السلام عليكم ورحمة الله وبركاته
اللهم صلي وسلم وبارك على سيدنا ونبينا وحبيبنا وشفيعنا محمد صلى الله عليه وسلم تسليما كثيراً
ليليان: حبيبى عوزين نعم مفائجه لبابا
ليان: مامى انهارده عيد جوزكم ديما بابا هو اللى بيعملك مفائجه اشمعنه المرادى انتى عوزه تعمليله
ليليان: حبه افرحه انا مره ما بيفرحنى على طول
ليث: امى يا حبيبتى انتى اصلا سر سعادتنا
انا لو مكان بابا كنت علطول اخاليكى سعيده
لينا: فعلا يا مامى انتى جميله اوى وطيبه جدا
ليليان بحب: حبايب ماما انتم انا بحبكم جدا يا حبايبى لانكم قطع من قلبى وقلب بابا ربنا يحفظكم من كل شرا واشفكم اجمل واحسن الناس واشوف كل واحد منكم حاجه كده كبيره
لينا: انا يا ماما هكون دكتوره جراحه زى خالتو عائشه
ليان: وانا يا مامى هكون زيك رسامه شطره لانى متعلمه على ايدك انتى يا احسن رسامه فى العالم
ليليان: وانت يا ليث: عوز تكون ايه يا حبيب ماما
ليث: انا هكون ظابط يا امى علشان ادافع عن بلدى واكون زيك وزى بابا قوى
ليليان حضنتهم جامد: ربنا يحقكلكم امانيكم وتكون سعداء على طول ربنا يسعدكم ويسعد قلبكم ويشيل الفرحه من قلبى ويعطهالكم
ليث: لاه يا امى احنا عمرنا ما هنكون سعداء وانتى مش فرحانه انتى سر سعادتنا
ليليان بصوت واطى: يا حبيب قلبى انت انا عوزه اقولك على سر بس لما اخواتك يمشو تعالالى
ليث: حاضر يا امى
بعد ساعه ليث بيخبط على الباب
ليث: ممكن ادخل
ليليان: اتفضل يا حبيبى
دخل ليث وقعد على السرير جمب ليليان
ليث: خير يا امى
ليليان ادتله صندوق كبير خشب
ليث: ايه ده يا امى
ليليان: ده تحافظ عليه اوى فهمنى لو حصل ليا اى حاجه افتحه لكن غير كده متفتحهوش فهمتنى الصندوق ده متفتحهوش غير لما اكون مش معاكم بس
ليث بخضه: انتى هتسبينا ولا ايه يا ماما
ليليان: حبيبى انت دلواقتى بقيت راجل انت اه مش كبير اخواتك بس انت رجلهم علشان كده سبتلك الصندوق ده وكتبت كل حاجه فيه مش هينفع اقول اكتر من كده
ليث بدموع: معنا كده انك هتسبينا
ليليان بدموع وحزن: متعيطش يا حبيبى مفيش راجل بيعيط احتمال كبير بس اللى عوزه اعرفهولك انى هكون جمبكم علطول ومش هخالى اى مكروه يصبكم ده لو مشيت بس احتمال مسبكمش والله هيكون غصب عنى اوع تكرهنى انا بحبكم جدا وهعمل كل اللى اقدر عليه علشان ارجعلكم تانى
ليث حضنها جامد: مقدرش اكرهك انتى كل حاجه بنسبالى
ليليان: وانت يا حبيبى اكتر واحد من اخواتك قريب من قلبى خالى بالك من اخواتك ومتخلهمش يكرهونى انا بوصيك عليهم انت راجل صح اوعدنى انك هتعملهم كويس وعمرك ما هتمد ايدك عليهم وهتحافظ عليهم وتكون سندهم بعد بابا وتحميهم من كل شر
ليث وهو حضنها مسح دموعه: اوعدك يا امى هحافظ على اخوتتى وهفضل احبك وهخاليهم يحبوكى على طول بس لازم انتى كمان توعدينى انك ترجعلنا تانى لو بعتى
ليليان: اوعدك يا ابن قلبى
دخل عليهم ليل
