اللهم صل وسلم على سيدنا محمد
في منزل فهد
فهد: تعالي يا عصام تعالي يا رقيه عايز اتكلم معاكم
عصام باستغراب :خير يا فهد
فهد :من شويه كلموني من السجن
رقيه :خير يا فهد
فهد بحزن: عمتي نرجس تعيش انت
عصام بصدمه: كيف ده
فهد بحزن : انتحرت
رقيه بصدمه: امي ماتت ثم انفجرت في البكاء والصراخ
عصام بصدمه لا يرد نعم كان يريد ان تاخد جزاءها بقتلها اخوها ولكن لم يتوقع ان تكون نهايتها هكذا اخذ يبكي بصمت
بدريه ببكاء: خلاص يا بتي اهدي ربنا يرحمها
رقيه بانهيار: انتو السبب ماتت بسببكم انتووووو السبب
عصام بصوت عالي :رررررقيه
فهد :خلاص يا عصام ثم وجه كلامه لبدريه خديها يا حجه لفوق
فهد: تعالي معايا هنروح نستلم جثتها
عصام بحزن :ماشي
في المستشفي
مريم بصدمه :عمتي تعمل كل ده مش مصدقه
وعد: ايوا هي
مريم بحزن: ربنا يرحمها ويسامحها
وعد :يا رب
مريم :وعد انا هخرج امته انا تعبت من القاعده كده
وعد بابتسامه :يومين كده يا حبيبتي
مريم :ااوف لسه
واثناء حديثهم تدخل يارا وهي تبكي
مريم بغضب :يارا ابوس ايدك بطلي عياط بقي
يارا بدموع: بس انا مش بعيط عشانك المره دي
وعد باستغراب: اومال بتعيطي ليه
يارا :عشان ولم تكمل كلامها بسبب دخول عمر المفاجئ
قائلا :يابنتي والله ما ليا علاقه بيها
يارا :يا سلام اومال كان لازقه فيك كده ليه يا اخويا
عمر: الموضوع مش كده يا يارا هي كانت هتقع وانا بس مسكتها
يارا بغضب :لا والله والمفروض اصدقك انا
عمر: ايوا تصدقين لاني بقول الحقيقه
يارا ببكاء :انت واحد كذاب وخائن وغشاش طلقنننننننني
عمر: لا يا يارا كل الا طلاق لا انا مقدرش اعيش من غيرك
يارا بدموع :خلاص يا عمر الحياه بينا بقت مستحيله طلقي وكل واحد يروح لحاله
عمر بحزن :طالما انتي عايزه كده خلاص روحي وانت طالق
يارا بصدمه: طلقتني يا عمر
عمر: مش انتي اللي طلبتي الله
يارا ببكاء :طب واللي بطني دا اعمل فيه ايه عااااااااا
كل هذا ووعد ومريم فاتحين افواهم ومش مصدقين اللي بيحصل
وعد بصدمه: انتو اتجوزتوا امته عشان تتطلقوا
مريم: ايه اللي بطنك يا حجه
وعد: انتوا ازاي كده اصلا
يارا :ايوا صح احنا متجوزناش اصلا
عمر :ايوا صح احنا لسه اتجوزنا
عمر بابتسامه: حمدالله علي سلامتك يا دكتوره مريم
مريم: الله يسلمك يا اخويا
عمر: طيب عن اذنكم انا
وعد ومريم: اتفضل
يارا جاءت تخرج من الغرفه ولكن وعد امسكتها من ثيابها كاللصوص قائله: تعالي هنا دا انتي نهارك اسوح
يارا بخوف: اهدي كده يا كابتن وانا اعترف بكل حاجه بس من غير ضرب
مريم :ايوا كده بس بالتفصيل لو سمحتي
يارا: حاضر وعد سيبني لو سمحتي
وعد :اتنيلي احكي
يارا :بصي انا وعمر بنحب بعض
مريم ووعد بصوت واحد: نعم يا اختي
وعد: ودا من امته إن شاء الله
يارا: احم من شهر كده و هيجي يتقدملي بعد مريم ما تخرج من المستشفي
مريم :ثواني هي مش دي يارا اللي كرهتني في حاجه اسمها حب وكده
وعد: بالظبط
يارا بابتسامه :رجعت في كلامي الحب دا طلع احلي حاجه
مريم بضحكه: طول عمري بقول عليكي عيله النهارده اكدتي كلامي
وعد بابتسامه: ربنا يفرح قلبك يا يارا
مريم :بس لايقين علي بعض اوي ماشاء الله حله ولاقت غطها
وعد :هههههههههههه
يارا بغيظ :لا والله
وعد: تعالي يا يارا نشوف شغلنا وانتي ارتاحي يا مريم هنرجعلك تاني
