اللهم صل على سيدنا محمد
فهد :يا استاذه يا استاذه فوقي ثم اخذها فهد في سيارته وانطلق الي بيته
بدريه والده فهد : يا مري مين دي يا ولدي
فهد :ما عرفش يا حجه خلي بالك منيها وانا هجيب داكتوور واجي طوالي
بدريه : في عيني يا ولدي ثم نظرت لوعد قائله يا عيني عليكي يا بتي
انطلق فهد يبحث عن دكتور
في منزل فهد
فهد: اتفضل اتفضل من اهنه
الدكتور فحص وعد ثم قال موجه كلامه لفهد :هكتبلك علي الادويه دي تجيبها بسرعه
فهد :حاضر يا دكتور هي هتبقي زينه مش اقده
دكتور: إن شاء الله
بعد انتهاء الطبيب من تقطيب ومعالجه جروح وعد
فهد :ها يا داكتور هي زينه مش اقده
دكتور: ايوا الحمد لله هي دلوقتي كويسه إصابتها مش خطيره بس محتاجه عنايه والادويه دي تمشي عليها بانتظام اتفضل
فهد :متشكرين يا داكتور
الدكتور: دا واجبي عن اذنكم
فهد: اتفضل
بدريه: مين دي يا فهد يا ولدي
فهد: ماعارفش يا حجه لقيتها علي الطريق سايحه في دمها قومت جبتها علي اهنه
بدريه :زين ما عملت يا ولدي ثم اكملت هقوم اعملها لقمه تتقوي بيها وانت يا ولدي قوم ارتاح
فهد بتنهيده: حاضر يا حجه
في الغرفه التي تتواجد بها وعد
وعد :اه يا دماغي اااااه
بدريه: انتي صحيتي يا بتي حمدلله علي سلامتك
وعد باستغراب لهذه الامرأه :الله يسلمك بس انتي مين وانا جيت هنا ازاي
بدريه :انا خالتك بدريه و انتي اهنه في سرايا فهد عبد الرحمن السيوفي
فهد ابني لقاكي علي الطريق سايحه في دمك يا حبه عيني قام جابك علي اهنه وجاب دكتور عالجلك جروحك
وعد بابتسامه؛ كتر خيركم بجد لولكم الله اعلم كنت ميته دلوقتي
بدريه: ما تقوليش اقده يا بتي الحمد لله انك بخير ثم اكملت ايه اللي حوصل
وعد :انا دكتوره يا خاله نقلوني هنا وانا جايه العربيه عطلت والسواق راح يشوف ميكانيكي خرجت من العربيه اتمشي شويه سمعت صوت عربيه جايه ناحيتي بسرعه كبيره وبعدها ما حاستش باي حاجه غير دلوقتي
بدريه: الحمد لله يا بتي انك بخير اهلا وسهلا بيكي البلد نورت شوفي اهو الحديت أخدنا ونسينا الوكل يلا بسم الله قبل ما يبرد
وعد: شكرا يا خاله مليش نفس
بدريه :كيف دا لازم تتقوي كلي بقي متكسفيش يدي
وعد بعيون دامعه : حاضر يا خاله
بعد تناول وعد لطعامها
وعد: تسلم ايدك يا خاله انا شبعت الحمدلله
بدريه :وه الوكل زي ما هو يا بتي كيف شبعتي ولا تكون عامله اسمو ايه اللي عتعملوه ده اسمو ايه اسمو ايه
وعد بضحكه :الدايت يا خاله
بدريه :ايوا هو ده
وعد بضحكه: لا مش عامله دايت ولا حاجه بس بجد شبعت
بدريه: زي ما تحبي يا بتي
وعد: انا المفروض ارجع شغلي دلوقتي اكيد بيدورا عليا عشان اتاخرت
بدريه: وه انتي لسه تعبانه
وعد ؛انا كويسه الحمدلله
بدريه: ارتاحي يا بتي وفهد ولدي لما يجي هخليه يحل الموضوع دا
وعد لسه هتتكلم قاطعتها بدريه قائله: ولا كلمه زياده ارتاحي وبس وفهد هيتصرف
بدريه: صباح الخير يا ولدي
فهد: صباح الخير يا حجه ها فاقت
بدريه :ايوا يا ولدي
فهد: عرفتي هي مين
بدريه: دكتوره جايه من مصر تشتغل في المستشفي اهنه وحكت له ما قصته عليها وعد
فهد: الحمد لله وهي كيفها
بدريه ؛زينه يا ولدي
فهد: خليكي معاها يا حجه وانا هحل موضوع المستشفي ده
بدريه: في عنيا يا ولدي تعالي افطر الاول
فهد :ماشي يا حجه
في الغرفه التي تتواجد بها وعد
يدق الباب
وعد :ادخل
فهد؛ حمدالله علي سلامتك يا دكتوره
وعد: الله يسلمك انت استاذ فهد صح
فهد: صوح يا دكتوره صوح
وعد: انا مش عارفه اشكرك ازاي واحد غيرك كان سابني وقال انا مالي
فهد: كيف اقده انا عملت واجبي ومتقلقيش إذا كان علي المستشفي انا اتصرفت ومش هتروحي غير لما تبقي زينه
وعد: مش عارفه اشكرك حضرتك ازاي
فهد: لا شكر علي واجب يا دكتوره عن اذنك
وعد: اتفضل
خرج فهد
في اليوم التالي
بدريه: ايه اللي منزلك يا بتي من اوضتك لساتك تعبانه
وعد :انا بخير بس مليت من الاوضه وانا قاعده لوحدي ثم اكملت اساعدك في حاجه
بدريه: وه كيف دا ارتاحي انت ومالكيش صالح
وعد بابتسامه: والله انا كويسه
بدريه :ماشي تعالي ساعديني
وعد: اشطااااا
فهد داخل من باب البيت سمع صوت ضحك جاي من المطبخ دخل المطبخ قائلا بابتسامه
فهد :وه ماتضحكوني معاكم
بدريه بضحكه: تعالي يا ولدي
فهد :ايه يا حجه بدريه بقالي كتير ما شوفتك ضحكتك الحلوه دي
بدريه: البركه في الدكتوره عامله حس للبيت
فهد :بركاتك يا دكتوره
وعد: هههههههههه
فهد: هااا خلصت الوكل يا حجه هموت من الجوع
بدريه بابتسامه: هبابه والوكل يكون جاهز
فهد مقبل يد والدته قائلا: تسلم يدك يا ست الكل
ثم خرج من المطبخ
بدريه: انتي عايشه في مصر مع مين يا بتي
وعد بابتسامه :عايشه لوحدي يا خاله
بدريه: كيف دا واهلك فين
وعد بابتسامه: انا اتربيت في ملجأ مليش حد
مليش غير يارا ومريم صحابي
بدريه بابتسامه حنونه: كيف ملكيش حد وانا روحت فين اياك
وعد بابتسامه: هههههههههه
يقاطعهم نداء فهد قائلا:جهزتوا الوكل
بدريه :جاهز يا ولدي
استوووووووب
