لاتنسون التصويت واذا ممكن متابعه لحساب الوات باد والانستا ❤
وشاء القدر🕊
الكاتبه: مروش
♡♡♡♡♡♡♡♡♡♡♡
ل أجمل ناس بحياتي الي وجودكم وتفاعلكم الحلو يخلي حياتي أجمل . احب ابتسامتكم وتعليقكم على القصه
احب تعليقاتكم على المشاهد الي تحبوها وتبتسمون وتضحكون من كلبكم
اللحظات الي تعيشوها ويا الأبطال ومواقفهم ويا حزنهم ضحكهم فرحهم
كل حياتنا نسردها بقصص بخيالنا ومار علينا هل شي هواي تجينا ايام نتخيل حياتنا بشي معين نحلم ونتمنى انو يتحقق
احلامنا مامستحيله بس ممكن تكون بطيئه بديت بحلم بسيط اكتبه باوراق وقلم
اتخيل ابطالي باحلامي اتخيل حياتهم شلون تكون
المواقف الحزينه او المفرحه او الصدمات وغيرها الي أمر بيها اتخيل ممكن تكون بقصه واكتبها
حتى اوصل فكره ل اكثر ناس ممكن يكونون محتاجين دعم معنوي لأن دائماً تهون علينا اوجاعنا من نسمع اوجاع غيرنا راح نحمد الله الف مره على الي احنه بي
لذالك بديت اكتب كل حلم كل موقف كل قصه بينا اكتبها واوصلها الكم
احب اشارك الناس بأحزانهم وفرحهم
احبكم هواي هواي ....
وهنا راح نبلش قصتنا الي حتشوفون بيها مواقف ومغامرات وفرح وضحك ل خمس خوات
اتمنى انو تستمتعون بالقرائه وتتخيلون المواقف الي مرو بيها البنات وشلون كدرن يتجاوزن هذا كله
يله نبدي بيها 🕊🕊🕊🕊🕊🕊🕊🕊
♡♡♡♡♡♡♡♡♡♡♡♡♡♡♡♡♡♡♡
اسم شخصيات القصة
فاطمه الكبيرة بعدها غزل مريم أيفين أفيان 🕊
◇◇◇◇◇◇◇◇◇◇◇◇◇◇◇◇◇◇
وياكم فاطمه البنت الجبيره راح احجيلكم عن بداية حياتنا ونبديها من ولادتي .....
امي : يوم جان مطر وعواصف وبس اصوات الاشجار والرعد وصوت المطر الجميل حامل بأول طفل الي
عايشين بمحافظه ديالى .. بمنطقه زراعيه يعني بساتين وزرع وحلال
اااخ ياااايابه الحكلي اااخ الحكلي عباس متتت من الوجع عندي ولادة
عباس الأب : شنووو مو كلتي بعد وكت ماجيب هسه
- واني شدراني الوجع هاج عندي اااخ الحكلي مابيه بعد
- صبري رايح اشوف امي خلي تجيب هاي الجده (القابله )
هسه راح نجيبها ونجي ...
ركضت ل امي يمه يمه مرتي راح تجيب عدها طلوك شسوي
- شسوي شني امشي اخذني نجيب الجدة ام ضياء
ولج فوزيه كعدي روحي يم مرت اخوج بين مانجي
الأب عباس : اسوق بالسيارة واطمس بالطين والمطر قوي والرعيد رعد الدنيا
أنت تقرأ
وشاء القدر
General Fiction(وشاء قدري أن تلتهم النار بيتي ويرحلون اعز مااملك ) جميعنا نعيش بقدر نموت بقدر الصدف القضاء القدر ما هيَ الا دائره تدور حولنا بالصدفه نولد وبالصدفه نموت جميعنا نمشي في رحال السنين خلقنا ل سبب وشاء الله ان يميزنا عن باقي المخلوقات ل عبادته والايمان ب...
