وشاء القدر🕊
الكاتبه : مروش 🕊
عباس : فدووووه اروحلج حضرتج استاذه زهراء ريحي كلبي بناتي يمج ؟
زهراء: منو بناتك مافهمتك اخي
- خويه اني ابو فاطمه وايفين جنت ادور عليهم ويم الامام اكو ولد ابو محل حلويات
كالي عليج وشسويتي ويا بناتي انطاني رقمج اتصلت واكو حجيه كالت الرقم غلط
زهراء: صفنت هنا ومعرفت شترد علي اني تعلقت بالبنات وحبيتهن بس نفس الوقت حرام عليه احرك كلب ابوهم
تمام اخي اي بناتك يمي وزينات بس لازم اتأكد منك انت ابوهم يله
- الف الحمد لله والشكر خويه شطلبين انه حاضر كليلي العنوان جايج هسه
تشكرت من ابو المحل لأن وصلني البناتي ورحت على السريع على العنوان
وصلت واني بين الفرحان وبين الي ماعرف شسوي وماعندي علم وين الكه مرتي وجهالي الباقين
دكيت الباب .......
- منوو ؟
- اني ابو فاطمه وين ست زهراء ؟؟
ام زهراء: عزااا شجابه هذا وشلون اندل البيت شسوي ياربي زهراء تعلقت بالبنات واني هم
عيني يابيت زهراء ماعدنه هيج اسم روح يله
- حجيه اروحلج فدوة فتحي الباب اتصلت عليها وانطتني هذا العنوان ورقم الدار
- ليش تخليني اصيح والم عليك العالم امشي روح كنالك مو بيت زهراء
اووف ربي شسوي هسه دخلت للبيت
زهراء: ها يمه منو على الباب ؟؟
- محدد هذا ابن ام فراس يسأل على امه
- ها تمام عبالي ابو فاطمه اتصل كال راح يجي
فاطمه : كمت على حيلي وضحكت شنوووو؟
خاله عفيه شتحجين صدك ابويه جاي شلون وين شفتي وين جان اااوف يابه وينه
زهراء: هههه شنو هل فرحه اهدي حبيبتي مو كتلج اني راح الكى الج
اتصل اليوم اخذ الرقم من ابو الحلويات مو كتلج رايح وسائل عليكم
- الف الحمد لله والشكر ربي...... ركضت حضنتها شكد احبج خاله يارب يستر عليج
ام زهراء: شسوي ياالهي بنتي حبت هل بنات وابوهن اجاهن يدور عليهن شسوي اخاف حرام عليه احرم بنات من ابوهن
عباس: بقيت ادك بالباب ومحد يطلع اااف شلون هسه فاتت بنيه صغيره
تعاي عمو حبابه هذا البيت بي وحدة اسمها زهراء؟
اي عمو بي خالة زهراء
شكراً عمو ..... هسه شسوي هاي نفسها الردت عليه وكالت رقم غلط اكو لعبة بالموضوع
أنت تقرأ
وشاء القدر
General Fiction(وشاء قدري أن تلتهم النار بيتي ويرحلون اعز مااملك ) جميعنا نعيش بقدر نموت بقدر الصدف القضاء القدر ما هيَ الا دائره تدور حولنا بالصدفه نولد وبالصدفه نموت جميعنا نمشي في رحال السنين خلقنا ل سبب وشاء الله ان يميزنا عن باقي المخلوقات ل عبادته والايمان ب...
