وصية غيرت الكثير

آلبہآرتہ/20

مرحبا أحبتي

وصيه*غيرت*الكثير

البارت*20

آلكہآتہبہهہ♕كہؤثہر حہسہنہ

قرأه ممتعه
♕
♕
♕
♕
♕
♕
♕
♕

بس طبيت للغرفه طفرت من مكانه خايفه
شمرت المبايل ومشيتله بكل هدوء كامت ترجع ليوره ودموعه على وجهة
طبك ظهره على الكنتور
بس وصلتلة كالت من بين دموعه: أسد...
كبل لا تكمل ركعته راشدي فريت وجهة رادت اطيح لزمته من متنه وحصرته على الكنتور ولزمته من ركبته وخنكته واني صاك على سنوني
من حركت كلبي ماحسيت على روحي اله من صار وجهة ازرك
عفته وطاحت هي بالكاع تكح
دنكت علية ولزمته من شعرهة ورفعت راسه حجيت ودموعي سبقن كلامي
: بس كليلي ليش بس كليلي وين راح حبج ألي احجيلي خل ارتاح مو كلبي موجر
دفعته حيل راسه انظرب بالكنتور
كمت واني روحي محروكه لو كلشي أسويلة ما ارتاح
صرخت بعلو صوتي: اااااااخ ولج ااااااخ
ركعت الكنتور دفره صرخت عبالة الدفره بيه
دقايق ونفتح باب الغرفه يزن وامي ومهرة
احلام: شبيكم ولكم
باوعت لزينب كاعده بالكاع تبجي واني واكف يمه
احلام: ليش طكيته يمه
: يمه رحمه لوالديج روحو وعوفني اني ومرتي نتجازه
: شعوفك ولك تريد تموت البت
: لا تخافين علية ماتموت جنه صل كلشي مابيه
يزن: أسد على كيفك مو هيج تنحل الامور
: اله اموت روحي يله تنحل
احلام: اسم الله يمه شبيك تسودنت صح البت غلطت بس كافي سامحة ونشاء الله يرزقكم خلفه غير الراح
ظحكت بستهزاء ياظيم كلبي وناره يمه لو تدرين ابنج بيش طايح جان بجيتي على حالي
يزن: مهرة اخذي زينب لغرفتج
: ماتطلع من غرفته اظل بيه لحدما اقرر شسوي بيه
احلام: ولك تخبلت توك تفطنت راح يصير شهر شبيك يمه هاي مريتك لا تقسي علية وهي بعده جاهلة ماتعرف سامحة
: اااخ يمه شسامحه شسامحه
يزن: أسد تعال نطلع انت وبهاي الحالة راح تغلط هواي
سحلني يزن حتى اطلع نفظت ايدي منه وباوعتلة وكلتلة بعصبيه واني أشر علية بصبعي: من الغرفه ما ألج طلعه فاهمه هنا تنثبرين وحتى زقنبوت يصعدلج هنا وياويلة وسواد ليله لألكاه مطلعه
: أسد عوفه عليك الله امشينه نطلع

سحلني يزن وطلعني من البيت كلة رحنه يم الشط
نزلت من السياره واني مختنك وروحي احسه تريد تطلع اصعب شي بالدنيا الخيانه خصوصاً من أنسان يعنيلك كلشي بحياتك
: على كيفك ويه روحك راح تموت
: عساني بالموت عساني
: بويه لا تتخبل علينه هود كلشي اله حل
ألتفتتلة وحجيت بحركه والدمعه معلكه لا هي طايحة ولا هيه راجعه
: يله كلي شنهي الحل اذا عدك حل كلي
شفت شلون سكتت ماكو حل ماكو
صرخت بعلو صوتي: ااااااااخ ولج زينب ليييييييش ليييييييش

: طلعت أمي وظليت بس اني يمه كومته وطببته للحمام غسلت وطلعت تبجي كعدته على الجربايه ورحت سديت الباب وكعدت يمه أخذته لصدري حاظنته
ظلت تبجي لحدما انتهت
: ولج كافي مو فتتي كلبي ودموع ماظلت بعيونج راح تموتين من البجي
: ياريت اموت ولج ياريت
: وسم أنجبي يومي كبل يومج
حظنتني اكثر وتبجي
: ترى حرت اني ولج من طاح الطفل ماسوه أسد هيج شصاير وياكم سولفيلي
باوعتلي بسكوت دقيقه وكالت: راح احجيلج لان اذا ما احجي اموت
مسحت دموعه وبدت تحجيلي صدمتني صدمت العمر اخر شي جنت اتوقعه من زينب تخون أسد