وشاء القدر🕊
الكاتبه : مروش🕊
عباس : ضربت المريه وتأسفت منها ...... اعتذر اختي ماشفتج
هاجر: لافه مريم وحاضنتها وخايفه عليها وراسها على جتفي
لاا مصار شي ركضت واحمد كدامي يدور على الطوارئ مريم حجت
صاحت بابا بابا بقت تبجي وتصيح بابااا
احمد شوف مريم تبجي عليك وتصيح بابا اووي ياعمري تبجي عليك
احمد: عليه شنوو هاي .. تقربت هاجر شايله مريم والبنيه تصيح بابا وتبجي
اجاني شعور غريب وحنية تجاه هاي الطفله شلتها منها
وكمت اسكت بيها اششش بابا حبيبي اشششش
هسه نشوف الدكتور واطيبين ركضنه للدكتور فحصها واني ماهديتها جان شعور غريب احساس الابوه حسيتها بنتي من بجت وصاحت بابا
عباس : طلعت اركض جبت اكل ل جنه ورجعت كمت اوكلها وجانت جوعانه كلش وامبين عليها
هاجر : عفيه دكتور بنتي شبيها فدوة اروحلك
الدكتور : لاتخافون ماكو شي يخوف بس حرارتها مرتفعه وفلاونزة بسبب احتقان بالبلاعيم ماطولها صغيرة
لو تسولها عمليه وتشيلون البلاعيم افضل لأن واضح عدها بيها التهاب مزمن
احمد: ان شاءالله دكتور بس هسه انطينه الها علاج وشنسوي
الدكتور فهمنه لازم شنسوي وخلولها مغذي ولحد مااستقرت يله كالونه طلعو
مريم رادت تمشي والدكتور هم كال خلوها تتحرك شويه
كدتها ومشينه
عباس : عيني ست زهراء راح اجيب العلاج الطلبو مني
واجي محتاجه شي
زهراء: دقيقه تقربت يمه وانطيته فلوس هاي خليهن جوه ايدك ادري بوضعك شنو
- لاااا ست زهراء ماقصرتي وكافي بناتي يمج ومداريتهن ومتعبكم الحمد لله عندي مامحتاج
طلعت حتى اجيب العلاج رحت لصيدليه بصف المستشفى
طلعو من المستشفى رجال ومريه وكايدين طفله انتبهت المريه نفسها الضربتها
استغربت ماعرف ليش ردت اتقرب اكثر ردت اعتذر اخاف اذيت الطفل من ضربتها ومادري
انتبهت على الطفله تشبه مريم تقربت اكثر هاااي مريم جاي اركض
هما صعدو للسيارة ومريم باوعت من الجامه وتأشر عليه وضحكت جان عمرها تلث سنوات
كمت اصيححح اوووكفوووو مريم بنتي اوووكفوووو ركضت والسيارة تحركت سيارة نوع سوبر
حفظت الرقم وراسن كتبته على ايدي جنت شايل قلم انطانيا سجين وبقى بجيبي
أنت تقرأ
وشاء القدر
General Fiction(وشاء قدري أن تلتهم النار بيتي ويرحلون اعز مااملك ) جميعنا نعيش بقدر نموت بقدر الصدف القضاء القدر ما هيَ الا دائره تدور حولنا بالصدفه نولد وبالصدفه نموت جميعنا نمشي في رحال السنين خلقنا ل سبب وشاء الله ان يميزنا عن باقي المخلوقات ل عبادته والايمان ب...
