فقدان ذاكره وهمى بقلم/مى صلاح عبدالجليل

الفصل الخامس

السلام عليكم ورحمة الله وبركاته
اللهمَّ صَلِّى عَلى سيدنا ونبينا وحبيبنا وشفيعنا محمد صلى الله عليه وعلى آله وصحبه الكرام الطيبين

على السفره تجتمع عائله  الجبالى  على  الفطار
ليقاطعهم دخول ليل
ليل: صباح الخير
الكل: صباح النور
مازن بغمزه: خير يا ليل مش عوايدك يعنى تيجى الصبح كده
حبيبه: عيب كده يا مازن  ده بيته قبليك
ليل بحب لهذه السيده الجميله: تسلميلى يا قلب ليل
سامر: ليييييييل احترم نفسك  هو انا ارتاح من واحد يطلعلى  التانى
ليل ببرود: طيب  هتروحه لمايان امتى
سما بخبث: قلتلى  مايان على العموم  كمان  ساعه كده ولا حاجه لكن انت بتسال ليه
ليل ببرود: حاجه متخصكيش
مازن: طب احنا  هنروح نشكرها  على وقفتها  مع اختى لكن انت بقا هتيجى  ليه
ليل بهدوء: هطمن عليها وكفايه اسائله وخلصوا
حبيبه بابتسامه:بصراحه كل شويه اتمنى انى اشوف البنت دى من كلامكم عنها
سامر: ماشى يا روحى  قومو  البسوا وانا هقوم البس ونروح لها
مازن: مش معقول  هنروح  عندها كده من غير معاد  لا وكمان هنروح  بدرى  كده
سما: مايان  قالتلى  اجى  فى اى وقت انا احبه ولو ملقتهاش انادى  على طنط سحر واخد  المفتاح واستناها  فى البيت  وعائشه  هتكون  موجوده  مبتخرجش خالص
مازن: انتو حرين انا عليا حظرتكم علشان  منتحرجش
ليل بتفكير: اتصلى  على مايان  او عائشه  وبلغيهم  ان اهلك  حبين  يشكروهم  على وقفتهم  جمبك  وهيجو معاكى وافتحى الاسبيكى
سامر: ليه تفتح الاسبيكر
ليل: ماعلش عاوز اسمعهم
سما: مايان مش بترد شكلها عامله تلفونها صامت او مش واخده بالها  منه
ليل: طب ما تتصلى  على عائشه  واساليها عنها
سما: طيب  بيرن
عائشه: اهلا اهلا بحبيبه قلبى التلفون  بيزغرط والله لما عرف  انك  بتتصلى
مازن بهمس: كدابه اوى
سما بضحك: مش لدرجه دى المهم عاملين ايه
عائشه: مش حلو خالص حاسه  بملل  اوى اوى قعده  زى قرد  قطع المذاكره  خلصت مش عارفه  اشغل  نفسى  بايه
سما: ليه  كده طب ما تنزلى  تتمشى  شويه  او اعملى  حاجه بتحبيها
عائشه: مبحبش  امشى  لواحدى  اقولك تعالى  معايا نرخم على اى حد فى الشارع ولا اقولك تعالى نستغل عدم  وجود مايان وندخل  البدرون اللى محدش  بيدخله  غرها  اموت  واعرف  فيه ايه  ابت  دى مش مريحانى  اهى  اختى  بس بحس  دايما انها مش اختى  هاديه  كده وجميله  جمال اوفر جمال يموع كده لا وذكيه
سما: بس بس ايه يا بنتى كل ده انتى شردتى  ابت  خالص لو سمعتك  بتقولى  عنها  كده  هتمنعك من الاكل اللى بتعمله
عائشه: لا وحياة امك  الا الاكل مقدرش  استغنه  عن اكلها متقللهاش  انا واحده مهزقه هتاخدى على كلامى  المهم تعالى  سلينى بدل  ما انا زى قرد قطع  او نعمل حاجه مفيده
ليل شد التلفون  من العصبيه: الو
عائشه: ايه ده يا بت بتخنى  صوتك  عليا  لا وكمان صوت رجل  شديد لا اترعبت بجد
