وصية غيرت الكثير

آلبہآرتہ/14

مرحبا حبايبي

وصيه*غيرت*الكثير

البارت*14

آلكہآتہبہهہ♕كہؤثہر حہسہنہ

قراءة ممتعه
♕
♕
♕
♕
♕
♕
♕
♕

زينب ادخلي جوة خل نحجي
دخلت واني متردده وألف حسبه أبالي
جفلت على صوت الباب انسد
: هاي ليش سديتة
: لا تخافين ما اكلج بس احجي وياج
بقيت ساكتة انتظر يحجي
: زينب انت صدك ماموافقة على زواجج من علي
: اي
: وشنو السبب
: اريد اكمل دراسه
: بس هذا السبب ماكو شي ثاني
: اي
من كلت اي ادنه عليه بهدوء رجعت ليورة
: متأكده ماكو سبب ثاني
يحجي وهو يتقدم علية
: هااا اي
لزمني من كتوفي بحركه سريعة وقربني منه
خلة ايده على كلبي وكال
: منو موجود هنانه ولحسابه رفظتي علي
بقيت جامده بمكاني ارتباك على خجل قربي منه كلش وترني ماحجيت شي
: ليش ساكته
سحبت روحي منه ورجعت ليوره
: اسد انت شتريد دكول مجاي افهم عليك
: زينب اني احبج
انصدمت لان حجاهة هيج دفعه وحده بقيت جامده بمكاني
: ليش ساكته احجي شي
: شكول
: اي شي انت تحبيني مووو
: أسد اريد اروح من رخصتك تأخرت
: زينب اوكفي حاجيني بالأول تحبيني لو لا
: الله يخليك خل اروح
عفته ومشيت للباب كظني من ايدي
: زينب عليج الله لا توافقين اني اخطبج وازوجج
سحبت ايدي بسرعة ومشيت
نزلت ركظ دخلت للمطبخ حتى اروح لبيتنة لاكتني مهرة
: ها شنو صار
: مهرة اريد اروح لبيتنة
: ليش شبيج وجهج مخطوف
: مهرة من اوصل اخابرج خل اروح لا ينزل اسد
: جا شني شارده منه
عفته وركظت لبيتنة

: ظليت افتر بالمطبخ مثل الوحده العده طلوك هاي الثولة عافتني وراحت مثل المكروصة وأسد فوك مانزل هسة اني شلون اعرف اصار وياهم واصلن أسد ما أكدر أسألة يطيني خزرة تشلعني شلع
خل اخابر زينب هسة وصلت
دكيت علية مرتين يلة جاوبت
: نهيمه شبيج ساعه يلة تردين
: ماجنت ادري بيج والله
: مو كلتي من اوصل اخابر جا وينج اني ظالة احوس مثل وحده عده ولاده
: انت ليش هيج فظولية
: والله موبيدي يلة غردي
: شغرد ماكو شي
: زينب تحجين لا تصير مزينه
: شلون يعني
: يعني اجيكم هسة وأسحلج سحل فأحجي أحسلج
: هههه شبيج هيج معصبة
: ولج الفظول كتلني كتل تحجين لو لا

: رحت للشغل وره ابوي والظهر ما رجعت للبيت بقيت غاد ألف حسبة اجت على بالي خاف ماتحبني
جا ليش هيج اقتربت مني هذيج المره
يجوز صدك علمود الدراسه رفظت علي
اصلن بعدهم ما رادين الخبر لبيت عمي خاف يأثرون علية ويخلونة توافق
لا لازم احاجيه وياهة وتأكد اذا تحبني لو لا

بتلاثة اجاني سلام وجايبلي غده لأن خابرني ودرة بية ما راجع للبيت ولا متغدي بره
: يله تعال ناكل شلون دولمه مسوية الوالده وطرشي التحبة جبتة لك
: اكل انت ما اريد اني
: ليش
: ما أشتهي
: شبيك ظايج خلكك
: مابية بس شوية راسي يوجعني
: انت ابقه تحجج براسك كلما سألتك شبيك كلت راسي انت كلش متغير عليه كايم ماتحجيلي مشاكلك
: مشاكليش خايب شعندي اني
: والله بيك شي تعلمني بيك
: بكيفك
: يله كوم ازقنب وعوف التنعوص ترى بس البنات من يظوجن يعوفن الأكل
: جا مهرة من يا فصيلة شو من تترزل من امي منعدنه اطيح للأكل دك
: مهرة فريده من نوعه ربك خلقة وقرر بعد مايخلق هيج فصيلة لأن تورط
: أستغفر آلله هههه ولا تحجي على اختي
: ترى انت الحجيت علية
: اني اخوه احجي بكيفي بس انت لا
: وجعا غير اكلك فريده من نوعة وين لاكي هيج مايرظة على اختة ابو الوصخ
: شو طلع الدولمه شو كمت اشتهي
: اي هذا صويحبي عمي طك الدنية بطكاكية اهم شي بطنك
: لك يوم تنكتل على ايد مهرة من ورة بطنك
: اي والله من اجيكم هواي اتطلب واتشرط علية بس خلية كتله خاف انوب تطردني
: ههههه والله اسوية مهرة كلشي توقع منه
: ها طيبه الدولمه
: اي عاشت ايد عمتي وربي يخليك الي بس انت تكدر تغير مزاجي
: برسم الخدمه جا ألمن بعد خوان