وصية غيرت الكثير

آلبہآرتہ/25"الأخير الجزء الثاني

مرحبا حبايبي

وصيه*غيرت*الكثير

البارت*الأخير

آلكہآتہبہهہ♕كہؤثہر حہسہنہ

قراءه*ممتعه
♕
♕
♕
♕
♕
♕
♕
♕

واكفه يم قبره مبتسمه واني اذكر بعض الذكريات عشناهن سوه
: الله يرحمك ويجعل مؤاك الجنه تذكر من جنت دكول اول طفل يصير عدنه نسميه مهُيب ابشرك نولد مهُيب
باوعت ناحيت ابني يلعب بسيارته المايفارقه حتى من ينام يمه
: تعال ماما حبيبي
باوعلي وأجه ركض يحجي مكطع
: شليدين ماما
باوعت لقبره وكتله
: هذا مهُيب صح مو انت ابوه بس أعتبرة أبنك
«
«
«
«
«
«

كاعدين بالمرجوحه مال بيت عمو رضا لازم ايدي ويدفع المرجوحه بجسمه ومبتسم
: يزن شكد تحبني
: هواي ما اكدر اوصفلج
: اذا هلكد لا تروح مثل كل مره لو تبقه هنا لو تاخذني وياك
: ما اكدر ابقه
: لعد اخذني
: مايصير مو هسه تجين بعد هواي بس ابقه انتظرج لحدما تجين
: روح زاعلتك ما دامك راح تعوفني
: مو سهل عليه زعلج بس مو بيدي اعذريني
بقيت مدنكه ومبرطمه جر خدي يريد يظحكني
: ريم ريومه زعلانه ومنهي اليراظيه يزن اليراظيه
ظحكت على اغنيته
: اي هيج اظحكي وخلي كليبي يظحك
كام من المرجوعه عدل ملابسه جان لابس الزي العسكري باوعلي وكال
: يله يروحي تأخرت اني مع السلامه
لوحلي بيده وراح دمعت عيني واني اباوعله

فتحت عيوني بثقل وأني اردد أسم مصطفى اول مرة احلم بيزن واكعد اردد غير أسمه
سمعت صوت أماني يمي ما اكدر ابقي عيوني مفتوحات احس الجفن شثكله
: ريم حبيبتي انت واعيه
: امممم جسمي يوجعني
: لا تخافين ما بيج شي
: مصطفى وين مصطفى بخير
: اي بخير لا تخافين
: انت شوكت اجيتي
: امس اجيت يعمري لا تحجين ما تشوفين روحج بالكوه اجرين الحجي
: شكد صارلي فاقده
: هذا اليوم الثالث من اندعمتو
: مصطفى اريد اشوفه
: خاف ما تكدرين خل نشوف الدكتور

طلعت للممر صحت تولين تنادي الدكتور لان اني ما اعرف تركي
: تولين صيحي للدكتور ريم كعدت
: تحجين صدك
: اي يله روحي بسرعه
عافتني وراحت

رجعت لريم دقايق واجه الطبيب فحصه حجه ويه تولين وطلع
: ها شكالج
: الحمدلله ما بيه شي اصلن متعجبين ليش جانت فاقده هلكد لان ما بيه شي بس رظوض
باوعت لريم وكالت
: الحمدلله على سلامتج حبيبتي
ما حاجته ريم ولا حتى باوعتله استغربنه ثنينه من تصرفه

زعلانه من تولين شلون تحجي اشيائنه الخاصه اني ومصطفى لصديقته
حاجتني ما رديت عليه باوعت لاماني وكتله
: اريد اشوف مصطفى
: يعني تكدرين تمشين
: اي ما بيه شي
: خل نجيبلج كرسي متحرك بالاول
من كالت هيج تذكرت من صرت مقعده حجيت بسرعه حتى استغربن من نبرت صوتي
: لا لا ما اريده امشي وحدي
شلت ابرت المغذي وكمت اجت اماني سندتني
اول بدايه بالكوة امشي بعدين صرت احسن
وكفنه كدام غرفته فتحت اماني الباب ودخلنه
باوعتله بدون قميص على صدرة اجهزه هواي
شكله يكسر الخاطر
رحت وكفت يمه مديت ايدي خليته بشعره نزلت دمعتي هذا الانسان تعب هواي وتأذه بسببي
: ليش عليه هلكد اجهزه
: جان عنده نزيف داخلي بس كدرو يوكفوة الحمدلله جا خسرناه
: اسم الله عليه بعده ما مستعيد وعيه مو
: اي
: اماني عوفيني وحدي يمه