ليل بنفاذ صبر: فين مايان
عائشة: انت مين وفين سما الواطيه سلمتنى تسليم اهالى  كده
ليل بصوت عالى: بت  اخرصى شويه  فين مايان
عائشه بتتصنع عدم الخوف: فكرنى هخاف كده يعني مش هقول  الا لما تقولى  انت مين وتعرف مايان  منين  وازاى هيا متقلليش يا ترا  نسيت ولا ايه فكر  معايا كده يا اخ لا استنى  عرفت هسلى  نفسى بايه ادينى  سما ما اقولها  على السر ده لو عرفت اوصلو هعرف  كل حاجه مخبياها  عليا  البت  دى ادهانى يا اخ لو سمحت
الكل بيضحك  على منظر ليل اللى حاسس انو هيتشل
ومازن  بيقول لنفسه هيا فعلا قرده جالبه  للمشاكل
ليل بصوت مرعب: انا مش هقول اللى هقوله  تانى  لو مقولتيش مايان فين هاجيلك وسعتها محدش هيمنعنى  انى اقتلك
عائشه بخوف وتفكير: تصدق  صح الكل هيبعنى  محدش بيحبنى  يا اسمك  ايه وامى  لسه قيلالى راحى ربنا  ياخدك  واخلص  من زنك تصور  فى ام كده دى ام نحل  دى هقولك مش علشان خايفه منك  لاه هقولك  علشان  انت بقيت  صحبى  خلاص يا اسمك  ايه بص يا سيدى  محدش يعرف  مايان  فين هيا فى بدايه  كل شهر بتختفى يومين ومحدش بيعرف بتروح  فين وسعات بتقعد اسبوع ومحدش بيقدر يفتح  الموضوع  معاها  لان احنا  عرفين انها بتنسى كل حاجه
ليل: لا استى  انا مش فاهم منك حاجه ازاى منعرفوش  بتروح فين وازاى  بتنسى كل حاجه
انتى فين لازم  اشوفك  واستفهم  منك كل حاجه
عائشة: طب انت مين تقرب  ايه لسما
ليل: ابن عمها  وانا اسمى  ليل
عائشه: خلاص ادينى  سما  اعرف العنوان  واخليها  تقول  لماما واجى  انا ليكم وهو اضيع  الملل ده
ليل: تمام خدى  سما اهي وانجزى
♕♕♕♕♕♕♕♕♕♕♕♕♕♕♕♕♕♕♕♕
سامح: عاملت  ايه يا هيما
هيما: يا باشه  البت دى عجيبه اوى
سامح  ضربه  بلقلم: اسمها  يا حيوان الاميره
اخلاص  قول كل حاجه
هيما بخوف: حاضر حاضر
اسمها  مايان اسماعيل صديق عندها 22سنه وبتشتغل فى ورشه  ابوها  بيصلحو العربيات
بت غلبانه اوى  وبتساعد الكل
بس بتختفى فى بدايه كل شهر ومحدش يعرف عنها اى حاجه وعندها  فقدان  ذاكرة كل يوم تقوم  مش فاكره اى حاجه غير لو قراة  مزكراتها اللى بتكتب  فيها كل حاجه
سامح: حلو اوى المعلومات دى انا عوزك  تعرف بتختفى  تروح  فين فاهم ولما تعرف  هقولك تعمل ايه  بعد كده
هيما: حاضر
♕♕♕♕♕♕♕♕♕♕♕♕♕♕♕♕♕♕♕♕
ليل: هيا اتاخرت كده ليه
مازن: متقلقش  دى قرده
ليل: انا مش قلقان  عليها انا عاوز  اعرف  مالها  مايان
سما: حرام عليكم  دى عائشة جميله وطيوبه اوى وهبله
دخلت الخدامه
سامر: فى حاجه  يا نسرين
نسرين  الخادمه: نعم يا فندم  فى انسه  برا اسمه  عائشه  وعوزه  تقابل  الانسه سما
ليل بسرعه: خاليها  تدخل بسرعه
دخلت عائشه  بعد دقيقتين
سما قامت حضنتها
سما: وحشتينى اوى يا شوشو
عائشه: مهو  واضح يا اختى  اكلمك  تدينى  الجدع  ده اللى مش فاكره  اسمه  ايه يشخط وينطر فيا دى اخرتها ماشى حسابنا بعدين ياختى
