الفصل السابع
السلام عليكم ورحمة الله وبركاته
اللهم صلي وسلم وبارك على سيدنا ونبينا وحبيبنا وشفيعنا محمد صلى الله عليه وسلم تسليما كثيراً
تكمله مذكرات مايان
لان هو طلع عندو أبن ابنو حسيتو بتاع بنات لما شفته النهارده مرتحتلهوش المهم انا ادتكم نبذه عن أستاذ جاسر بس للاسف مش هعرف اكتب لفتره لان ورايا حجات كتير جدا لازم اعملها وانا متحمسه اوى سلام
اذيكم ماعلش مكتبتش بقالى اربع شهور حصل حجات كتير اوى هاحكلكم بعض المواقف لان الباقى استحاله انى اقولها لانها اسرار جدا جدا مدام مرفت دى بقا ست عسل اوى مرات جاسر وطيبه اوى وابنهم مروان عندو 20سنه فى كليه الحقوق عاوز يكون وكيل نيابه الصايع المهم اتعلمت حجات كتير اوى اولهم
سكتت عائشه عن القرائه لان سمعت الباب بيخبط
عائشه: هقفل ماما بتخبط ولما تمشى هكلمكم
مازن لاه استنى اقفلى الشاشه بس وحاولى تسىليها تانى عن مايان
عائشه حاضر قفلت الشاشه وخبت الدفتر بتاع مايان وفتحت الباب سحر دخلت
سحر: بتعملى ايه ده كلو
عائشه: روقت الشقه وقلت اقعد اريح شويه وباكل شويه تسالى عبال متخلصى الغدا
سحر: هو انتى فالحه فى حاجه غير الاكل واكسه توكسك
عائشه: افضلى انتى كده اهرى ونكتى فى نفسك علشان غيرانه منى ومن حلاوتى وطعامتى وذكائى الخارق
سحر لوت بوزها: مهو واضح يا حببتى واضح الجمال والحلاوه انبى تسكتى علشان حسه انى هرجع لما شفت واشك
عائشه: مفروسه مفروسه وبعدين حد غصبك تقعدى معايا
سحر: متلمى نفسك يا بت انتى هو محدش مالى عينك ولا ايه انتى شاكلك واحشك الشبشب ابو وارده
عائشه: بلا وارده بلا فلونكه كلمينى بصراحه يا سحوره يا عسل ايه اللى مخبياه عليا
سحر بتوتر: مش مخبيه حاجه انا هطلع اشوف الاكل ليتحرق
عائشه مسكتها من اديها وعيطت
سحر بخضه: فى ايه يا ضنايه مالك انتى تعبانه مالك يا بت فى ايه اول مره تعيطتى
عائشه بعياط: مايان مش اختى صح مش بنتك مش اختى طول الفتره دى بتدارو عليا طب ليه مايان مش اختى طب ازاى ده انا مقدرش استغنى عنها ده انا مش بعرف اعمل حاجه من غيىها دى هيا كل حاجه بنسبالى من غيرها مكنتش هطلع الاوله ولا كنت هكون كده انا بحبها اوى اوى يا ماما مش هقدر مش هقدر ابعد عنها هموت هموت ووقعت من طولها
سحر بخضه لطمت على وشها: بنتى وجريت على تلفونها اتصلت على جوزها
سحر: الحقنى يا اسماعيل عائشه جتلها الحاله تانى شكلها عرفت الحقيقه الحقنى بنتى هضيع منى تانى الحقنى بسرعه
اسماعيل طلع ودخل عليهم
اسماعيل: حاولتى تفوقيها باى حاجه يا سحر
سحر بعياط: اه ومش راضيه تفوق اتصلت على الدكتور امجد يجى يشفها
اسماعيل: اه وقالى دقيقتين وهيكون هنا
سمعو خبط على الباب
سحر: اكيد جه وراحت تفتح الباب دخل الدكتور امجد
الدكتور: خير يا جماعه ايه اللى حصل تانى
سحر: معرفش عرفت منين ان مايان متكونش اختها محدش يعرف الموضوع ده غيرك واحنا بس ومايان مش هنا زى عويادها بتاعت كل شهر
الدكتور تمام ادتها مهداء هيا جالها انهيار عصبى ارجوكم حاولو تمهدولها الموضوع قلتلكم اكيد هتعرف مهما حصل انتو اللى مصرين تخبو عليها
سحر: مش هنقدر هيا متعلقه اوى بمايان فكراها اختها الله يرحمها يوم حادثه اختها اول ما عرفت انها ماتت عائشه وقعت من طولها ومقمتش الا بعد شهر من الغيبوبه ما انت عارفه ولما فاقت مردتش على اى حد ولما مايان جت تظورها خدتها بلحضن وافتكرتها اختها هيا يا دكتور اللى رفضه الحقيقه هيا اللى متمسكه بيها اوى الدكتور النفسى بتاعها قال ان عقلها نسى او تناسى اى حاجه عن اختها اللى ماتت وحط كل الذكريات بتعتهم بين مايان وعائشه فعائشه دلواقتى مقتنعه ان مايان اختها وقال لينا الدكتور محدش يفكرها او يتكلم عن الموضوع ده قدمها لان احتمال كبير بجلها انتكاسه وانا خايفه على بنتى مبقاش عندى غرها افهمنى يبنى مش بقدينا
