وصية غيرت الكثير

آلبہآرتہ/17

مرحبا حبايبي
شلونكم ويه الصيام اني ظاربه دقله حامل وتعبانه بسبب هذا الشي 😂

وصيه*غيرت*الكثير

البارت *17

آلكہآتہبہهہ♕كہؤثہر حہسہنہ

قراءه*ممتعه
♕
♕
♕
♕
♕
♕
♕
♕

كرم: سلام مايفيدج ومثل مايكول ابو المثل اخذ اليحبك ولا تاخذ التحبه
رفعت راسي مستغربة حجيه وباوعت لزينب هم جانت مستغربه
زينب: شنهي تقصد بحجيك كرم
حجه بدون ما يشيل عينه من مهرة
كرم: قصدي واظح مهرة شله بسلام وهو يحب هبه تاخذلة واحد يحبه هي احسن
مهرة: بس هبه ازوجت
كرم: جا شنهي اذا ازوجت ما راح يفكر بية ويتلوع علية ويظل يحبه
مهره: هسه انت شلك بهذا الحجي
كرم: لان احبج واريدج واريد اوعيج واشوفج الحقيقه
انصدمت وباوعت لزينب الشهكت بصدمة
مهرة: كرم انت تحجي صدك
كرم: اي والله احبج واريدج مره الي وراح احاجي ابوي حتى اخطبج
مهرة: هاي شبيك تدري بية احب اخوك وتريد تزوجني
مرم: اني اخليج تنسينه
مهرة: كرم عليك الله لا تحاجي اهلي ترى ما اوافق
كرم: مهرة صدكيني سلام ما راح بيوم يحبج او ينسه هبة وحتلو راد يكمل حياتة ويزوج ما راح يختارج
مهرة: ومنو كالك اني منتظرة سلام الحبني او لا اني ما اكدر اتزوجك
كرم: ليش هو انت اول تالي تزوجين ليش مو اني
مهرة: اول شي اني ما اريد ازوج لا هسه ولا بعدين ونجان صار وتزوجت ما راح اخذ من ولد عمي بسبب حبي لسلام من ازوج لازم ابتعد من المكان الهو بية
كرم: اني ابني بيت بعيد منا ونزوج بية ولا تشوفينه ولا يشوفج
مهرة: كرم انت مو راظي تفهمني ابسط شي اني ما اكدر اعيش وية واحد يعرف شنو بداخل كلبي راح تتعب وتعبني وعلى اقل شي تبقة اشك وابسط شي يصير اظل تقارن بينك وبين سلام
كرم: اني مو هيج صدكيني بس اطيني فرصه صدكيني انسيج سلام واخليج تموتين علية
مهرة: مستحيل هذا الشي حبي لسلام مستحيل ينسي لان واصل وياي حد النخاع
كرم: خلينه نحجي فترة وشوفي شيصير يمكن يتغير لبكلبج
مهرة: كرم افهمني التريدة مستحيل يصير مستحيل وابعد هم
بقه يباوعلي وعيونة غوركن وقبل لا اطيح دمعته طلع من المطبخ
باوعت لزينب مصفصفه ومصدومة
كعدت على الكرسي واحس روحي خلصانه خاف اكو امل بيوم اصير لسلام كرم قطع هذا الأمل
ماسيطرت على دموعي كامن ينزلن وحدهن

زينب: انصدمت بحجي كرم ماتوقعته يحب مهرة ولا مبين علية اوووف شبيه حظ اخواني لازم يتعلعلون بالعشك
اباوع لمهرة دموعه كامن يصبن رحت علية حظنته وامسح بدموعه
: كافي ولج شكد تبجين لخاطر الله
: ولج ليش حظي هيج شوف الفكر اني احب سلام وهو يحب غيري ونوب اخوه يحبني اني فقدت الأمل مستحيل بيوم ننجمع مستحيل
: كافي ولج مزين هلكثر تبجين وتعاي بغرفتي لا يشوفنه واحد
اخذته ورحت لغرفتي شمرت روحه على الجرباية وشبعت بجي
اوووف هلبنية شكد تكسر الكلب الله يباوعلة ويجبر بخاطره