سما: سماح بقا المردى يا قمر خاليكى انتى الكبيره
عائشه: لاه انا صغيره  بقا واسعى كده يا بنتى  نسلم على الناس دى عرفينى طب بيهم بدل ما انا هبله كده
سما: نسيت
شورت على حبيبه: دى ماما
عائشه بتمد اديها: دى امك  دى احلا منك احم تشرفت  بمعرفت  اوى اوى يا قمر بس حسه انى شفتك قبل كده  مش عارفه فين
حبيبه بضحك:  انتى عسل اوى الشرف ليا مظنش انا اول مره اشوف
عائشه: يمكن هو ايه الحكايه  ليه الكل بيقولى  عسل  لدرجه دى العسل باين
سما بضحك وشاورت على سامر: وده بابا
عائشة: لاه ده كتير  بقا ازى ده والدك انا اديلو 30سنه  واكون  كرماه اوى يعنى ازاى  دول اهلك  اوعى  تكونى  ماجره  ناس  يقولو انهم  اهلك زى  ما بشوف  فى التلفزيون
سما: لاه والله دول اهلى  وبعدين بابا لواء
عائشه: بجد يا عمو  انت لواء
سامر بيحاول يبطل ضحك: البت  دى عسل اوى اه يا ستى انا لواء الواء سامر
عائشه بفرحه: اشطا بقا يا كبير انا حبيتكم يا جماعه والله  انتم ناس  كمل  والله
سما وهيا بتشاور على مازن وليل
سما: ده مازن اخويا وده ليل ابن عمى
عائشه: هو ده بقا اللى كان بيشخط وينطر فيا لاه حقك يا برنس انا لو كنت اعرف مكنتش جيت
♕♕♕♕♕♕♕♕♕♕♕♕♕♕♕♕♕♕♕♕
                            مازن
ايه ده مين دى استحاله  تكون بشكل الملاكى ده وبتتكلم بطريقه دى ازاى دى جميله اوى وشعرها حلو اوى هو فى كده عماله  تتكلم  انا مش سامع حاجه  انا شايفها هيا بس ضحكتها جميله اوى انا شايفه الكل بيضحك هيا لدرجه دى بتفرح الكل وليه  حاسس انا قلبى بيدق جامد انا مش عارف  افوق  ولا اتكلم بصص ليها بس حتى ليل زقنى  وقالى اتعدل مالك  متنح على البت  كده ليه كنت عاوز  اتكلم  لكن  معرفتش كنت  عوز  اقوله  مش شايف  الجمال  مش شايف  ضحكتها ولا عيونها الناعسه اللى لما بتضحك  بتقفل بطريقه جميله اوى فضلت سرحان فيها لوقت معرفهوش مفقتش غير لما لقيت ليل متعصب  اوى
مازن: فى ايه مالكم
ليل بعصبيه: اخيرا فقت يا بيه البت دى هتشلنى
عائشه: بعد الشر عليك انا عملت حاجه انت ظلمنى
ليل: بت كل اللى عوز  اعرفه مايان فين
عائشه: قلتلك معرفش هيا فين ومحدش يعرف انت ليه مش مصدق
ليل: لا مفيش  واحد عاقل  يصدق  ان فى اهل  ميعرفوش بنتهم فين  لا وكمان مش اول مره
عائشه بعصبيه وعياط: قلتلك مايان  بتنسى كل حاجه حتى  بتنسانى انا هيا متفتكرش فى حياتها كلها غير امى بس وعنوان  البيت  علشان كتباه على ايدها غير كده هيا متعرفش اسمها سعات بتتلغبط فيه وتقول اسم تانى كل يوم بتقوم بتبص على الوحه  اللى كتبه  الناس  اللى تعرفهم  وكتبه  نبذا  عنهم  بعد كده تقراء  مذكراتها الوميه  وبعد كده تلبس وتنزل شغلها ده روتنها تخلص شغل  يا تروح  تقعد مع الاطفال فى الميتم يا بتجيب  طلبات لماما يا بتذاكر  ليا او بتذاكر لعيل  من عيال  الحاره يا فى البدرون تحت ده كل اللى عرفه  عنها وانا صغيره مكنتش  كده انا فاكره اتغيره خالص شكلا وعقلا كل حاجه بقت  ذكيه وجميله  حته عيونها متغيره انا والله ماعرف  وكل ما اسئله  متجوبش عليا  يا تقولى  معرفش يا تقولى  هو انتى مش بتحبينى ولا ايه لو بتحبينى بطلى اسئله فبسكت انا بحبها اوى وخايفه عليه جدا بس خايفه  تتعب علشان كده بسكت احساس صعب اوى لما اختك  متفتكركش 