الدكتور: ممكن لو مايان اتكلمت معاها وفهمتها براحه وشرحت ليها انها مستحيل تتخلا عنها وحسستها بلامان وفهمتها انها هتفضل علقتهم زى الاول ومفيش حاجه هتتغير سعتها احتمال كبير هيا تتقبل الموضوع
اسماعيل: حاليا يبنى ووقعت من طولها قامت مش فاكره اى حاجه الدكتور قال ان عقلها مش رادى يستوعب الحقيقه
الدكتور: لازم نحاول تانى بس قبليها عرفونى وانا هاجى اديها حقنه مهدائه لاعصابها
وبعد كده مايان تفهمها وانا هكون موجود علشان لو حصل اى مضاعفات وإن شالله تتحسن هيا هتفوق كمان خمس دقايق
اسماعيل: تسلم يا بنى تعبينك معانا والله
دكتور امجد: مفيش تعب ولا حاجه انتو اهلى وبعدين برد حاجه بسيطه من جمايل مايان عليا دى مغرقه الكل جمايل
اسماعيل: هيا بنت حلال والكل بيحبها
امجد بهيام: فعلا الكل بيحبها صحيح يا عم اسماعيل انا عارف انو مش واقته بس كنت حابب اسئلك عن
قاطعه اسماعيل:سىلتها يا بنى بس هيا رافضه نهائى الجواز ومش بتفكر فى الوضوع هيا مش رفضاك انت هيا بتتكلم عنك بلخير بس هيا بتقول ازاى هتجوز وانا بنسى كل حاجه يعنى اتجوز واحد واقوم الصبح معرفش هو مين مش معقول
دكتور امجد: انا مستعد اوديها لاكبر دكتور مخ واعصاب يتابع معاها وهستحمل وهسعدها فى كل حاجه والله انا بجد بحبها
اسماعيل: عارف يبنى انك من ساعت ما جت مايان هنا وانا بتحبها هحاول معاها تانى وان شاء الله يكون فى قبول
دكتور امجد بفرحه: إن شاءلله خير استأذن انا بقا ولو فى اى حاجه كلمنى على طول وانا هجيلكم على طول
اسماعيل: إن شاءلله يابنى اتفضل
خرج امجد ورجع اسماعيل قعد جمب مراتو وبنتو
سحر: وبعدين يا اسماعيل ايه العمل
اسماعيل: مش عارف تيجى بس مايان وهيا اكيد هتتصرف انتى عرفاها بتخاف قد ايه على عائشه فمش هتسكت غير لما تكون كويسه صحيح هيا هترجع امتي فى ناس كتير اوى بتسئل عليها وفى واحد اتقدم ليها جديد
سحر: هتيجى بكره إن شاءلله ده معادها مين الناس اللى عوزنها دول
ومين العريس ده نعرفه
اسماعيل: خير بإذن الله دول اهل المنطقه وفى شويه زباين عوزين مايان مخصوص ما انتى عارفه ان مايان من ساعت ما دخلت بتنا وهيا جلبت لينا الرزق والناس بتحبها اوى
سحر: ومين العريس المرادى
اسماعيل: لاه ده واحد منعرفهوش اسمو سامر جه كذا مره علشان يصلح عربيتو وشكله يعرف مايان بس هيا مش فكراه اللى عرفته عنه انو وكيل نيابه ومعجب بيها من فتره واتقدملها امبارح قلتلو انها مسافره ولما ترجع هاخد رايها وهرد عليك ساب الكرت بتاعه ومشى
سحر: ما شاء الله البنت بيجلها عرسان كتير من جمالها وادبها واخلاقها وذكائها تعرف انى بحبها زى عائشه بظبط ويعلم ربنا بحسها بنتى وبخاف عليها جدا وفعلا بكون فخوره جدا لما بيقلولى عرفتى تربى مع ان اللى شفته فى حياتها هو اللى علمها كل حاجه بتصعب عليا اوى شافت كتير اوى مشافتش السعاده طول عمرها مظلومه من الكل
اسماعيل: ربنا يحفظها من كل شر
سحر: يارب مع انى نفسى تشوف اهلها وتعرف هما مين بس بخاف تلاقى اهلها وتبعد عننا اتعوت عليها اوى يا اسماعيل وحضنته وفضلت تعيط واسماعيل بيطبطب عليها
