وشاء القدر🕊
الكاتبه : مروش🕊
عباس : صاير شي ست زهراء لكو جهالي ؟؟
زهراء: لكو رقم السيارة وعرفو العنوان مال البيت ولازم تجي حتى تروح وياهم يله بسرعه منتظرينك
عباس: من فرحتي رحت اركض ونسيت ابلغ جنه طلعت على السريع رحت للمركز
ورحنا على العنوان دكينه بالباب ماكو احد بقت الشرطه تستفسر من الجيران
كالو طلعو الصبح وماجوي لحد هسه ...
ركضت سألت الرجال .... وياهم جهال ؟؟؟؟
- مادري والله بس هما ماعدهم خلفه وطلعو بالسيارة ماشفنه شي
الشرطه كملو استفسار وراحو كتلهم باقي منا واروح لبيتنه حجيت ويا ست زهراء
مراح اعوف البيت باقي هنا لحد مايجون بنتي مريم شفتها وياهم
واكيد علي وغزل وياهم هم ماارجع للبيت اذا ماشوف جهالي وين
زهراء: مو حل هذا عيوني حقك انتَ بس اذا صدك يمهم شلون تكدر تاخذهم منهم وبدون ما الشرطه تساعدك
عباس: شلون لعد اعوف جهالي يمهم شلووون بس فهميني ذوله جهالي
بقيت عصبي وماتحمل كلمه واريد اوصل لجهالي تعبت حيل
وصيتها اطمن جنه عليه وتكللها يتأخر بس لاتكللها السبب حتى لا تقلق
بقيت منتظر صار الليل وبقيت اتحرى واسأل عليهم ومحد طمني انو شاف جهال يمهم
تأخر الوقت ومارجعو وماكو احد والبيت ظلمه يعني محد بي
تعبت ورجعت للبيت واني محبط وتعبان والدمعه بعيني شايل هم جهالي
شلون يعيشون شياكلون وين هما هسه شنو وضعهم اني اشسويت بنفسي من طلعت من بستاني وبيتي وعفت املاكي
ليش بهذلت مرتي وجهالي وجان بمكاني اواجه اخويه الكلب الي ابتلى على مرتي زور وظلم
رجعت للبيت تلكتني جنه ...
جنه: شبيك عيوني ليش هيج تعبان وليش تأخرت ظل بالي عليك
ست زهراء كالت يتاخر عنده شغل واجه ابالي لكيت علي وغزل ومريم
طمني ماعرفت شي عنهم عفيه كلي تعبت من الانتظار جهالي وين شنو وضعهم
عباس: ماكو شي لاتفكرين هواي وسلمي أمرج لربج هو قادر يفك هل ضيقه ويرجعهم النه
فاطمه : تقربت على بابا حضنته وبسته كتله بابا لاتضوج انتَ هم ولا تنقهر
جبت مي وملح خليت رجلينه بيها وكمت افرك بجفوف رجله وهو ارتاح
عباس: اااوف بارك الله بيج بنيتي شكد جنت تعبان ورجليه توجعني
اكلج جنه شفتي الغراض بعد مالحكت اكلج على الصار رحت على السريع
أنت تقرأ
وشاء القدر
Algemene fictie(وشاء قدري أن تلتهم النار بيتي ويرحلون اعز مااملك ) جميعنا نعيش بقدر نموت بقدر الصدف القضاء القدر ما هيَ الا دائره تدور حولنا بالصدفه نولد وبالصدفه نموت جميعنا نمشي في رحال السنين خلقنا ل سبب وشاء الله ان يميزنا عن باقي المخلوقات ل عبادته والايمان ب...
