وشاء القدر🕊
الكاتبه: مروش🕊
◇◇◇◇◇◇◇◇◇◇◇◇
فاطمه : استغربت من ايات نزعت الحجاب بقيت صافنه سألتها
ايات ليش نزعتي حجابج انتِ محجبه لو لا
ايات: يمعوده اكرها ماحبه وماريد اللبسه
- اذا هيج نزعي ولاتلبسينه شنو تقشمرين على رب العالمين ولابسته نص ونص
- حتى ابويه يذبحني ولج من صغيرة وحجبني واني ماحبه واشوف صديقاتي شعرهن طالع ومتونسات واني لا شكد اكره نفسي
- غلطانه انتِ ايوته ليش تقارنين نفسج بغيرج كوني انتِ وبس مو كلشي نتمناه نحصله تفكيرج كلش غلط
بقيت انصحها ومعجبها كلامي فسكتت وصلنه للمدرسه يوم جديد حياة دراسة جديده
حسيت نفسي صرت ناضجه وكبرت انتقلت لمرحلة مختلفه عن الابتدائيه
تعرفت على كم بنيه اجوي المدرسات درسونه سلمونه كتب
سلمونه دفاتر واقلام قرطاسيه فرحتي جانت بالكتب وبيهن عبالك مالكه الدنيا كلها
كمل الدوام رجعنا للبيت بالطريق قريب على البيت وايات رجعت لبست الحجاب اني ضجت من هل شي ومحبيته بيها
رجعت للبيت ضايجه بسبب ايات وبقيت افكر ليش هي هيج تتصرف
دخلت لكيت غزل جايه من المدرسه فرحانه مثلي بالكتب والقرطاسيه
حجينه ل امي وابويه على يومنه
عباس: جنتي وضعنه مو تمام والمسؤليه كبرت وهذا البيت صغير علينه وجهالنه بدو يكبرون
الفلوس الي انطانياهن حجي عبد النبي اريد افتح بيهن محل لو اجيب سيارة اشتغل تاكسي
جنة: اي والله حبيبي لازم نغير حالنه بس لا اتجيب سيارة افتح محل احسن روح للسوك دور على محل وافتح بقاله
هاي شغلتك وتعرف بالمخضر بيع مخضر ومسواك ودورنه على بيت ايجار نعيش بي
عباس: خوش حجي لعد كايم اروح ادور على محل واشوف المنطقه السوك خلي اسعى والله كريم
فاطمه : يمه خلي نجلد الكتب مالتنه تساعدينه ؟
وهنا ماما ساعدتنه وبقينه اني وغزل نشم بريحة اوراق الدفاتر وفرحانين
الجهال يلعبون باوعت عليهم حبيت حياتنه بغرفتين صغار وجامعتنه صينيه اكل وحده
كملت ويا امي وتعبنه صار الليل اجه بابا وبقى يسولفلنه على الشافه
لكه محل بالسوك واجره منهم وكال راح ابلش اجيب مسواك بي
مشت الايام بهدوء واستقرار بين دراستنه اني وغزل وبين امي وملتهيه ويا الجهال
أنت تقرأ
وشاء القدر
Fiksi Umum(وشاء قدري أن تلتهم النار بيتي ويرحلون اعز مااملك ) جميعنا نعيش بقدر نموت بقدر الصدف القضاء القدر ما هيَ الا دائره تدور حولنا بالصدفه نولد وبالصدفه نموت جميعنا نمشي في رحال السنين خلقنا ل سبب وشاء الله ان يميزنا عن باقي المخلوقات ل عبادته والايمان ب...