مازن بحاول  اهديها مش عارف عاوز  اخدها  فى حضنى  بس مينفعش
سما حضنتها وفضلت تهديها لغايط ما هدية
حبيبه: اهدى  يا حببتى احنا  عوزين نطمن عليها علشان ترجع بسلامه
عائشه: هيا بترجع بعد يومين او اسبوع لكن عمرها متاخرت عن كده
سما: عائشه عوزه  اسئلك سؤال من ساعت  ما جيت عندكم
عائشه: اسالى يا اختى
سما: ليه  مايان بتقول لابوكى عم اسماعيل مش بتقول ليه  يا بابا ذيك  ولا علشان هيا بتشتغل معاه فى الورشه
مازن: وارشه ايه
عائشه: مايان  بتشتغل مع بابا فى ورشه الميكانيكا وشطره اوى
مازن: ازاى بنت بتشتغل الشغلانه دى دى صعبه عليها جدا
عائشه: الكل عارف ان مايان بتحب شغلها وبتحب تصرف  على نفسها  ومبتخدش فلوس ابدا من بابا
ليل: ليه مايان مش بتقول لابوكى  يا بابا
عائشه: معرفش والغريب انها بتكون  نسياه مش زى ماما
ليل: طب اهلك يا ترا يعرفو  حاجه عنها عندهم  معلومات تانيه او تعرفى  اى حاجه تفدنا
عائشه بتفكير: اهلى مظنش وبزات  بابا لانه دايما فى الشغل ومبيتكلمش  معاها قدمنا  غير على الشغل استنى صحيح المذكرات بتاعتها اكيد هلاقى حاجه تفدنا وعلى فكره ماما  تعرف عنها حاجات كتير اوى انا معرفهاش  لانها  بتسكت وانا عرفه  امى  لو مش عارفه  حاجه او حسه  انى مخبيه حاجه هتعمل اللى ميتعملش علشان تعرف
سما: بس دى خصوصيتها ممكن تزعل منك
عائشه: الاكيد انها هتزعل ويمكن اكتر  اخر  مره  حاولت بس انى احاول المس المذكره خصمتنى اسبوع مردتش عليا بكلمه  واحده ولا عملت ليا
اكل حتى لغايط لما صعبت عليها
حبيبه: حلو فين بقا المذكرات دى
عائشه: اكيد فى اوضتها
ليل: تقدرى  تجبيها  امتى
عائشه: معرفش  هدور عليها ولما هلقيها  هقلكم بس فى حاجه لازم سما تكون معايا
سامر: ليه
عائشه: لان  ماما مش هترده  تنزلنى تحت  هتقولى  هتنزلى  ليه ومايان مش هنا لكن  لو سما  معايا  هقولها  هنقعد  تحت علشان نكون  براحتنا 
مازن: تمام هجبهالك انا بكره
عائشه: تمام استاذن انا بقا
♕♕♕♕♕♕♕♕♕♕♕♕♕♕♕♕♕♕♕♕
مايان: يا ترى  يا حبيبى  اهلى  فكرنى  ولا لاه ويا ترى هما عاملين ايه
بصتله وقالت: تعبت  اوى من غيرهم  وحشونى  الغرابه  انى  مش فاكره  غير شكلهم  بس اعمل ايه والمنطقه  اللى كنت  عايشه فيها  رحت هناك  وقالو  انهم عزلو  اعمل ايه بس يا اسدى
انا خايفه ومش عارفه اعمل ايه ولا ادور عليهم ازاى يا ترا هما بيدور عليا ولا نسيونى خلاص
يا اسدى

                                                مع تحياتي
Maiosh Salah