في بادية الاربعين

الجزء التاسع والعشرون

في_بادِيَة_الاربعين

بقلمي زهراء حسن الراوي

الجزء التاسع والعشرون

#أريد هالدنيا تصفالي وأعيش بدنيتي مرتاح
#وأكون بنظرتك أنسان عاش بهالزمن راقي
#أنا ما جنت غير إنسان عايش في الم وجراح
#يغني للزمن موال وأغني له أنا راضي
_______________

روبين : كعدت على صوت سماهر وهي تنده بيه

سماهر : روبين حبيبه الساعه ب٣ كومي تغدي جدي ينتظرج

روبين : اووف راحت عليه النومه

سماهر : اي حبيبه انتي تعبانه

روبين : كاعد ادور على يسع ما لكيته فزيت ..ابني وييين

سماهر : يااا حبيبه شسالفه خطيه ضل يبجي واخذته وكلته شوي وكاعد يلعبو الجهال يلا كومي غسلي وجهي وتغدي

روبين : لبست حجابي وعباتي ورحت غسلت وجهي وطلعت للمطبخ بس ما شاءالله كوود بنااات ومن غير الجهال ضليت صافنه

عزاا هذا البيت شلون يهده عود

روان : تعااي عيني تفضلي اهلاً وسهلاً

روبين : اهلاً بيج حبيبتي كعدت يمهن وجانن مادات السفره من

الطول للطول بس نسوان بيها ماكو ولا طفل على السفره بس ما

شاءالله حسبتهن بس ١١ بنيه شابه واكو بنات بعمر ال١٠ _ لل١٤
هم كاعدات تقريباً ٧ بنوتات

كعدت اكل وهنه يسولفن بيناتهن

بيادر : اكلج ريناد هاي الحفافه الجبتيها زينه

ريناد : اي رامي جابلياها من بغداد تخبل ما تعب ابد

هيام : يااا زين جا انه شكد ادز حاتم ولا يحيبلي يوميه يكول اي اي ولهسه ما شفت شي

سماهر : يااااا علكيفجن وي اخواني شيصيرون خطيه

رفيف : اي والله انه ما يهون عليه ادز شيخي طروقي

شهله : خايبات كافي سطرتن البنيه

روبين : ههههه لا لا والله سوالفجن حلووه الله يحفظجن انتن كلجن بنات عم
زهراء حسن الراوي
صبا : اي عيوني انتي كلما بنات عم وعمه

سماهر : حبيبه روبينه انه عندي ٧ عمام و٣ عمات من كل واحد

ماخذين بنيه بس عمتي وجدان وعمي جاسم ماخذين زوج منه هههه
ووحده المرحومه مرت الاشتر

روبين : الله يرحمها

اساور : يلا روبينه اكلي تره الشيوخ ينتظروج

رودينا : خلووها تسولف

مزاد : عيني احنه هم عدنه سوالف وياها لذلك خلي تروح من هسه ونخلص شغل ونكعد نلزمها ونسولف