ليل بغضب: هو انا مش قلتلك ياض انت متقربش من مراتى كده
ليليان بضحك: ليل خلاص بقا ده ابنى وربنا
ليل: بردو ميحضنكيش كده
كل ده وليث لسه حضنها
ليل استغرب وراحله
ليل بحنيه: فى ايه يا ليث مالك يا حبيبى فى حاجه تعباك
ليث حضن ابوه كمان: لاه يا بابا مفيش حاجه انا بس بجبكم اوى
ليليان: واحنا بنحبك اوى يا حبيبى خد الصندوق ده ومفتاحه هدهولك بس مش دلواقتى
ليث بحزن: حاضر يا امى
ليل بعد ما خرج ليث حضن ليليان جامد
ليل بغيره: حضنى انا احلا ولا حضن ابنك البغل ده
ليليان بضحك: حرام عليك يا ليل ده لسه صغير ده عندو 10سنين وبتغير منو امال لما يكبر ويبقى شب هتعمل ايه
ليل حضنها اكتر: مش هخاليه يلمسك اصلا
ليليان حضنته: ليل هو انت ممكن تسبنى او تشك فيا
ليل بص ليها بستغراب: ايه السؤال الغريب ده
ليليان: جاوب بس
ليل اتعدل وبصلها: استحاله انا اشك فى نفسى ولا اشك فيكى
ليليان بفرحه: انا بحبك اوى واعرف انى هفضل طول العمر بحبك وعمرى ما هحب حد غيرك
ليل: وانا بعشقك يا نبض قلبى بس قليلى ايه اللى فى الصندوق اللى ادتيه لابنك ده
ليليان: ده سر يا حبيبى
ليل: هعرف بردو
ليليان: إن شاءلله سبنى بقا عوزه انام اقفل النور
ليل: تنامى ايه بس لاه طبعاً بكره عيد جوزنا السهره صباحى يا حببتى لازم نحتفل
ليليان: اديك قلت اهو بكره مش النهارده
ليل: مهو الساعه بقت 12ونص يعنى النهارده عيد جوزنا كل سنه وانتي معايا ياقلبي
ليليان بحب: كل سنه وانت بخير وسعادة ياروحي
ليل قرب منها جامد وباسها بكل حب وحنيه
وتسكت شهرزاد عن الكلام المباح
♕♕♕♕♕♕♕♕♕♕♕♕♕♕♕♕♕♕♕♕
عائشه بصوت عالى: يا جزمه يا ابن الجزمه تعالى هنا يا حيوان انت
معاز: افضلى انتى كده اشتمى فى نفسك وعصبى نفسك كده بردو مش هتعرفى تمسكينى ولو مسكتينى يعنى مش هتقدرى تعملى حاجه لان لو قلت للقمر لليليان هتفرمك
عائشه: انت هتخوفنى من اختى ياض انت مبقاش الا انت يا شبر ونص انت اللى تهددنى
مازن من حضنها من ظهرها: مالك بس يا حببتى متعصبه ليه
عائشه: تعالى شوف ابنك قال ايه بيهددنى الفسل ده بيهددنى انا معرفش الواد ده طالع لمين
مازن باصص ليها وكاتم الضحك: معرفش فعلا طالع لمين انتى ملاك وانا مش كده خالص
عائشه: اه يا حبيبى ولا انا ولا انت كده حتى البت النفعوصه ميان ميصه كده وهاديه ورقيقه كده مش طلعانا خالص طلعه للبت سما يمكن يكونو بدلو العيال فى الحضانه العيال دى مش عيالى لا يمكن
مازن مقدرش يستحمل وفطص ضحك
معاز: حرام عليكى يا مفتريه هتموتى الراجل بدرى بدرى وبعدين انتى بتتبرى مننا يا شوشو
عائشه بتشنج: شوشو احترم نفسك يا ولد
وكملت بثقه انا ماما
معاز: مش انتى لسه متبريه مننا
عائشه: ده بردو ميمنعش من انك تحترمنى وبعدين انا بهزر يا اهبل انا معلماكم من ساعت ما اتولتم انا عائشه يا بابا محدش يضحك عليا
معاز بستغراب: علمتينا الزاى لاماخدذه
مازن بضحك ووشه احمر جامد من كتر ابضحك
