#ضياع....
مر اسبوع كامل واني وعيسى ابد ما تواصلنا
واني خلصتها بين الدراسة واهلي وصديقاتي
ووقت فراغي اروح لنوارس بنت عمي احجيلها الي بكلبي لأن هية تفهمني
بعد هل اسبوع داومت واني اعرف عيسى راح يجي وحيل متوترة وماعرف ليش
اني اعرف راح يختارني هوة يحبني بس ليش هل التوتر والقلق ماعرف
كضيت الطريق كلة افرك بيدي من التوتر اخر شي عاطت بية نوارس
....شكووو يمعودة ايديج راحن ترة حتى اني قلقتيني شبيج
جاوبتها بتلعثم...ااا مما اعرف نوارس خايفة متوترة احس ضايعة رغم اعرف عيسى شكد يحبني واني اثق بي بس ماعرف ليش هيج كلبي مقبوض
حجت تطمني....اطمني عيسى يحبج وخوش ولد هسة بلكت نشوفة بلشارع ويحجيلج شنو القرار وشنو كالو اهلة
...أن شاء الله خير
كملنا مشي اني ونوارس وصلنا قريب المدرسة وشفت سيارة عيسى هوة شافنا ونزل ع الشارع العام للمدرسة
اجة يتمشى علينا واني احس روحي اختنك ماعرف ليش متوترة هيج
وصل يمنة وابتسم...شلونكم بنات
ووجه نظرة الي وحجة....شلونج حبيبي
جاوبتة ببتسامة واني القلق واضح ع ملامحي ...هلا حبيبي شلونك
....الحمدلله حبيبتي
كمل كلامة وهوة يوزع نظراتة بيني وبين نوارس
....تكدرين تجين وياي حتى نحجي
جاوبتة مستغربة ....شنو يعني اروح وياك
....اي حبيبي نحجي بلموضوع لأن مو مال ٥ دقايق الحجي هواي لازم نتفاهم
...شكو ترة هيج قلقتني
حجت نوارس برفض ....سكون ماتروح وياك مايصير صح بينكم علاقة بس مايصير تطلعون وحدكم
حجة متنرفز من كلامها....شنو يعني تخافين عليها اكثر مني مثلا
رفعت حاجبها وجاوبتة ....والله بنت عمي وتعرف غلاتها عندي هية ولو اعرف بيك تأذيها لو تبجيها صدكني تشوف وحدة ثانية
....غير تستقر جبار
حجت متعصبة منة ....احترم نفسك ماجاي اشاقة وياك اني
حجيت حتى انهي جدالهم لأن راح تطول وتعرض واحنة بلشارع.....كافي يمعودين راح تتمالخون
التفتت ع عيسى ....شكد نطول اذا رحنة
سحبتني نوارس من ايدي ....تحجين صدك انتي تردين ترحين وياه الا تخبلتي والله
...شبيج نوارس شنو صغيرونة ماعرف أدبر روحي
حجت بعصبية وهبة تجر بية من عكس ايدي ....تنجبين وتمشين للمدرسة يلة جبيرة هية منيلج الكبر كلة كلة عمرج ١٤ عود بعد شهرين تصيرين ١٥
