زمهرير لهب الصحراء

الفصل الثامن والعشرون

ظلت واقفة في ذلك المدخل وهي ترى زوجها الغريب يقبل عليها بعلامات غاضبة على وجهه، وما أن اقترب منها حتى أمسكها من رسغها ورجها بقوة، قائلًا بتهديد:
- بتعملي إيه هنا؟ ومين الراجل ده؟!

استغرقت كاميليا في تفكيرها عنه حتى انتبهت لصوت الشاب:
- أنا ماعرفهاش يا أستاذ هي اللي جاتلي البيت وبتقول كلام أنا مش فاهمه!

هنا نطقت كاميليا بوضوح رغم تحرجها من الموقف السخيف:
- مش انت جمال عدلي اللي كنت خطيبي! أنا مش عايزة منك حاجة غير إنك تدلني على طريق أبويا وأمي

رد عليها ذلك الشاب بهدوء ورزانة:
- أنا اسمي خالد الشناوي

- انت متأكد؟!

احتدت نظرات إبراهيم زيدان للغضب والتجهم وبدا أنه خرج من زنزانة حبيسة ناقمة، وقال بقسوة:
- انتِ خارجة ترمي بلاكي على الناس! .... امشي معايا

ظلت ترمق هذا الشاب نظرات توسل إلى أن جرها زوجها خلفه وقام بادخالها للسيارة عنوة

ـــــــــــــــــــــــــــــــــــ

- ادخلـــــــــي

قالها إبراهيم أو هتف بها بعصبية، انتفضت كاميليا بهلع حينما أغلق الباب خلفه وراح يتقدم عليها، ظلت تتراجع للخلف حتى التصقت بالحائط وهمست بلجلجة:
- والله هفهمك، أنا خرجت عشـ آآ

أوقفها بشراسة وهو يقترب ويضغط على كتفيها بقوة:
- هتفهميني إيه أكتر من اللي شوفته! بقى تستغفليني وتضحكي على أمي وتقوليلها إنك راجعة البيت تجيب حاجات وتدوري على حل شعرك

لم تجبه، وسألته في قلق لا يمكن إنكاره:
- انت بتراقبني؟!

رفع يده وقبض على فمها يمنعها من استئناف القول، وبالنيابة عنها صرخ في وجهها بحدة:
- بالذمة ده اللي هامك؟ ده على كده انتِ كنتي ماشية على كيفك

هزت رأسها نافية وهي تخبره:
- لا لا لا، أنا مش كده

تلك المرة صاح يمنعها بغلظة:
- لما تسرحي وتخبطي على بيوت الناس ده معناه إيه غير إنك سافلة!

ثم ابتعد عنها وهو يردد:
- الراجل قال إنه مايعرفكيش آآ

لتقاطعه هي بقوة:
- انت ماتعرفش عني حاجة عشان تحكم عليا

عندئذ عاود يقترب منها بوعيد وهو يرد عليها بتأفف:
- أنا اللي أعرفه إنك واحدة رخيصة و****** راحت بيت راجل غريب، وبتتعففي عليا أنا

لم تتحمل كلماته الناقمة لترد عليه بكامل الاستفزاز والتهكم:
- عشان أنا مش بحبك وكرهاك

كان سينهال عليها ولكنها كانت الأسرع بالدلوف لغرفتها وأحكمت إغلاق الباب، وطرق عليها بقوة وصوته زلزل أرجاء الشقة:
- افتحي البـــــاب