اللهم صل وسلم على سيدنا محمد
مريم: هتكون مين يعني انا مابخافش علي فكره
وعد :خلاص يامريم ثم وجهت كلامها ل دامر احنا اسفين يا استاذ
مريم: انتي بتقولي ايه يا وعد دا لازم يتربي
دامر :لمي لسانك احسن ليكي
مريم :هتعمل ايه يعني
وعد :خلاص بقي يا مريم
مريم: لا مش خلاص لما يعتذر الاول
دامر بتنهيده: اسف يا انسه مريم ينفع كده ممكن امشى
مريم: اممممم اتفضل
دامر بهمس :ايه البني ادمه دى يا ستار
ركب دامر سيارته وانطلق
بعد ذهاب دامر
وعد: ممكن افهم ايه اللي عملتيه دا
مريم :عملت ايه هو اللي غلط
وعد :انتي بهدلتي الراجل
مريم :يستاهل قال ايه انتي متعرفيش بتكلمي مين فاكرني هخاف منه
وعد :ربنا يهديكى وانتي يا حجه يارا مش بتنطقي ليه
يارا :بتفرج علي الخناقه
وعد :والله
مريم :اوعى كده يا وعد ماتمسكنيش ثم وجهت كلامها ل يارا تعالي هنا يا بت بتتفرجي علي ايه
في بيت فهد
بدريه :فهد يا ولدى يارا ومريم هيسافروا بعد بكرة
فهد: فاهمك يا حجه متقلقيش عامل حسابي
بدريه: هتعرف هي مين فيهم ازاى يا ولدى
فهد: عايز اتكلم مع الدكتوره وعد الاول يا حجه اكيد هتفهمني
بدريه: خير يا ولدى خير انا كنت اتكلمت قبل سابق مع وعد عن حادثه عمك ومراته
فهد :زين يا حجه انك عملتي اكده
في منزل الشيخ رفعت
دامر بابتسامه :السلام عليكم
الشيخ رفعت بفرحه: دامر حمدلله على سلامتك يا ولدى كيفك
دامر بابتسامه: بخير يا جدى وانت كيفك وكيف صحتك
الشيخ رفعت :الحمدلله الحمدلله هاااا نويت هتستقر أهنه خلاص مش أكده
دامر: ايوا يا جدى خلاص مفيش غربه تاني
الشيخ رفعت: ريحت قلبي يا ولدى ثم نادى بصوت عالي قائلا: يا حجه صفيه يا حجه صفيه
جاءت صفيه قائلا: ايوا يا حج ايه ده دامر حبيبي يا ولدى حمدالله علي سلامتك
دامر :الله يسلمك يا اماااااا اتوحشتك قوى
صفيه: انا اكتر يا ولدى كيفك
دامر: بخير يا حجه اومال ابويا فين
جاء عزمي من خلفهم قائلا بابتسامه: البشمهندس عندينا يا مرحب يا مرحب
دامر حضن والده قائلا :اتوحشتك قوى يا بوى
عزمي: وانت يا ولدى اتوحشتك قوى يلا يا حجه حضرلي للبشمهندس الوكل
صفيه: عيوني يا حج
في اليوم التالي
في المستشفي
وعد؛ اهلا اهلا فهد بيه اتفضل
فهد :اهلا بيكي يا دكتوره
وعد بابتسامه: خير يا فهد بيه
فهد ؛كنت عايز اتكلم معاكي في موضوع أكده هعطلك عن حاجه ؟
وعد: لا ابدا اتفضل
فهد :انتي عارفه طبعا موضوع حادثه عمي ومراته مش أكده
وعد: ايوا الخاله بدريه حكتلي قبل كده عنه
فهد :زين بصي يا دكتوره انا عايز مساعدتك
وعد :لو اقدر مش هتاخر عنك
فهد بابتسامه :خابر زين ثم أكمل الموضوع بخصوص ورده بنت عمي لما كنت بتشتغل في القاهره عرفت حاجات كتير عن الحادثه وعنها
وعد: خير يا فهد بيه
فهد :ورده ماماتتش
وعد بصدمه: ازاى
فهد :هحكيلك وقتها عمى ومراته وصلوا المستشفي مايتين والبت قالوا انهم معرفوش يخرجوها من العربيه
ولما دورت ورا موضوع الحادثه عرفت أنها لسه عايشه باختصار عرفت أنها اتربت في الملجأ اللي كنتي فيه واللى دخلوا الملجأ في الوقت ده كان انتي والدكتوره مريم والدكتوره يارا باختصار يا دكتوره بنت عمي تبقي واحده منكم انتو التلاته
وعد بصدمه: حضرتك بتقول ايه
فهد :عارف انك مصدومه بس دى الحقيقه و عايزك تساعديني لو انتي فعلا بنت عمى لاز....وقاطعته وعد قائله بس انا مستحيل اكون بنت عمك
فهد: مش فاهم
وعد: فهد بيه انا لما خرجت من الملجأ دورت علي اهلي ولاقيتهم واللي ساعدتني في كده كانت المديره القديمه للملجأ والبيت اللي كنت عايشه فيه في القاهره يبقي ملك لاهلي الله يرحمهم
فهد :معني أكده أن ممكن تكون بنت عمي الدكتوره مريم أو الدكتوره يارا
وعد :بالظبط
فهد :الحجه قالت إنهم ماشين بكره تقدري تساعديني أنهم يقعدوا الفتره دى أهنه
وعد: طبعا يا فهد بيه اكيد
فهد بابتسامه : متشكر يا دكتوره
وعد :متشكرنيش انا هبقى مبسوطه لما واحده منهم تلاقي عائلتها
فهد بابتسامه : ان شاء الله خير
في منزل الشيخ رفعت
دامر : لاع يا بوى فهد ميعملش أكده انا عارفه وكيف كيف ياخد الأراضى و يحرق المخزن وكيف ياذيكم اصلا فهد كان خاطب رحمه اختي الله يرحمها و كان واحد منينا يا بوى فهد ميعملش أكده واصل
الشيخ رفعت: أهدى يا ولد فهد ملوش دخل
عزمي: لاااع ليه دخل يا بوى ليه دخل ثم أكمل بعصبيه هو بيعمل أكده عشان ينتقم لابوه وعمه
دامر: ينتقم ؟! ينتقم ليه
عزمى: هااااا لاع مفيش
دامر: يا بوى صدقيني فهد ميعملش أكده
عزمى: خلاص يا ولد قفل علي الموضوع ده
في منزل فهد
فهد: كيفك يا فتحي اتوحشتك
فتحى :وانت كومان يا فهد عملت ايه
فهد: ارتاح الاول وبعدين نتحدت
فتحي: طيب الحق اروح انا
فهد: ماشى يا صاحبى
استوووووب
