وصية غيرت الكثير

آلبہآرتہ/10الجزء الثاني

مرحبا حبايبي

وصيه*غيرت*الكثير

البارت/10

آلكہآتہبہهہ♕ كہؤثہر حہسہنہ

قراءه*ممتعه
♕
♕
♕
♕
♕
♕
♕
♕
لزمت ايده وأخذت المبايل
: زينب اذا تحبيني لا دكليله بداعت الغوالي
: مستحيل راح احجيله كلشي وخل يصير اليصير
اطيني المبايل
: احلفج بروح علي عوفي السالفه كله
: بس أنت هيج جاي أظيفين لوم وتأنيب ظمير فوك العندي
: لا والله بالعكس فكري بالموظوع من صفحه ثانيه لو مو كل هذا الصار ما زوجنه اني وسلام
: ازوجتيه وصرتي مرته وتعذبتي بما فيه الكفايه خل أحجيله هسه وتعيشون براحه
: وياهو يكلج من راح يعرف كلشي نعيش براحه يجوز يعوفني ويكلي روحي شوفي حياتج لان اكيد لهسه هو مايحبني
اذا تردين مصلحتي لا دكليله
: ليش تفكرين هيج حتمال جبير من يعرف كلشي يكوم يحبج وترتاحون
: هي كله أحتمالات وماندري ياهو الصح خلينه هسه هيج والله كريم
: مهرة انت أنتحرتي وصلتي للموت بمعجزه ظليتي عايشه وترديني هسه اظل ساكته يجوز يظغط عليج أكثر وتموتين روحج ومحد يدري وترحين ومحمد اكتل روحي وراج
: هههه بعد عمري انت صدكيني الصار بعد مايتكرر لا تخافين عليه ولا عبالج اكلج هيج حتى اطمنج فعلاً بعد مستحيل أخطي هيج خطوه وأخسر حياتي صح احب سلام بس الحياه حلوه ولازم اعيشه وياه او بدونه اني ما اريد تحجيله ويحس بالذنب وهيج يتقرب مني ويحبني لا اريد وحده يحبني كون بوسط قسوته وانتقامه يلكه روحة يحبني لو هيج لو ما اريد هذا الحب
: من يوم يومج صعبه وحتى حبج صعب وتردينه يحبج بطريقه صعبه
: اي غير هو دوم يكول انت صعبه

ريم: لازمه مبايلي بالصاله اباوع بصور يزن الناشرهن على صفحته مال الفيس اكو صورتين جديدات بالدوام ماخذهن ومنزلهن
من شفتهن حن كلبي دخلت على المازنجر وقررت اراسله بس ما ادري شريد او شراح اكول
توني كتبت هلو وقبل لا انطي ارسال دخل عليه مصطفى
: أكلج ريم هم شايفه شاحنتي ماجاي الكاهه والمبايل راح يخلص شحن
: لا ماشايفته
: لعد شلون منتظر مكالمه مهمه من تركيا
: دورت بالأستقبال بغرف البنات
: مابقه مكان ما دورته بس ماكو عليج الله خاف انت وتولين مسوين بيه مقلب مثل العاده
: لا وين اصلن اليوم مالي مزاج لهاي السوالف
: ريم أكيد ترى والله المكالمه كلش مهمه
: لا والله ما اعرف مكانه
اجت ساره وبيده الشاحنه
: هاك مصطفى هاي شاحنتك لكيته بالجرار مالتي يجوز اني مخليته ما ادري
: اي رحم الله والديج
أخذه وراح كعد يم نقطت الكهرباء خلاه على الشحن وظل لازمه بيده مدري شيكتب بيه
باوعت للمبايل مسحت كلمت هلو وخرجت وحتى حظرته من الفيس حتى خاف اظعف
لو بس اعرف ليش هيج نافره منعنده وما اريد ارجعله مع العلم روحي ممروده مرد عليه

أماني: صار هواي مامخابره على مهند اتصلت عليه ما رد
يمكن مشغول
خمس دقايق ورجع أتصل هو
: الوووو
: عاش من سمع صوتج
: تعيش أنت شلونك شخبارك
: الحمدلله بخير انت شلونج البنات شلونهن
: زينه اني والبنات زينات ورجعنه لبغداد
: شعجب انتن طابتلجن العيشه ابيت رضا
: ترى انت اكثر واحد يعرف شصار ماصار
: اي صح بس شعجب رجعتن
: ساره رجعتله ذاكرته بعد شكو ظالين
: يعني ساره عافت خطيبه
: هي زعلت عليه فتره بس رجعو لبعض
: ازوجت
: لا بعدهم اعتقد يتأخرون أنت استقريت بالخارج
: اي وجاي ادرس
: شتدرس غير محامي أنت
: اريد أصير قاظي حتى أخذ حق رشا همه ألهم نفوذهب بالدوله واني كمحامي ما اكدر اسوي شي ادرس قظات أستلم الشهاده واجي للعراق بسيطه أسد أله احطه بالسجن
: مهند رشا بعد ماترجع وأسد ما سوه الحادث عمده انت لازم اشيل هذا الشي من بالك وتأسس حياتك وتسوي عائله
: ادري رشا ماترد واني ادره اذا اسوي عائله لو اظل وحيد اني مأيس منجن من عشتن وياهم شلون كدرتن تباوعن بوجوهم وتكونن وياهم تحت شقف واحد وهمه سبب خسارتج لأختج بس أستمريتن ونسيتن رشا ماتت ظلم شلون كدرتن تنسنه ما ادري شلون انتن اخواته عبرتن الموظوع ماادري
: انت جنت ادره بالظروف مو من حقك تحجي هيج
تعرف زين شلون جنت متأذيه بسبب وجودي ابيتهم جنت انت الوحيد اشكيلك
وشغله ثانيه رشا مانسيناهه والصار وياهه قدر الله كاتبه عليه وهذا حد يومه حتلو مامسوين حادث جان ماتت بغير طريقه مو من حقك تحكم علينه بدون ماتعرف شنو نحس وشلون نعاني بسبب غيابه
وهسه اترخص اني وربي يوفقك بحياتك جان غلط مني أذكرك وأسأل عليك
: أماني اعذريني بس كلبي مشتعله ناره عبالك امس ماتت
: معذور مهند مع السلامه
سديت المبايل قبل لا يحجي
شمرته على السرير ونجطلت تعلكت الدمعه بطرف عيني معقوله رشا حزينه وفكرت نسيناهه لا لا ما أعتقد اووووف يفراكج
بقيت على الفراش ابجي عليه شويه ودك مبايلي باوعتله أسد يتصل عفته لحدما خلصت المكالمه ومارديت هو هم بعد ما خابر