اسماعيل: مفيش فى ادينا اى حاجه دول اهلها بردو بس الغريب انها مش فكراهم ولا احنا نعرفهم كل اللى هيا فكراه اسم بنت بس وهيا عماله بتدور على البنت دى من صغرها هيا فكره ان البنت دى اختها او مامتها
عائشه بعد ما فاقت: مامت مين هو فى ايه ايه اللى حصل
سحر: يا حببتى يا بنتى حمدلله على سلامتك يا حببتى خضتينا عليكى
عائشه وهيا تمسك دماغها: هو ايه اللى حصل انا مش فاكره حاجه ودماغى مصدعه اوى
اسماعيل: امك خبطت عليكى فانتى قمتى تفتحلها اتكعبلتى وقعتى على دماغاك
عائشه باحراج: احم احم ماعلش قلقتكم عليا مختش بالى ما انتو عارفين انى عفريته مش جديده هيا
اسماعيل: انا قايم اشوف شغلى ربنا يهديكى يا بنتى
عائشه: يارب ياحج يا سمع منك لان انا بقيت بزهق من نفسى بعيد عنك الفراغ قاتل ولا شغله ولا حب ولا حتى دراسه فراغ يابا فراغ
اسماعيل: انا قايم بدل ما اتشل اللى يشوفها وهيا وقعه ولا حولا ولا قوة لها ميشفهاش دلواقتى
ونزل
عائشه بصوت عالى علشان يسمعه: استحملنى ماعلش انا زى بنتك بردو
وبصت لسحر اللى لسه حضناها
عائشه: وانتى يا ماما هتفضلى مكلبش كده كتير هو انتى نقصك حنان اوى كده اقوم القيكى حضنه الحاج الراجل الكبرا بتعنا ودلواقتى ومكلبشه فيا ولا اكنى كنت هموت
سحر ببكاء: بعد الشر عليكى يا ضنايه ربنا ميحرمنى منك
عائشه: ولا منك يا غاليه انا حسه انى هموت من الجوع خلصتى الاكل ولا انزل اشترى اى حاجه اكولها حسه انى هفتانه وبقالى سنه مكلتش
سحر: لاه خلصت وعملتلك طاجن باميه بلحمه الضانى اللى بتحبيها
عائشه بفرحه: روحى يا شيخه اللهى تنسترى انا هطلع اكل انا بقا وتعالى اعملى ليكم انتو اكل لان ده يا دوبك على ادى
سحر: لا يا روح امك انا مش قدره هتاكلى طاجن باميه بحالو وكيلو ونص لحمه وحله روز ليه جموسه انتى بلاعه ايه مبتشباعيش
عائشه: مخلاص يا سحور انتى هتعيرينى بلقمه اللى بتعملهالى اقولك على حاجه هبقي اديكى حتت لاحمه ومعلقتين باميه وخدى الرز كلو ليكى انا مليش اوى فى الرز وابقى خالى الحج يجيب لنفسه اكل وهو طالع قليله الاكل اتحرق او اللحمه كشت اى حاجه اتسرفى بقا انا طالعه ولو اتاخرتى متسائلنيش على اكل انا قلتلك اهو
وطلعت وسحر طلعت جرى وراها: استنى يا بنت الطفسه
♕♕♕♕♕♕♕♕♕♕♕♕♕♕♕♕♕♕♕♕
الكل مصدوم ومش بيتحرقو من مكانهم
مازن فاق قفل الاتصال وخد الفلاشه كان مسجل كل حاجه وطلع غرفته
سما: مالو مازن
حبيبه ببكاء: مايان صعبانه عليا اوى هيا وعائشه بس مايان اكتر
سامر خادها فى حضنه وبيحاول يهديها
سما بحزن: فعلا يا ماما
سامر: مين يا ترا جاسر ده ومين اهلها وايه اللى حصلها بعد كده وايه اللى وصلها لعيله عائشه
حبيبه: اتعزبت اوى اوى يا عينى قلبى وجعنى اوى مش عارفه ليه
سامر بلهفه: مالك يا حببتى اتصل بدكتوره
حبيبه: انا مش تعبانه انا زعلانه اوى عليها حساها بنتى فكرتنى ببنتى يا سامر فكرتنى بروحى للحظه تخيلتها بنتى قلبى حسيتو هيقف من مجرد احساس مبالك باهلها لما يعرفو باللى حصل لبنتهم
سما: اهدى يا ماما اهدى انا كويسه اهو
حبيبه: مش انتى يا بنتى انا افتكرت اختك بعد الشر عليكي ربنا ميوجعنى فيكى انتى كمان
أنت تقرأ
فقدان ذاكره وهمى بقلم/مى صلاح عبدالجليل
Bí ẩn / Giật gânظننت انى لا شئ واتضح انى فى عيون من يحبنى كل شئ بطلتى هى فتاه شعبيه بسيطه شافت القسوه بكل اشكلها ولكن مع كل الظروف التى مرة بها لم تياس ولو للحظه من رحمه الله وبقيت اقوه بوجود من يحبوها بعد ما كانت منبوزه من الكل وسوف ياتى من ينير قلبها وينال ثقاته...