مريم: ماشي
ثم خرجوا تاركين مريم
مريم تكلم نفسها: يا تري كنت هنا فعلا يا دامر ولا دا حلم
في منزل فهد
تم الانتهاء من مراسم دفن نرجس والعزاء
فهد موجه كلامه لعصام: اطلع يا عصام ارتاح انت
عصام بحزن: ماشي تصبحوا علي خير
الكل :وانت من اهله
في غرفه رقيه
الباب يدق
رقيه ببكاء: ادخل
عصام :لسه صاحيه يا رقيه
رقيه ظلت تبكي ولم ترد
دخل عصام وجلس بجوارها قائلا: ادعيلها يا رقيه
امنا غلطت كتير ادعيلها يا حبيبتي
رقيه ببكاء: مش مصدقه انها خلاص راحت خلاص بقيت لحالي
عصام :كيف دا واني روحت فين انا جارك علطول يا خيتي
رقيه: ربنا يديمك ليا يا اخوي ثم احتضنته
عصام: يلا نامي انتي وريحي حالك تصبحي علي خير
رقيه: وانت بخير يا اخوي
ثم تركها وخرج
في اليوم التالي
في المستشفي في غرفه مريم
الباب يدق
مريم :ادخل
دامر بابتسامه: صباح الخير
مريم بابتسامه: صباح النور
دامر: كيفك النهارده
مريم :الحمدلله بخير كويس انك جيت كنت عايزه اسالك علي حاجه
دامر: خير
مريم: انت جيت زورتني قبل كده صح سمعتك بتكلمني
دامر بابتسامه: ايوا وهو دا اللي كنت جاي اقولهولك النهارده تنهد دامر ثم قال مريم انا بحبك
مريم بصدمه :يعني اللي سمعته قبل كده صح
دامر :ايوا صوح
مريم :دامر انا
دامر :اسمعيني اني بحبك معرفش امته وكيف بس اللي اعرفه صوح اني عايز اكمل حياتي معاكي ومش هسمح بغير اكده لما تخرجي من المستشفي هجيب الحجه صفيه واجي اتقدملك
قاله كلامه ثم خرج
مريم بصدمه :احيييه يا ابو سوسو احيييه
في غرفه وعد
وعد: ادخل
رائد بابتسامه: صباح الخير
وعد بتنهيده: صباح النور اتفضل يا استاذ رائد
رائد : كيفك يا دكتوره
وعد : الحمدلله خير يا استاذ رائد
رائد: انا جاي النهارده اعتذر منك علي الكلام اللي قولته
كان لازم يفضل كل دا جويا انا كنت اكتر حد بزن علي فهد يتجوز ويكمل حياته بعد رحمه ولما خلاص اخد الخطوه دي فرحت قوي متخيلتش إنه البنت اللي اختارها تكون نفسها البنت اللي حبيتها بس فهد اخويا وصاحبي وهو وقف جاري كتير وخرجني من مشاكل كتير قوي وعشانه مستعد اضحي بحب عمري فهد يتساهل كل خير متسيبهوش يا وعد فهد محتاجك انتي وهو لايقين علي بعض قوي
وعد بابتسامه :انت انسان عظيم يا استاذ رائد فهد محظوظ إن عنده اخ وصاحب زيك
رائد بابتسامه :متشكر يا دكتوره استاذن انا
وعد بابتسامه: اتفضل
في غرفه مريم
يارا تدخل تجد مريم علي وضعها منذ انا تركها دامر
يارا: مريم مريم بت يا مريم مرييييييييم
مريم: ايه ايه في ايه
يارا: مالك يابت مش هنا خالص
مريم: اسكتي يا يارا وسيبني في حالي
يارا: الله مالك يا حجه انطقي
مريم بتفكير: وربنا ما عارفه اجيبهلك ازاي لاني انا نفسي مش مستوعبه حاجه لحد دلوقتي
يارا :انت هتقلقيني ليه يا حجه انتي ثم اكملت وهي علي وشك البكاء عمر بيخوني صح
مريم بغضب: وانا مالي بعمر بتاعك دا دلوقتي
يارا: اومال في ايه
مريم بتنيده وحكت لها ما حدث
يارا بابتسامه: اوباااااا احلفي قالك كده
مريم: اه
يارا: وانتي رديت قولتي ايه
مريم: هو عطاني فرصه ارد قال الكلمتين دول ومشي علطول
واثناء حديثهم دخلت مبتسمه قائله: صباح الورد
يارا ومريم :صباح الفل
يارا بابتسامه: سمعتي اخر الاخبار
وعد :خير
استووووووب
