في بادية الاربعين

تنبيه مهم ..

اعزائي القُراء
الاغلب يكولون القصه خيالية ..!
تمام اني وياكم لمن استلمت القصة من البطلة ضحكت كتلها انتي كاعد تقرين قصص والظاهر تأثرتي بيهن وحبكتي الج هيج قصة من نسج الخيال
لكن لمن دزتلي الصور ودزتلي حياة بنت زوجها وصورها وحتى كلتلي روحي لكذا منطقه وسألي بنفسج وتأكدي
انطتني العنوان كامل ولان عندي اقرباء بالمحافظة فعلاً دزيت شخص  راح  واستفسر من رجال بوقتها

گلة ..
(عمي الشارع شي والبيت شي ثاني)
-شنو تقصد عمو بكلامك
(يعني رب الاسرة اعرفة خارج البيت خوش انسان ،بس داخل البيت الله اعلم لكل بيت اسرار محد يعلم بيها بس ربك)
-زوجة رب الاسرة وين حالياً
- ميتة هذا الي اعرفه
-لا اقصد الثانية
-هاا الموصلية ،والله بوية ماعرف بنية اجت وراحت بطريقها الله اعلم وين ..

الي عرفته بوقتها انو ماكو شي خيالي وماكو شي غريب بالقصة
الشي الي كاعد اسرده الكم ماممكن انتو تشوفو بس ممكن انتو تسمعو من فلان شخص وتستغربون وتكولون
صدك اكو هيج ناس!؟
اي اكو ..
مو الكل معصوم،اكو هواي هيج نماذج احنة مانعرفها لان ما طالعين وما شايفين كلشي احنة نوصل للمنطقه الي نريدها ونرجع
مو حتى نفتر ونبحوش اذا اكو شخص زين او لا ، او شكاعد يسوي داخل بيتة
كل بيت الة باب وانت خارج هذا الباب ماتعرف شنو يصير جوة
فرجاءا اني القصص انتقيها واكتبها باثباتات مو اي شي اجي واكتبة والله شنو اسمها قصة
واني رايحات ايدي وعيوني علمود اكتب شي كاله الي فلان شخص ..

بس من اقره تعليقاتكم الاغلب يكولون ماكو هيج شي وانو هي خيالية لا اكثر
انتو كاعدين بالبيت فمتعرفون شنو الي مرو بي الموصل واهل الموصل ..

واسفة على الاطالة ..