الفصل الثاني من الجزاء ٢
السلام عليكم ورحمة الله وبركاته
اللهم صلي وسلم وبارك على سيدنا ونبينا وحبيبنا وشفيعنا محمد صلى الله عليه وسلم تسليما كثيراً
بقلم مى صلاح
الكل متجمع فى منزل سحر وحزين على سحر وبيدعولها
حبيبه: امجد حاول تعملها حاجه
امجد: مفيش فى ايدى اى حاجه اعملها ده امر ربنا هيا بتحتضر خلاص وكلها ساعت قليله وتفارق الحياه
سامر: لا حولا ولا قوة الا بالله
عائشه عماله تعيط جامد ومنهاره ومازن حضنها وعمال يهديها
ومايان فى حضن معاذ وبتمثل العياط ومعاذ يا عينى بيهديها
وليث واقف بعيد ماسك نفسو بالعافيه ليضحك
ولينا جمب مايان بتهديها هيا كمان
ياسمينا بتبكى فى حضن سما وجاسر هادى زى عوايده وبيبص على عشق الصغيره
محمد واقف متغاظ لان لينا وقفه مع معاذ ومش معبراه
ليان وقفه بعيد وبتبص للكل بحزن وبتبص على سما وهيا حضنه بنتها وتحزن اكتر الكل معاه امه الا هيا
فى وسط الحزن ده جرس الباب رن
ليل: انا هفتح
ليل
فتحت الباب واتصدمت هيا هيا رجعت رجعت تانى فضلت باصص عليها لسه جميله زى ماهيا متغيرش فيها اى حاجه ابتسمت لما شفتها بلحجاب عيونها كلها ثقه بقت اقوى بقت اجمل كلمه قليله فى حقها
ليليان
اول ما فتح الباب قلبى دق تانى فرحت اوى انى شفته تانى نظرة الحزن والعتاب فى عيونه وجعونى اوى اتغير ملامحه كلها حزن وعصبيه ربا دقنه بقا شكلو اجمل فضلت بصه فى عيونه لغايط ما سمعت صوت بابا بيقول
سامر: مين يا ليل ومالك واقف كده ليه
ليل بعد عن الباب وهو لسه باصص ليا كانه مش عاوز ابعد عن عيونه ولو لحظه كنت عوزه اخده فى حضنى بس مقدرش
حبيبه بصت على الباب وبصدمه: بنتى بنتى وجريت عليها حضنتها جامد
لما صدقت انها حضنتنى كنت مستنيه الحضن ده من زمان اوى فتمسكت فيها اكتر الكل واقف مصدوم وبيبصولى بصدمه
بابا حضنى هو كمان
سامر بعتاب: كنتى فين يا بنتى طول المده دى كنتى فين قلقتينا عليكى
حبيبه: ليه مشيتى يا بنتى حد زعلك فى حاجه
اخيرا قدرة اتكلم
ليليان: مش وقته الكلام ده يا امى وبصيت لولادى
ليليان: ايه يا اميراتى وفارسى مفيش حضن او حمدلله على السلامه يا ماما
لينا جريت عليا حضنتنى وهيا بتبكى: انا مش مصدقه مش مصدقه انك رجعتلنا اخيرا انتى بجد رجعتلنا ولا انا بحلم
حضنتها جامد: لا يا اميرتى الحلوه انا رجعت
لينا: انا مبسوطه اوى اوى يا ماما
ليليان: وانا مبسوطه اكتر يا روح ماما انى شفتك
وبصيت لليث: وانت يا فارسى مفيش حضن موحشتكش ولا ايه
الصراحه تفاجات لما جرى عليا وحضنى جامد وشالنى انا ضحكت جامد
ليليان: نزلنى نزلنى هقع
ليث بضحك: اخيرا رجعتى وحشتينى اوى يا امى وحشتينى اوى متخفيش انتى خفيفه جدا
ليليان: كبرت يا حبيبى وبقيت راجل
ليان بسخريه: شفتى ازاى كلنا كبرنا وانتى بعيده عننا شفتى ان الحياه مبتقفش على حد
بعت عن ليث وقربت منها وانا مبتسمه: كبرتى يا دكتوره وبقيتى عروسه زى القمر لا وكمان قويه زى ما انتى وعنيده زى كان نفسى متخديش اوحش حاجه فيا وهيا العند
ليان بتوتر من قربها: مش احسن ما اكون انانيه واسيب اللى بيحبونى وامشى
ابتسمت اكتر: عرفه اكتر حاجه بحبها فيكى انك ديما جريئه وبتقولى اللى جواكى بس ديما بتدارى مشاعرك
ليان بتوتر اكتر: انتى بتقربى كده ليه ابعدى عنى انا مبقتش احبك
وجعتنى الكلمه اوى مع انى عرفه انها مش من قلبها
ليليان: بس انا بحبك وبحبك اوى كمان
حضنتها هيا حاولت تبعد عنى بس انا سبتها جامد فى حضنى
وقلت بصوت واطى: وحشتينى يا وردتى يا اول فرحتى يا بنت قلبى وحشتينى اوى ونزلت دمعه من عيونى على وشها
لقتها بصتلى بحزن مقدرتش امسك نفسى اكتر من كده وفضلت اعيط
ليليان: سمحينى يا حببتى سمحينى يا وردتى
لقتها بتمسح دموعى ودموعها
ليان: متعيطيش مقدرش اشوف دموعك متعوتش اشوفك ضعيفه
ابتسمت: ده مش ضعف ده تعبير عن حبى ليكم ما انتى بتعيطى اهو بس انا عارفه انه مش ضعف ده من حبك ليا
ليان بدموع: مش قدره اكرهك للاسف لسه بحبك
ليليان: وانا بعشقك كلكم
لقتها بعدت ومسحت دموعها: بس ده ميمنعش انى لسه مسمحتكيش على بعدك عنا ومش هسامحك غير لما اعرف الحقيقه
ليليان: حقك يا وردتى وحقى انى اطلب ديما السماح
وكملت بمزاح وانا ببصلهم: وبعدين انتم مالكم كلكم طوال كده ليها ده انا بقا شكلى وحش اوى لما اكون امكم واقصر منكم
أنت تقرأ
فقدان ذاكره وهمى بقلم/مى صلاح عبدالجليل
Misteri / Thrillerظننت انى لا شئ واتضح انى فى عيون من يحبنى كل شئ بطلتى هى فتاه شعبيه بسيطه شافت القسوه بكل اشكلها ولكن مع كل الظروف التى مرة بها لم تياس ولو للحظه من رحمه الله وبقيت اقوه بوجود من يحبوها بعد ما كانت منبوزه من الكل وسوف ياتى من ينير قلبها وينال ثقاته...
