وشاء القدر🕊
الكاتبه : مروش🕊
"إنّها الأيام التي يبدو فيها كل شيء غريبًا، كل شيء ليس مفهومًا، كل شيء يتعذّر شرحه."
◇◇◇◇◇◇◇◇◇◇◇◇◇◇◇◇◇◇
انا دكتور جراح دارس بأمريكا وزوجتي باحثه اجتماعيه كنا عايشين حياة جميله
تعمها السعاده والفرح وراحة البال رجعنا لبلدنا الي هو العراق حتى نوصل صوتنا ونستغل قدراتنا ونخدم بلدنا
شاء القدر وخلفنا اربع ولد كانو هما مصدر ضحكتنا وقوتنا
اصبحو شباب ودرسو ودخلو بسياسة نحنُ في غنى عنها وشاء القدر وتم اعدامهم بلحظه واحده
وخسرنا الضحكه التي كانت تنور حياتنا وها نحنُ امامكم وحيدين ولا حول ولا قوه
ملاحظه ( الرجل مثقف لدرجه كبيرة وعاش واقع مؤلم بالعراق بسبب النظام السابق )
عباس : اووف ياعمي الله يعين كلبكم وانا ومرتي وبناتي يمك شتحتاج
ومنقصر وياكم وماطول راح تخلينا نعيش وياكم اسمحلي اساعدك وادفع ايجار ماكدر اكعد هيج يمك
الحجي: لااااا وسفه يا ابني لاااا عيب هل حجي انتَ صاحب الدار واحنه الضيوف
هذا من اليوم بيتكم وهسه الحجيه ادليكم على الغرف واخذو راحتكم
جنة : البيت قديم وبي غراض هواي بس هوسه ومامرتب ويرادله تنظيف هواي وترتيب
اكو غرفتين زايدات بالبيت اخذناهن النا نزلنا غراضنا ورتبنا الوضع
بتنا اول ليلة واحنه الخوف بينا لأن منعرف مصير حياتنا شنو وشراح يصير
اكو حصار وجوع اكو خوف وموت اكو ناس تريد تاكل ناس
خوفنا على بناتنا جان ميتقدر منعرف مصيرهن شيكون
ثاني يوم كعدنا لكينا الحجي والحجيه كاتبين رساله اخذو راحتكم احنه نتأخر اليوم
عباس: اكلج جنايتي البيت وصخ تعاي انظفه وراح اجيب صبغ نصبغه ونعدله خطيه نساعدهم
- خوش فكره بس اخاف ميقبلون بالصبغ يعني اخاف يحبون بيتهم هيج واحنه نجي نخربه
- اها هم صح خلي بس انظفه ونرتبه يله نبلش
وهنا كمنا نغسل ونرتب البيت والبنات ويانا وضحكتهن جانت تخلي الراحه تسكن كلوبنا
باوعنا على البيت صار شي ثاني ترتيب ونظافه وجنايتي سوت الغده الطيب
اجوي الحجي والحجيه تفاجئو وبقو صافنين اترخصت منهم لان هيج سوينا ومكنالهم
هما كيفو وجانو فرحانيين بهل شي وبقو يدعولنا
مضى فتره على وجودنا ابغداد ومنكدر نتواصل ويا اي احد من الاقرباء
مرتاحين بمكانه وبديت اشتغل بالفلاحه لأن هاي شغلتي اكرب نخل واعدل حدايق
وهم بسيارتي اشتغل بيها احمل بيها حمل وبده خير من الله رزقي
أنت تقرأ
وشاء القدر
Ficción General(وشاء قدري أن تلتهم النار بيتي ويرحلون اعز مااملك ) جميعنا نعيش بقدر نموت بقدر الصدف القضاء القدر ما هيَ الا دائره تدور حولنا بالصدفه نولد وبالصدفه نموت جميعنا نمشي في رحال السنين خلقنا ل سبب وشاء الله ان يميزنا عن باقي المخلوقات ل عبادته والايمان ب...
