في بادية الاربعين

الجزء التاسع عشر

#في_بادِيَة_الاربعين

بقلمي زهراء حسن الراوي

الجزء التاسع عشر

بعد مرور ٥ اشهر ٢٠١٥/٧/١١

روبين : جنت داخله بنص شهر السابع احس الوقت يمر بطلعان

الروح والتفكير هلك نص عمري بديت اكبر واوعه على شغلات

عيوني جانت مغمضه عنهم فهمت الحياة عدل وفهمت العلاقات

الزوجيه وفهمت الغلط الي وكعت نفسي بي كل هذا فهمتنيا

ريم ...ريم الي دائماً جانت تعلمني شغلات عن الحياة شغلات يوكع

الانسان بيها بس انا وكعت بمصايب بس الله يعرف بيها بيومها

كعدت ولطمت وبجيت وندبت حظي ووالساعه الي صرت بيها عقلي

صار بي لود من كد ما افكر بغيت واخواني ولقمان الي لساتو صغير

وادهم واستغلالو لألي لو الحفره الي وكعت ( وقعت ) بيها لوالطفل 

الي ما اعرف مصيرو لهذا الوقت ...لزمت بطني وهيه كبرانه

وابتسمت على الرغم من الالم الي انا بيها

ريم : ما ناويه تنامين

روبين : خاايفه

ريم : من شنوو خايفه

روبين : طكيتها بجي ...خايفه انام ويجيني يغيت وهو يصرخ

ويطلب المساعده مني لو من لقمان الي احلم بي يشهك من البجي

لو .. وصلت لادهم (وحجيت بداخلي ) لوادهم الي دائماً يجيني

زعلان وضايج.... لو امي الي توصيني بأبوي لو ابوي الي دائماً

اشوفه بدار العجزه ... ريم انا مليت احتار المن التفت   دخلت

عمري ال١٦ واحس كبرت فوك عمري بأضعاف اضعافه ما دحكت

من حياتي شي غير المصاعب والبجي ..لاول مره بحيااتي اتمنى لو

جنت ضاله يم سعاد وتكرب عليه ولا فراقي عن اخواني ولا انا هسه

حامل  وما اعرف مصير هالطفل ووين اودي ومنين اجيب

مصاريفه هذا طفل كلشي يحتاج

ريم : اعرف الشي الي رح اكوله يزعجج بس ماكو غير هالحل

روبين : اشنووو الحل

ريم : من تجيبينه خلي نودي لجامع احس....

روبين : من كل عقلج انتي هذا طفل حرام ازتو للجامع والدنيا حر ما يتحمل يموت خطيه لا لا مستحيل

ريم : بكيفج لعد خلي هنا يصير بي جرثومه من السجن هاي اني سقطت الطفل ورتاحيت

روبين : الله كريم ...بده يصير وجع  ببطني اذاني  حيلل ....ريم ليش بطني كاعد تأذيني