مازن: كتبت عليكم اسمها بخطها اللى مش بيافهم وبقلم مش بيتمسح
معاز بضحك: يا قدره هههههههه
مازن: يوم ما ميان اتولدت كتبت عليها اسمها بالاغريقى علشان محدش يعرف يقلد الخط
معاز: اشمعنا
مازن بضحك: اصل بعد ما انت اتولت شكت انك مش ابنها وحد قلد خطها لان القلم اتمسح بعد اسبوعين بس
معاز: لا انتى كده مايتسكتش عليكى ابدا
مازن: احترم نفسك يا ولد دى ماما بردو
فين اختك ميان
معاز: فى اوضتها بتذاكر
عائشه: طيب يا خويا روح انت كمان زاكر رينا يهديك
معاز: ماشى يا دكتوره انا هدخل انام بس مش علشان انتى طلبتى لاه ده علشان انا عوز انام
مازن عمال يضحك
عائشه بتبص لمازن بغيظ: انت بتضحك على ايه
مازن حضنها : بضحك عليه هو اكيد مش عليكى يا قمر انتى
عائشه: بحسب عملت ايه فى شغلك النهارده
مازن: فل الفل كله تمام الحمدلله وعقدة صفقه جديده النهارده
عائشه: ربنا يرزقك ديما ويوفقك ياقلبي
مازن بسها فى خدها: ويخاليكى ليا يا روحى انتى عملتى ايه فى المستشفى النهارده
عائشة: كان عندى النهارده عمليتين صعبين جدا بس الحمدلله عدو على خير ونجحو
مازن: طبعا يا حببتى ما انتى اشطر جراحه فى العالم
عائشه: اقعد هحضر العشاء ناكل سوى
مازن: والعيال
عائشه: كلو اول ما جيت واستنيتك ناكل سوى
مازن بصلها بحب شديد وهيا راحه المطبخ
♕♕♕♕♕♕♕♕♕♕♕♕♕♕♕♕♕♕♕
مروان: حببتى فين الجاكت الرصاصى بتاعى
سما: فى الدولاب يا حبيبى
مروان: لاه والله دورت
سما: ازاى بس انا مطبقاه مع القمصان امبارح وحطاه معاهم
مروان مبرق جامد: انتى بتكلمى بجد
سما: مالك يا حبيبى اه بجد
مروان: هو فى حد فى الدنيا بيحط جاكت مع القمصان لا وكمان مطبقاه
سما: ما هو اللى شبه القمصان اوى
مروان بصبر: طيب يا حببتى مش مشكله فين المكوى علشان اكويه اكيد متقصر
سما: خد نيم بس انت ياسمينا جاسر فى اوضتهم الحمدلله نامو وانا هكويهولك
مروان بخضه: لاه بالله عليكى ده لسه جديد خاليكى انتى ارتاحى انا هنيم الاولاد وهكويه انا
سما بحب: طيب يا حبيبى اشمعنا الجاكيت ده
مروان: بحبه جدا علشان انتى اللى لسه جيبهولى وبكره رايح حافله لواء اشرف عملها بمناسبه تخرج ابنه وبقا دكتور وعزمنا فانا بجهز نفسى وجبتلك يا روحى فستان جميل مش هيليق غير على اميره زيك ايه ريك
سما بسعاده: طبعا نروح بس والولاد مش هينفع نخدهم معانا دول صغيرين
مروان: نوديهم عند ماما حبيبه او عند عائشه
سما: طيب يا حبيبى
♕♕♕♕♕♕♕♕♕♕♕♕♕♕♕♕♕♕♕♕
فى صبح يوم جديد مليئ بالمفائجات
أنت تقرأ
فقدان ذاكره وهمى بقلم/مى صلاح عبدالجليل
Misteri / Thrillerظننت انى لا شئ واتضح انى فى عيون من يحبنى كل شئ بطلتى هى فتاه شعبيه بسيطه شافت القسوه بكل اشكلها ولكن مع كل الظروف التى مرة بها لم تياس ولو للحظه من رحمه الله وبقيت اقوه بوجود من يحبوها بعد ما كانت منبوزه من الكل وسوف ياتى من ينير قلبها وينال ثقاته...
