوة موجود ويانة ويشوفني وارجف حيل .... ماعرف نوارس اشو مرتبكة مادري شبية
جاوبتني وهية تلعب بحواجبها....ها عيني كولي حبيتي وفضينا
جاوبتها بملل....اهووو شعرفت منة واحبة خلي اشوف شنو بلرسالة حتى اذبها ماريد اخذها للبيت تسببلي قلق خاف احد يشوفها واتورط
فتحت الرسالة وبديت اقرة بصوت ناصي ونوارس مخلية رآسها بلورقة جنها نعامة ركبتها شطولها ونبي تضحك
ضحكت عليها واني اكلها ....دوخري مني ركبتج شطولها خلي اقرة عدل
جاوبتني بملل...هسة شلون ما نقرة فضيني راح نوصل
....اي اي اقري
خليت الورقة بنصنا وبديت اقرة
هلو سكون
والله ماعرف منين ابدي وشنو احجي
وكلشي راح احجي من كل كلبي والله يمكن ماتصدكين بس هاي مشاعري
اول شي ماراح اكلج احبج ولا حبيتج بس اني حيل معجب بيج واول مرة بحياتي الاحك بنية كل البنات همة الي يجوني والي يطلبون رقمي أو حساباتي ولا مرة طلبت رقم او حساب بنية يمكن دكولين مغرور بس اني ما اتجرء واحس اقلل من نفسي اذا طلبت بس انتي ماعرف بدون وعي اتصرف اجيت للمنتزه لأن سمعت بيج انتي جاية ورغم عبير كلتلي لا تجي بس انا اصريت اجي واشوفج
المهم سكون
تردين اجي أخطب ماعندي مانع بس اني افضل نتعرف ع بعض اول اعرف انتي صغيرة بس شكلج ما مبين عبالي عمرج ١٧ كالت فاتن عمرج ١٣ وانا عمري ٢٠ طالب إدارة واقتصاد
مو مشكلة العمر انتي حيل عجبتيني اتمنى تنطيني فرصة حتى اعرفج علية أكثر ووالله ماعندي لعب كتلج تردين اجي أخطب اجي ماعندي شي بس مو افضل تتعرفين علية واني اتعرف عليج ووعد رجال وشاربي مو علية إذا ما اجيت خطبت وانتي كيفج فكري ورديلي خبر ...
طبكت الورقة واني اباوع لنوارس ومحتارة
...نوارس انا تدرين بية مو مال هل سوالف وماحب العلاقات وماريد اسوي شي اندم عليه بعدين
جاوبتني وهية تأيد كلامي ...صراحة سكون اني هم تدرين ما اوافق بهل شي واحنة بعيدين عن هل سوالف بس مادري انتي شنو تشوفين اذا يجي يخطب فكري بلموضوع
جاوبتها بتردد....ماعرف نوارس انا بعدني صغيرة
سكتت ماعرف شحجي ورديت حجيت واني متأكدة من قراري
...لا خلص انهي كلشي قبل لا يبدي
شككت الرسالة وذبيتها واني اكمل كلامي
ماريد مشاكل ولا اريد علاقة ولا شي أنا أعرف بس اوافق راح اعيش بقلق انو اهلي يعرفون واندم بعدين خليني هيج راسي بارد احسن وبعدين اني احجي ع البنات أروح اسوي علاقة
