وشاء القدر

البارت 3

وشاء القدر🕊

الكاتبه : مروش🕊

فزيت مالكيت ايفين بقيت اصيح  ؟؟!!!!

واباوع على كل مكان وماكو أي أثر الها ؟؟

ياااربي اني شسويت ليش نمت وعفتها ليش  كمت ابجي واصيح
جان اشوف المريه تمشي من بعيد متوجهه عليه

ركضت عليها واخذت ايفين حضنتها وابجي كمت احجي على هاي المريه
ليششششش تاخذينها وين رحتو تردين تبوكين اختي امشي روحي امشي

- لااا حبيبتي والله اختج بقت تبجي ورحت اغسللها بالحمام وبدلتلها
شفتج نايمه وماحبيت اكعدج شفتج تعبانه والله مااريد أذيتكم بس حبيت اساعدكم

- حضنت ايفين بقوة ودموعي على خدي ..

اني اخاف اضيع اختي هم وين امي وين خواني وين ابويه كلها راحت مني

- المريه : تقربت عليها وحضنتها وبجيت وياها
حبيبتي لاتخافين مني وراح اساعدج تلكين امج واهلج اني محاميه واسمي زهراء

كعدتها وهدئتها حياتي راح احجيلج  قصتي واريدج تحجيلي كلشي من البداية حتى اكدر اساعدج

- تمام راح احجيلج ...... وهنا حجيتلها كلشي من يوم بابا حبسو وشلون تبهذلنه

- اووي ياعمري لا تضوجين ولاتهتمين اني اساعدج وارجعج ل اهلج زين

اني محاميه عمري ٣٥ ازوجت وجبت اثنين اطفال ياسر وياسمين جانو روحي من الدنيا

وبيوم وليلة خسرتهم احترك البيت وجانو نايمين بالغرفه واني جنت بالدوام

جنت اخليهم يم عمتي ام زوجي واحترك البيت بيهم وكمت اجي كل خميس وجمعه يم الامام ابرد كلبي بالبجي واتأمل هاي الطيور الي اطير بالسما

واتخيل جهالي وياهن اطعمهن واطعم مساكين واساعد الي يحتاجني
وسبحان الله ربي دزكم بطريقي انت واختج يمكن حتى اكدر اقدملكم شي

- هنا اني متحملت قصتها وبجيت وحضنتها اسفه خاله ماردتج تتذكرين وتحزنين

اعتبريني بنتج وايفين هم واتمنى تكدرين تساعديني والكى امي وخواني

- لا تخافين راح نلكاهم وراح انبلش بتحريات عليهم وين ممكن نلكى خيط طرف

المهم اختج طفله والجو حار عليها خطيه ومتتحمل تعالي البيتي قريب منا وامي موجودة

خلي انومها وأمن عليكم يمها واني وزوجي راح ندور ونسأل لحد ما نلكاهم

- هاا موو بس ....؟

- فطوم ادري بيج خايفه مني وصعب تأمنين بيه بس وروح اطفالي مااذيكم اريد مساعدتكم وبس

- موو اخاف امي تجي هنا كالتلي لا تروحين من مكانج واذا جتي ومالكتني خطيه تبقى ادور علينه