في بادية الاربعين

الجزء الثالث

#في_بادِيَة_الاربعين 

بقلمي #زهراء_حسن_الراوي

الجزء الثالث

(بيت ادهم )

الساعة ب٣:٣٠ العصر

ديانا : بابا شنو حاب اسوي الك من حلاوة اعرف بيك العصريات تحب تحلي

ادهم : ولج تعااي خلي ابووسسج ...اااه فدووه للحافظه ابوهااا

ديانا : ههههههه شعدنه غيرر ادهووومي

ادهم : ههههه حبيبتي اي شي من ايدج عسل

اخووانج وين

ديانا : بغرفهم كاعدين

ادهم : بابا دير بالج عليهم لتخليهم وحدهم وانتبهي لتصرفاتهم

بغياابي تره ام سعد مره كبيره مو مال كل شوي تصعد وتراقبهم
ديانا : ان شاءالله باباتي تدلل

ايييي وهسه خلي اعرفكم على نفسي

اني النقيب نور الدين عارف الملقب ب (ادهم) عمري ٤٣ سنة

عندي ٥ اطفال منفصل عن زوجتي وزوجتي متوفيه وعدها ٢

اطفال من زوجها الثاني توفو بحادث هي وزوجها اما اطفالها فبوقت

الحادث جانو بالحضانه بعد شهر من وفاتها اهل زوجها خلو اطفالها بميتم كون انو

ابنهم اتزوج بمطلقه ومن غير ارادتهم فطلعو ابنهم منهم

فبطلب من ديانا بنتي الكبيره انو اجيب اخوانها من امها يمهم بالبيت

وهي تربيهم قبلت لخاطيرها ولخاطير الاطفال مالهم ذنب بعمل امهم

وابوهم فتكفلت بنتي ديانا بتربيتهم فقررت اجيب خدامة تساعدها

بالبيت بس منو اجيبها تشررد من هوسه الاطفال وكركبه البيت اخر

شي لكيت مره ارمله ثلاثينه عدها ٤اطفال خليتها تشتغل بالبيت كل

٣ ايام بالاسبوع وانطيها راتب مضاعف حتى لا تشرد

اطفالي ٥ اكبرهم  ديانا (سارة) عمرها ١٨ سنة وقتيبة ١٦ وعلي ١٤ ومنسا
٨ سنوات  ويسع ٥ سنوات واطفال طليقتي ٢ ريتاج ٣سنوات وامير سنتين

الصراحة اني مو من محبين الاطفال بس تزوجت زواج تقليدي

محبيت زوجتي وكضيتها كله طلعات وبنات وشرب وسهرات

فضلت تستغل شربي وعدم وعييي وتحبل حتى تربطني بيهم صح

اول طفلين ضليت على وضعي بس من اجة ابني علي  لا تغييرت

ما اكوول هوواي بس تركت البنات والشرب نص بنص لان متعود

عليه من جنت بالعسكريه علموني عليه اصدقائي من جنت بعمر ال٢٥ واخذتها للكبر