وصية غيرت الكثير

آلبہآرتہ/13

مرحبا حبايبي

وصيه*غيرت*الكثير

البارت*13

آلكہآتہبہهہ♕كہؤثہر حہسہنہ

قراءة ممتعه
♕
♕
♕
♕
♕
♕
♕
♕

: انت تحبيني
باوعتلي وهي مطككةعيونة
كبل لا اجاوب طب علينة سلام وهو يجر بكرم من ياخت فانيلتة وشمرة بالمظيف
: يلة شو خل اشوفك شلون تكتلة
: عمي بطلت بطلت راح انطية كل قمصاني اشككهن مو بهذلتني
: على كيفك سلام ليش هيج تدفعة
دنكت علية لزمتة من ايدة وكومتة
: والله ماتنحزرون انتو كل الوكت اتعاركون ومحد يرظة على الثاني
يلة كرم اعتذر من زينب
: انوب اني اعتذر لا هي تعتذر
: والله لو تموت ترى انت البديت
: هاك تفظل ولج زنيبة مو توج خايفة علية
: اي وذا خايفة علية يعني لازم أعتذر  مااا
: هسة شلون وياكم تتراظون لو شلون واحد منكم يتنازل
ثنينهم جتفو أديهم على صدرهم ودارو وجوهم
باوعلي سلام وكال
: مستعدين يبقون ساعات على هاي الوكفة
تعال نكعد ونشوف شوكت تنحل وياهم
اجة سلام وكعدنة اني وياة نباوع عليهم
كل شوية واحد يباوع على الثاني ويديرون وجوهم
محد يرظة يتنازل أخر شي نزلت زينب ادية عن صدرة ورادت تطلع
سحبة كرم من أيدة وباسة من راسة
: عمي أتنازل لحساب أخيتي الوحيدة بس كون لا أظل زعلانة
ظحكت وحظنتة
: أسفة لأن هيج سويت أني أجيبلك احلا قميص
بس هااا اطلعني للمول
: اذا اطلعج للمول راح أخسرلي ميت ألف لا أريد قميص ولا شي كثر خيرج
: خوش جا انت تخسر
: اي اروح اشتريلج بس وحدي
: راظية بس ها اذا مو حلوات ترجعهن وتشتري غيرهن
: لا تخافين اعرف شتحبين
: خوش جا راح اروح تريد شي
: لا كلشي ما اريد
: وانت سلام تريد شي
: لا ما اريد يعمري
باوعتلي بنظرة سريعة وطلعت

بقيت كاعد يم سلام شوية ورجعت للبيت
أنمطلت على الفراش اباوع للسكف وبس زينب ادور بعقلي اني شلون كبل احجي وياهة هيج
بس الشك أكل راسي هي تحبني وتصرفت هيج وياي لو عادي وية اي واحد يعجبة أسوي هيج
لا ما اظن اسوي هيج وية اي واحد والله ما ادري عقلي كام يجيب ويودي

: الوووو سلام 
: هلا أسد
: اكلك اني باجر طالع بسيارة الحمل تروح وياي انت تدري طريق طويل وظوجة وحدي عاد تروح وياي تسليني واصلن انت ماعندك شي باجر وعكبة ماخذ، اجازة من دوامك
: جا اني ماخذ أجازة ارتاح لو اشتغل وياك
: لا تروح وياي يلة تعال يمنة على العشى وبات هنا لأن نطلع بتلاثة بليل
: خرب بيومك تريد أكعدلك بتلاثة عمي روح لا اعرفك ولا تعرفني
: ها ولك تخليت عني والصحبة والخوة
: خايب ياصحبة يابطيخ اني بالنوم ابوي ما اعرفة شو دروح
: الظاهر انت العيني والأغاتي ما اجيب نتيجة وياك اسمع سلوم تجي تروح وياي ورجلك فوك راسك
: ولك حيوان لا دكول سلوم لا اطلعلك من المبايل
: جيب جنسيتك وتعال ولا تاكل تبن يلة مع السلامة
سديت المبايل واني متأكد سلام راح ايعوف كلشي ويجي يبات يمي حتى يروح وياي باجر