وصية غيرت الكثير

آلبہآرتہ/5

السلام عليكم متابعيني الأعزاء

اتمنى ان الجميع بصحة جيدة

وصية*غيرت* الكثير

البارت *الخامس

آلكہآتہبہهہ♕ كہؤثہر حہسہنہ

قراءة* ممتعة
♕
♕
♕
♕
♕
♕
♕
♕
♕

محسيت غير عمو رضا واكف بينة وظرب أسد راشدي
رضا: ايدك تنكسر اذا انمدت على اماني فاهم هاي من ريحت الغالي واني معتبرة امانة عندي هي واخواتة اذا انعاد هذا الشي اتبرة منك فاهم  
ماحجة اسد بقة مدنك باوعلي عمو ماحسيت غير بجيت من كل كلبي سحبني لحظنة وبقة يمسح على شعري واني مستمرة ابجي بصوت عالي بهاي أللحظة مر علية كلشي من يوم وفات بابا للأن
رضا: بوية كافي بجي
شوية وبتعدة عن حظنة واني امسح بدموعي
حجة رجال امبين اكبر من عمو
: ابو اسد شكاعد ايصير وهاي منو
رضا: مو وكت هاي الأسألة
باوعلي وحجة
رضا: بنتي روحي جوة على ام اسد واني شوية واجي وراج
اماني: لا عمو الموظوع ميتأجل
سحبني من ايدي وطلعنة من الأستقبال ودخل بية للبيت جوه واسد يمشي ورانة اتلكتنة مرة جبيرة وبنت حلوة امبينة بكد سارة بقن ايباوعلي بستغراب بس مسألن شي
اماني: عمو ميكفي اسد قلب حياتنة رأس على عقب وخسرت اختي بسببة وهسة جاي سديد ايكمل على ماتبقى
رضا: شبية سديد شمسوي
اماني: امسوي روحة خطيب ساره وقانعة بهذا الشي
الكل انصدم وعمو عكد حاجبة وكال
رضا: انت متأكدة من هذا الكلام
اماني: اي عمو هستوني اجيت من المستشفى ألكية يمهة على اساس خطيبة لزمني من ايدي التوجعني لأن يعرف ما اكدر اكذبة كدامة لان تعرف حالتة عمو صح انت ألك حق علينة بس مو هشكل ادمرون حياتنة
مشكلتك وية بابا ليش ولدك ايدمرون حياتنة وينهونة وحده ورة الثانية لو اعرف كل هذا ايصير لا اجيت ولا نفذت وصية

انهاريت مكدرت اتحمل الصار كعدت على القنفة ابجي دنك علية عمو رضا وباس راسي
رضا: مايصير  خاطرج الا طيب وسديد حسابة عندي
باوع لاسد وكال: شو اسد خابر علية
طلع اسد مبايلة وتصل اجتي البنية وبيدة كلاص مي انطتنياة وبتسمتلي اخذتة منة شربت شوية ورجعتة ألة
أسد: يابة مايرد
رضا: اتصل بعد
اتصل اكثر من مرة بس بدون جدوى
رضا: اهدئي بابا لتخافين ماراح ايصير شي
اماني: شلون عمو وهي مصدكة انو هو خطيبة
كمت من مكاني اريد اروح
رضا: بويه وين رايحة؟
اماني: عمو للبيت
رضا: لا ميصير اتغدي يمنة
اماني: شكراً عمو بس ريم ابحدة هناك
رضا: هسة ادز اسد ايجبة
اماني: لا عمو شكراً اني لازم اروح عندي ظيف من بغداد احتمال بعدة بالبيت عن اذنك
تركتهم وطلعت طلع اسد وعمو وراي ركبت سيارتي ومشيت بدون حتى لا اباوع عليهم

رضا بعصبية: خابرلي هذا الأعوج خل يجي بسرعة اني عايز مشاكل شني هذا التسربت مالتة
اسد: يابة مايرد
رضا: وديله رسالة خل يجي بسرعة